“Riendzo Ra Mina Ro Ya eHolweni Ya Mfumo”

Laura,a xichudeni xa le kholichi, a averiwe ku ya eka vukhongeri byo karhi ivi a tsala xiviko hi leswi a swi voneke. U hlawule ku ya eka Timbhoni ta Yehovha, kutani xitsalwana xa yena u xi thye nhloko-mhaka leyi nge, “Riendzo Ra Mina Ro Ya eHolweni Ya Mfumo.” I yini lexi Laura a xi voneke xi hlawulekile hi Timbhoni? Swin’wana swa swilo swo tala leswi a swi vuleke hi leswi.

Vana: “Vana hinkwavo a va ri endhawini yin’we ni vanhu lavakulu. Eka tikereke hinkwato leti ndzi tshameke ndzi ya eka tona, vana va siya vatswari va vona va ya eXikolweni xa Sonto.”

Vun’we exikarhi ka tinxaka: “Hi ntolovelo, tikereke ti ni vanhu va rixaka ro karhi ntsena. . . . Kambe, Timbhoni ta Yehovha a ti hlanganile, ti nga tshamanga hi mintlawa-ntlawa.”

Moya wo amukela vaendzi: “Vanhu vo tala va ndzi tshinelerile va vulavula na mina. . . . Van’wana va ndzi vutisile loko ku ri na loyi ndzi dyondzaka na yena Bibele. Kambe, a ndzi kalanga ndzi vona onge va ndzi sindzisa. Va . . . ndzi tshike ndzi tiendlela xiboho.”

A ku humesiwi minhlengo: “Nchumu lowu ndzi hlamariseke hakunene a ku ri mhaka ya leswaku a ku nga ri na munhu loyi a famba a teka nhlengo. . . . Tikereke leti ndzi tshameke ndzi ya eka tona a ti teka minhlengo ni laha vana va dyondziseriwaka kona.”

Ku ni mavandlha ya kwalomu ka 90 000 ya Timbhoni ta Yehovha emisaveni hinkwayo. Swi nga va njhani loko wo endzela vandlha leri nga ekusuhi ni laha u tshamaka kona?

[Nhlamuselo ya le hansi]