Xana Ndzi Nga Hlangavetana Njhani Ni Ntshikilelo Wa Tintangha?
Papila leri humaka hi le ka mufambisi wa maphorisa ya le Chicago ri kombisa ntikelo wa ku tiva nhlamulo. Wa tsala:
“Hi January 15, 1990, a ndzi kambela mukhotsiwa wa malembe ya 18 hi vukhale loyi a vuyisiweke eChicago a suka eMississippi hi mpfumelelo wa vubaleki. Xiphemu xa ku kambela i ku teka swilo hinkwaswo swa mukhotsiwa. A a ri na buku leyi nge Vantshwa.
“Ndzi n’wi vutisile: ‘Xana u yi hlayile buku leyi?’
“U hlamurile a ku, ‘Ina, loko ndza ha tumberile eMississippi, ndzi tirhe epurasini, kutani vambirhi va Timbhoni ta Yehova va ndzi nyike buku leyi.’ Kutani u sungule ku rila, a mpfikula a nga lawuleki. Eku mpfikuleni ka yena, u te: ‘Ndzi hlaye buku leyi minkarhi yo tala, naswona ndzima leyi ndzi tshameleke ku yi hlaya hi ku phindha-phindla hi leyi nge “Xana Ndzi Nga Hlangavetana Njhani Ni Ntshikilelo Wa Tintangha?”’ U engeterile: ‘Loko a ndzi lo kuma rungula leri emalembeni manharhu kumbe mune lama hundzeke, a ndzi ta va ndzi nga ri laha namuntlha.’
“Mukhotsiwa u fambisiwile, naswona ndzi hlaye xiviko xa maphorisa ni ku tivula nandzu loku a ku nyikeke maphorisa. Eka xona u te: ‘Murhangeri wa ntlawa wa mina u ndzi byele leswaku ndzi rhelela exitarateni ivi ndzi duvula xirho xa ntlawa lowu lwaka na hina lexi a xi xavisa cocaine etikweni ra hina. Ndzi endle leswi ndzi nga byeriwa swona. Ndzi chave leswaku swirho leswin’wana swi ta ehleketa leswaku ndzi toya. Ndzi lave ku amukeriwa.’”
Kumbexana na wena u tivutise swivutiso swo tanihi leswi nge: Xana ndzi nga hlangavetana njhani ni ntshikilelo wa tintangha? Xana ndzi fanele ku tshika xikolo? Ndzi nga vurisa ku yihi ku e-e eka rimbewu ra le mahlweni ka vukati ke? Ha yini ndzi ku e-e eka swidzidzirisi ke? Leti hi tin’wana ta tinhloko-mhaka leti hlamuseriwaka eka Swivutiso Leswi Vantshwa Va Swi Vutisaka—Tinhlamulo Leti Tirhaka. Loko u tsakela ku amukela kopi ya buku leyi yi kombisiweke hi ndlela leyi kokaka mahlo, ya matluka ya 320, tata ni ku rhumela xiphephana lexi.
Ndzi nga tsakela ku amukela buku ya xifunengeto xo tsindziyela leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka. (Ehandle ka le R.S.A., tsalela rhavi ra kwalaho ra Watch Tower ku kuma rungula leri engetelekeke. Vona tluka 2.)