Xiendlakalo Lexi Faneleke Xi Tsundzukiwa!

Musumbhunuku, April 2

A ku ri hi Nisani 14 ya lembe ra 33 C.E. Yesu a a ri ni vaapostola va yena, va ri karhi va nwa vhinyo ni ku dya xinkwa xo kala comela. U va lerise yini? “Tshamani mi ri karhi mi endla leswi leswaku mi ndzi tsundzuka.”—Luka 22:19.

Kutani, kan’we hi lembe, Timbhoni ta Yehovha emisaveni hinkwayo ta hlangana leswaku ti tsundzuka rifu ra Yesu hi ndlela leyi a leriseke ha yona, hi madyambu lawa a vuleke marito wolawo ha wona. Nan’waka, Nisani 14 yi sungula hi Musumbhunuku, April 2, endzhaku ka ku pela ka dyambu. Wa rhambiwa hi malwandla leswaku u va na hina hi madyambu wolawo eka nhlangano lowu wa xitsundzuxo. Hi kombela u vutisa Timbhoni ta Yehovha ta laha u tshamaka kona leswaku u kumisisa nkarhi lowu kongomeke ni laha ti nga ta hlangana kona.