Xana U Ta Ri Amukela Riendzo?

N’wexemu wansati wa le Corpus Christi, Texas, U.S.A., u tsalele Sosayiti ya Watchtower eBrooklyn, New York, a ku: “Vito ra mina i Emily, naswona a ndzi ri karhi ndzi dyondza tibuku leti van’wana va Timbhoni ta Yehova va ndzi nyikeke tona mavhiki ma nga ri mangani lama hundzeke. Endzhaku ko hlaya timagazini ni ku ti ringanisa ni Bibele ya ndyangu wa mina, ndzi vone leswaku Kereke ya Rhoma Khatoliki a yi nga vonaki yi dyondzisa leswi a swi ri eka Bibele leyo Kwetsima. A va si tshama va vulavula hi vito ra Xikwembu kumbe hi Mfumo wa Xikwembu lowu taka, leswi ndzi swi kumeke swi ri tinhloko-mhaka-nkulu eBibeleni ya mina. Ndzi tshike ku ya ekerekeni ya ndyangu wa ka hina naswona ndzi sungule ku dyondza Bibele, hikwalaho ka tibuku ta n’wina leti nga ni ntiyiso.

“Ndzi lava ku sungula ku hlanganyela ni bandlha ra le kusuhi ra Timbhoni ta Yehova. Ndzi kombela mi rhumela rungula eka vona leswaku va ta ekaya ra mina hi ta vulavula.”

Un’wana wa Timbhoni ta Yehova a nga swi tsakela ku ku endzela ivi a ku pfuna ku engetela vutivi bya wena hi Xikwembu, Mfumo wa xona ni swikongomelo swa xona, hi laha swi tsariweke ha kona eBibeleni. Leswaku u kuma mpfuno lowu, tata ntsena rungula leri komberiweke laha hansi ivi u ri rhumela eka adirese leyi nga eka xiphephana lexi.

Ndzi ta tsakela ku tiva leswi engetelekeke ehenhleni ka Bibele. Ndzi kombela mi lunghiselela un’wana leswaku a ndzi endzela.