Torha Ro Lava Swilo Swo Tala Leswi Vonakaka

“Loko hi tshama hi ri karhi hi lava swilo leswi engetelekeke, a hi nge pfuki hi enerisekile.”—Xiviko xa Worldwatch Institute.

“XANA hi lava yini? Swilo hinkwaswo. Hi swi lava rini? Sweswi.” Marito lawa a ma tolovelekile eka swichudeni swin’wana swa le kholichi hi va-1960. Namuntlha swi nga ha endleka marito lawa ma nga vuriwi hi ku kongoma, kambe vonelo leri ra ha ri kona. Hakunene, torha ro lava swilo leswi engetelekeke ri tikomba ri hlawulekisa nguva ya hina.

Eka vo tala, ku lava rifuwo ni swilo leswi vonakaka i swa nkoka swinene. Jimmy Carter, khale ka Muungameri wa le United States u tshame a ku: “Munhu a nga ha tiviwi hi leswi a swi endlaka kambe u tiviwa hi leswi a nga na swona.” Xana swi kona swilo swa nkoka swinene ku tlula rifuwo leri hi nga na rona? Loko swi ri tano, hi swihi swilo swa kona, naswona swi ta hi tisela vuyelo byihi?