Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • w01 8/1 tl. 32
  • Nchumu Lowu Tiyeke Swinene Ku Tlula Nsuku Wo Tenga

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Nchumu Lowu Tiyeke Swinene Ku Tlula Nsuku Wo Tenga
  • Xihondzo xo Rindza Xi Huwelela Mfumo Wa Yehovha—2001
Xihondzo xo Rindza Xi Huwelela Mfumo Wa Yehovha—2001
w01 8/1 tl. 32

Nchumu Lowu Tiyeke Swinene Ku Tlula Nsuku Wo Tenga

NSUKU wu laviwa ngopfu hikwalaho ka vuxongi bya wona ni ku tiya ka wona. Lexi endlaka leswaku wu tsakeriwa ngopfu hi leswi wu tshamaka wu ri karhi wu hatima naswona wu vonakaka wu nga kwalali hilaha ku nga heriki. Leswi swi vangiwa hi leswi nsuku wu nga hlaseriwiki hi mati, okisijini, xivavula, ni swin’wana. Swilo swo tala leswi endliweke hi nsuku leswi tshuburiweke eswikepeni leswi mbombomeleke ni kun’wana swa ha hatima hambi ku ri endzhaku ka madzana ya malembe.

Hambiswiritano, lexi tsakisaka Bibele yi hlamusela leswaku ku ni nchumu lowu tiyeke swinene naswona “[wu nga wa] risima lerikulu swinene ku tlula nsuku lowu lovaka hambiloko wu kamberiwe hi ndzilo.” (1 Petro 1:7) Nsuku lowu ‘kamberiweke’ kumbe ku tengisiwa, hi ndzilo ni vutshila byin’wana wu nga fikelela kwalomu ka 99,9 wa tiphesente hi vutengi. Kambe, hambi ku ri nsuku lowu tengisiweke wa lova, kumbe ku onhaka, loko wu nghenisiwa ematini lama nga ni asidi ya nayitrojini ni ya hydrochloric. Kutani, Bibele yi pakanisile hi tlhelo ra sayense loko yi vula leswaku ‘nsuku wa lova.’

Ku hambana ni sweswo, ripfumelo ra Vakreste va ntiyiso ri ‘londzovota moya-xiviri wu hanya.’ (Vaheveru 10:39) Vanhu va nga ha dlaya munhu loyi a nga ni ripfumelo leri tiyeke, hilaha va endleke hakona hi Yesu Kreste. Kambe lava nga ni ripfumelo leri tiyeke va nyikiwa xitshembiso lexi nge: “Tikombiseni mi tshembekile ku ya fikela eku feni, kutani ndzi ta mi nyika harhi ya vutomi.” (Nhlavutelo 2:10) Vanhu lava felaka eripfumelweni Xikwembu xa ha va tsundzuka, naswona xi ta va pfuxa eku feni. (Yohane 5:28, 29) Ku hava ntsengo wa nsuku lowu nga hetisisaka sweswo. Emhakeni leyi, entiyisweni ripfumelo i ra nkoka swinene ku tlula nsuku. Hambiswiritano, leswaku ripfumelo ri va ni ntikelo wolowo lowu tlurisaka, ri fanele ri va ri kamberiwile kumbe ri ringiwile. Entiyisweni, i ‘mfanelo ya ripfumelo leri ringiweke’ leyi Petro a vuleke leswaku yi ni nkoka lowukulu ku tlula nsuku. Timbhoni ta Yehovha ti ta tsakela ku ku pfuna leswaku u dyondza Bibele leswaku u kota ku va ni ripfumelo leri tiyeke eka Xikwembu xa ntiyiso, Yehovha, ni N’wana wakwe, Yesu Kreste, u tlhela u ri hlayisa. Hi ku ya hi Yesu, leswi “swi vula vutomi lebyi nga heriki.”—Yohane 17:3.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela