Ku Lavisisa Rifuwo Leri Tumbeleke

HI 1848 ku tshuburiwe nsuku ePurasini ra Sutter ro tsema timhandzi eCalifornia, le U.S.A. Hi 1849 magidi ya vanhu a va khitikanela endhawini leyi va tshemba leswaku va ta hatla va fuma, naswona xipinyapinya lexikulu xo hlota migodi ya nsuku ematin’wini ya United States a xi ya emahlweni. Hi lembe, hlaluko leri nga enyongeni swinene, ra San Francisco, ri kule ku suka eka xidorobana ri va doroba lerikulu ra vaaki va 25 000. Ku lava ku fuma hi ku hatlisa ku tikombe ku ri ndzingo wa matimba.

Hosi Solomoni wa Israyele wa khale a a yi tiva ndlela leyi vanhu va chivirikaka ha yona loko va cela rifuwo leri tumbeleke, naswona u vulavule hi leswi loko a tsala a ku: “Loko u rilela v̌utiv̌i, loko u huwelela e ku twisisa, loko u ŝi lav̌a kukotisa mali, u hakuta kukotisa šuma le’ši fihliweke, hi laha u nga ta twisisa ku tšhav̌a ka Yehova, u ta kuma ku tiv̌a ka Šikwembu.”—Swivuriso 2:3-5.

U nga endla swilo swo tala hi nsuku ni silivhere, kambe hi vutlharhi ni ku twisisa u nga endla swo tlula sweswo. Leswi swi ta ku pfuna ku endla swiboho leswinene, ku lulamisa swiphiqo, ku humelela evukatini, ni ku kuma ntsako. (Swivuriso 2:11, 12) Hi ku fanana, vutivi ni vutlharhi bya ntiyiso swi ta ku pfuna ku tiva Muvumbi wa wena, ni ku twisisa swikongomelo swakwe, u yingisa yena u tlhela u n’wi tsakisa. Nsuku a wu nge ku nyiki nchumu xa leswi.

Marito ya Bibele ma vurisa: “Vutlharhi i xichavelo kukota mali yi nga xichavelo, kambe mpfuno wa vutivi hi lowu: vutlharhi byi hlayisa vutomi bya lava va nga na byona.” (Eklesiasta 7:12, New International Version) Hambi leswi ku nga ni milorho yo tala ya ku kuma rifuwo hi ku hatlisa, vona ndlela leyi ku nga vutlharhi ha yona ku phendlha Bibele u cela ku twisisa, ni vutivi ni vutlharhi, leswi nga rifuwo ra ntiyiso.