Hi Byihi Vumundzuku Bya Vana Va Hina?

NXUNGETO wa nyutliya—hambi i watibomo ta matherorisi kumbe wa timhanguta laha va endlaka kona tibomo ta nyutliya—wu chavisa hinkwavo. U nga ha vilela ngopfu-ngopfu hi vana ku katsa ni vana va wena kumbe vatukulu va wena. Swi tisa gome ku xiya leswaku nxungeto wa nyutliya wu veka rihanyo ni vumundzuku bya n’wana un’wana ni un’wana ekhombyeni.

Kambe, u nga heli mbilu. U na xivangelo xo va ni ntshembo hi vumundzuku bya vana. Xisekelo xa ntshembo xi titshege hi vumundzuku lebyi nga le mavokweni ya Muvumbi wa hina, ku nga ri hi matshalatshala ya munhu yo sirhelela vana.

Loko N’wana wa Xikwembu, Yesu a dyondzisa eMiddle East, u kombise ku khumbeka hi vana. (Marka 9:36, 37, 42; 10:13-16) Bibele yi kombisa leswaku Xikwembu xi ta kombisa ku khumbeka loku fanaka, loko eku heteleleni xi ta herisa nxungeto wa nyutliya ni ku simeka paradeyisi ya misava hinkwayo. Vana va hina va nga swi tsakela swoleswo, xikan’we na wena.

Loko u ta lava ku kuma rungula leri engetelekeke, kumbe u swi tsakela leswaku un’wana a ku endzela a ta va ni dyondzo ya le kaya ya Bibele ya mahala na wena, hi kombela u tsalela eka Watch Tower, Private Bag X2067, Krugersdorp, 1740, kumbe eka adirese leyi faneleke eka leti xaxametiweke eka tluka 2.