Xana N’wana Wa Wena U Na Xona Xikhokhelo Xa Munhu Hi Xiyexe?

LESWAKU va hlakulela ku navela ka ku dyondza eka vana va vona, vatswari lava tlhariheke va endla leswaku tibuku letinene ti kumeka handle ko ba mariri eka vona. Hi xikombiso, vo tala, va endla leswaku vana va vona va va ni xikhokhelo xa munhu hi xiyexe xa magazini wa Bibele wa Xihondzo xo Rindza, lowu tirhisiwaka tanihi xisekelo xa mabulo ya vhiki na vhiki ya Bibele eminhlanganweni ya Timbhoni ta Yehova. Kambe hi le ka malembe wahi laha n’wana a faneleke ku nyikiwa xikhokhelo xa munhu hi xiyexe?

Eku sunguleni ka nan’waka papila leri landzelaka ri amukeriwile ri huma eka manana un’wana: “Xikhokhelo lexi i xa xifanyetana xa hina xa malembe mambirhi hi vukhale. Eka dyondzo ya Xihondzo xo Rindza, u fanele ku va ni kopi ya yena n’wini. Ndzi ringetile ku n’wi nyika yin’wana loko hi ve lava pfumalaka kopi yin’wana leyi tirhisiwaka, kambe a a swi xiya leswaku swifaniso a swi fambelani, naswona u lave nkandziyiso lowu a hi wu tirhisa. Ndza tiyiseka leswaku swifaniso swa mivala yo saseka swi tsakisa hambi a ri n’wana lontsongo naswona swi ta pfuna ku tlangela kakwe ka le vutsongwanini ka swakudya swa moya leswi a kalaka a nga si swi twisisa.”

Hikwalaho ka yini u nga tiyiseki leswaku un’wana ni un’wana wa vana va wena a va ni xikhokhelo xa munhu hi xiyexe xa Xihondzo xo Rindza? Amukela xikhokhelo xa lembe hi ku tata ni ku rhumela fomo leyi yi nga laha hansi.

Ndzi rhumeleni Xihondzo xo Rindza. (Ehandle ka R.S.A., tsalela rhavi ra kwalaho ra Watch Tower ku kuma rungula leri engetelekeke. Vona tluka 2.)