Leswi Nga Endzeni

U endle swihlambanyo swingani eka Yehovha? Xin’we, swimbirhi kumbe swo tala? Xana u vona onge u endla leswi u nga swi kotaka leswaku u swi hetisisa? Ku vuriwa yini hi xihlambanyo lexi u xi endleke loko u tinyiketela eka Xikwembu kumbe lexi u xi endleke loko u nghenela vukati? Xihloko lexi xi ta hi tsundzuxa hi xikombiso lexinene lexi Yefta na Hana va hi vekeleke xona. Leswi swi ta hi pfuna ku tikarhatela ku hetisisa swihlambanyo swa hina hi ku tshembeka eka Xikwembu.

Minkarhi yo tala hi anakanyisisa hi leswi Yehovha a nga ta hi endlela swona eParadeyisini, kambe exihlokweni lexi, hi ta kambisisa leswi Yehovha a nga ta swi herisa. Yehovha u ta herisa yini leswaku misava leyi, yi sala yi rhurile ni ku tlhela yi tsakisa? Ku anakanyisisa hi tinhlamulo ta swivutiso leswi, swi ta tiyisa ripfumelo ra hina ni ku tiyimisela ka hina ku tiyisela.

Loko hi vona onge hina kumbe munhu un’wana loyi hi n’wi rhandzaka u khomiwe hi ndlela yo biha ripfumelo ra hina, ku titsongahata ka hina ni ku tshembeka ka hina swi nga ringiwa. Eswihlokweni leswi hi ta kambisisa rungula ra vanhu va le Bibeleni leri nga ta hi pfuna ku va ni langutelo leri fanaka ni ra Yehovha hi vululami.

Yehovha a nga pfumali nchumu, kambe wa tsaka loko a vona hi endla matshalatshala yo seketela vuhosi byakwe hi ku tirhandzela. Vaavanyisi tindzima 4 na 5 ti kombisa leswaku Yehovha wa swi tlangela loko hi tiyimisela ku n’wi tirhela ni ku yingisa swileriso swakwe.