“Ntshembo Wa Misava Yo Antswa”

Loko a ri karhi a endzela eMontreal hi July 1985, Gilles Le Sieur hi xihoxo u siye nkwama wa yena wa tibuku exitimeleni. Siku leri landzelaka endzhaku ka loko a tlhelele ekaya, kwalomu ka tikhilomitara ta 260 ku suka eMontreal, u amukele riqingho ro huma eka wansati la kumeke nkwama lowu. Gilles ni nsati wakwe va tlhelele eMontreal ku wu landza. Loko va fambile, va nyike wansati loyi kopi ya buku leyi nge U Nga Hanya Hi Masiku aParadeyisini eMisaveni. Kwalomu ka mavhiki mambirhi endzhakunyana, va amukele papila leri tlangelaka ro huma eka yena, leri hi ku komisa ri nge:

“A ndzi swi tivi leswaku i mani eka hina la endleke ntirho lowukulu eka un’wana vhiki leri hundzeke. Hambi leswi a ndzi nga langutelanga nchumu, ndzi tsakisiwe swinene hi ku tlangela loku mi ndzi kombiseke kona. Ngopfu-ngopfu ndzi tlangele ntiyiso wa leswaku mi lave ku avelana na mina xihlovo xa ntsako wa n’wina. . . . Ana se ndzi hetile ku hlaya buku leyi mi ndzi siyeleke yona naswona hi nkarhi lowu mi hlayaka papila leri, un’wana wa vanghana va mina u ta va a yi hlaya. A mi tiyisile hi mimpfuno leyi buku leyi yi yi tisaka. A yi ndzi nyikanga ntshembo wa misava yo antswa ntsena kambe yi hlamule swivutiso swo tala leswi vukhongeri bya mina byi nga si tshamaka byi swi hlamula. . . . Sweswi ndzi sungule ku hlaya Bibele hi ku navela ku hanya vutomi byo antswa.”

Wansati loyi u ye emahlweni ni dyondzo ya yena ya Bibele naswona hi ku famba ka nkarhi u ve mutirheli wa nkarhi hinkwavo wa swilo leswinene leswi a swi dyondzeke. U Nga Hanya Hi Masiku aParadeyisini eMisaveni yi ve xitirho eku cinceni ka vutomi bya vanhu vo tala byi va byo antswa. Buku leyi, mpimo wa matluka lowu fanaka ni wa magazini lowu, yi hlamusela kwalomu ka tidyondzo hinkwato ta Bibele naswona yi na swifaniso swo dyondzisa leswi tlulaka 150. Leswaku u kuma buku leyi ya nkoka, tata ivi u rhumela xiphephana lexi landzelaka.

Lexi i xiyenge xa ntirho wa misava hinkwayo wa ku dyondzisa Bibele lowu seketeriwaka hi minyikelo ya ku tirhandzela.

Ndzi nga tsakela ku amukela buku ya xifunengeto xo tsindziyela, leyi hakeleriweke eposweni ya matluka ya 256, leyi nge U Nga Hanya Hi Masiku aParadeyisini eMisaveni.