Xiendlakalo Xa Nkoka Ku Tlula Hinkwaswo eMatin’wini

Hikwalaho ka yini? Xiendlakalo lexi a ku ri rifu ka Yesu Kreste.

Xi lwela vuhosi bya Xikwembu naswona xi kombisa leswaku munhu a nga swi kota ku tshembeka eka Xikwembu hi ku hetiseka. Xi pfulele vanhu ntshembo wo kuma vutomi lebyi nga heriki ehansi ka swiyimo swa le paradeyisini. Yesu hi yexe u simeke xitsundzuxo xa rifu rakwe hi vusiku bya le mahlweni ka siku leri a feke ha rona.

A ku ri nkhuvo wo olova. Hi nkhuvo wolowo, Yesu u byele vadyondzisiwa vakwe a ku: “Endlani leswi hi ku ndzi anakanya.” (Luka 22:19, 20) Xana u ta tsundzuka? Timbhoni ta Yehovha ta ku rhamba leswaku u va na tona loko ti tlangela xiendlakalo lexi xa nkoka ku tlula hinkwaswo ematin’wini. Lembe leri siku ra kona i Ravumbirhi, April 6, endzhaku ka ku pela ka dyambu.

Hi kombela u ya eka Holo ya Mfumo leyi nga ekusuhi na wena leswaku u kuma nkarhi ni ndhawu leyi xi nga ta tlangeriwa eka yona. A ku nge tekiwi minhlengo, naswona vaendzi va rhambiwa leswaku va ta yingisa nkulumo leyi dyondzisaka ni ku xiya maendlelo lawa yo olova.