“A Hi Sunguleni Hi Hlaya Swinene Hi Nga Si Monya”

SWESWO hi leswi vuriweke hi wanuna un’wana wa le New Zealand malunghana ni Xihondzo xo Rindza, magazini lowu u nga eku wu hlayeni. Malunghana ni xihloko lexi a xi vulavula hi golonyi ya le tilweni ya Xikwembu leyi hlamuseriwaka eka Ezekiyele ndzima 1, wanuna loyi u tsarile:

“Xin’wana ni xin’wana xa swivumbiwa leswi hanyaka swa mune, kumbe tikerubimi, a xi ri ni timpampa ta mune ni tinghohe ta mune. A xi ri ni nghohe ya nghala, leswi kombisaka vululami bya Yehovha; nghohe xa nkuzi, leyi yimelaka matimba ya Xikwembu; nghohe ya gama, leyi kombisaka vutlhari bya xona; ni nghohe ya munhu, leyi fanekiselaka rirhandzu ra Yehovha.

“Endzhaku ka loko ndzi xi hlaye hi ku phindha-phindha, ndzi khumbekile swinene embilwini ya mina. Mihloti ya ntsako a yi ri karhi yi khapa. Endzhakunyana ndzi anakanyile, ‘A hi vuxongi ni ku hlamarisa ka wena Yehovha!’ Ndzi hlamarisiwa swinene hi mintlhaveko leyintshwa leyi ndzi nga na yona eka Yehovha Xikwembu loyi a ndzi n’wi monya malembe yo tala, tanihi leswi a ndzi ri munhu wa misava. Ndzi ri ‘inkomu’ eka Timbhoni ta Yehovha, naswona eka vo tala lava fanaka na mina, ndzi ri, ‘A hi sunguleni hi hlaya swinene hi nga si monya.’”