Yi Tlherisele Swingwavila Swa Mucato eTintihweni Ta Vona

“LANGUTA tintiho ta mina. Xana u vona ku hambana?” A ku ri wanuna loyi a humeseke xandla xakwe a komba wansati un’wana loyi a nga Mbhoni ya Yehovha, loyi a a swi xiyeke xikan’we-kan’we leswaku a a suse xingwavila xakwe xa mucato. U hlamusele leswaku yena ni nsati a va tlulana milenge, kutani a va bohe ku dlaya vukati. Mbhoni yi te, “E-e! Teka buku leyi u yi hlaya. Yi ta ku pfuna evukatini bya wena.” Yi n’wi fambisele kopi ya buku leyi sekeriweke eBibeleni leyi nge, Vutivi Lebyi Yisaka eVuton’wini Lebyi Nga Heriki.a

Endzhaku ka masiku, wanuna loyi u tlhelele eka Mbhoni leyi a nga ha tikoti hi ntsako. U yi kombe xandla xakwe. Sweswi se a a hoxe xingwavila xakwe xa mucato. U yi byele leswaku yena ni nsati vakwe va hlaye buku leyi nge Vutivi, kutani sweswi se a va tsakile swinene. Buku yi tlherisele swingwavila swa mucato etintihweni ta vona hi xiviri.

Ndzayo ya Bibele yi nga pfuna mpatswa leswaku wu kombana rirhandzu ra xiviri. Leswi swi tano, hikuva mutsari wa Bibele i Muvumbi wa hina, loyi a nge: “Mina Yehovha, ndzi Xikwembu xa wena, Loyi a ku dyondziselaka ku ku pfuna, Loyi a ku fambisaka endleleni leyi u faneleke u famba hi yona.”—Esaya 48:17.

[Nhlamuselo ya le hansi]