Xana Ngati Yi Nga Byi Ponisa Njhani Vutomi Bya Wena?

Ku nyika mimpompelo ya ngati ku dzunisiwe ngopfu tanihi ndlela leyi hlayisekeke, leyi ponisaka vutomi. Kambe Dr. Alan A. Waldman wa hlamusela: “Ku twisisa loku vonakaka ku tengile ka vuhlayiseki bya ngati ku hundzuriwe hi ndlela leyi hlamarisaka hi ku kumiwa ka AIDS leyi fambisanaka ni mpompelo.”

Hambi swi ri tano AIDS a hi khombo ri ri roxe. “Mintshubulo yin’wana yo talanyana yi seketela miehleketo ya leswaku ku ni makhombo lama nga tiviwiki ni lama nga lawulekiki eku tirhiseni ka ngati leyi hlengeletiweke,” ku kombisa Dr. Waldman. “Sweswi, hambi ku ri timhaka leti tshameke ti tekiwa tanihi leti tlhantlhiweke—hi xikombiso, ku humelela ka vukamberi bya vanhu lava nga ni xitsongwatsongwana xa hepatitis B—ku tise ku kanakana.”—Diagnostics & Clinical Testing, July 1989.

Hakunene, ngati i nchumu lowu nga ni khombo. Hi nkarhi lowu fanaka, ngati i ya nkoka eku poniseni ka vutomi. Xana ngati yi nga byi ponisa njhani vutomi bya wena? U ta pfuneka hi nkambisiso wa xivutiso lexi eka broxara ya matluka ya 32 leyi nge Xana Ngati Yi Nga Byi Ponisa Njhani Vutomi Bya Wena?

Loko u tsakela ku amukela kopi, hi kombela u tata ni ku rhumela xiphephana lexi landzelaka.

Ndzi tsakela ku amukela broxara ya matluka ya 32 leyi nge Xana Ngati Yi Nga Byi Ponisa Njhani Vutomi Bya Wena? (Ehandle ka le R.S.A., tsalela rhavi ra kwalaho ra Watch Tower leswaku u kuma rungula leri engetelekeke. Vona tluka 2.)