Xana U Xifaniso Xa Wena N’wini?

Handle ko swi xiya vanhu van’wana va tiendla swifaniso. Bibele ya hlamusela eka Vaefesa 5:5: “Tivani mhaka leyi: Ku hava munhu ni un’we la nga ta averiwa ndzhaka eMfun’weni wa Kriste ni wa Xikwembu, loko a ri la oswaka, kumbe la endlaka swa thyaka, kumbe la nga ni makwanga, ku nga ku gandzela swikwembu swa hava.” (Vakolosa 3:5; ringanisa Vagalatiya 5:19-21.) Ku navela ka nyama ku nga nghena exikarhi ka munhu na Xikwembu. Pawulo u vulavula hi vanhu vo tano leswaku “[x]ikwembu xa vona i khwiri ra vona.” (Vafilipiya 3:18, 19) Hi marito man’wana, va na ‘xikwembu’ xin’wana handle ka Yehova, va rhangisa ku navela ka vona ka nyama. Ku tikhoma ko tano ku nga sivela munhu eMfun’weni wa Xikwembu. (1 Vakorinto 6:9, 10) Kutani ke, ku ni xivangelo lexinene xo yingisa marito ya muapostola Pawulo: “Hikokwalaho, vamakwerhu lava rhandzekaka, chavani ku phahla swikwembu swa hava.”—1 Vakorinto 10:14.