Minhlangano Ya Ntirho
VHIKI LERI SUNGULAKA HI JULY 2
Risimu 174
10 min: Switiviso swa bandlha ni Switiviso leswi faneleke leswi humaka eka Vutirheli Bya Hina Bya Mfumo. Kandziyisa swihloko leswi nga tirhisiwaka entirhweni wa timagazini hi Mugqivela lowu. Minkombiso mimbirhi, wun’wana ni wun’wana wu kandziyisa xihloko xo huma eka magazini lowu fanaka.
15 min: “Hinkwerhu Hi Fanele Ku Dyondza.” Swivutiso ni tinhlamulo. Hetelela hi marito lama (1) humaka eka vahuweleri lava xaveke nkarhi lowunene ni ku va ni xiyimiso lexinene xo dyondza, ni (2) malunghana ni mimpfuno leyi kumiweke hi ku hlaya tibuku ta khale leti boxiweke eka ndzimana 5.
10 min: “Ku Twarisa Mahungu Lamanene eTinsin’wini Leti Nga Aviwangiki.” Nkulumo hi mulanguteri wa ntirho. Andlala malunghiselelo ya bandlha kutani u kombela nseketelo wa vona lowu taleke.
10 min: Tinhla To Vulavula Ha Tona Ta Broxara. Katsa vayingiseri eku kombiseni ka tinhla tin’wana to huma eka tibroxara to hambana-hambana leti nga tirhisiwaka entirhweni leti bandlha ri nga na tona exitokweni. U nga ha lava ku va ni vahuweleri lava nga ni vuswikoti lava aviweke ka ha ri ni nkarhi.
Risimu 20 na xikhongelo xo pfala.
VHIKI LERI SUNGULAKA HI JULY 9
Risimu 156
10 min: Switiviso swa bandlha, xiviko xa timali. Katsa ni ku amukeriwa kun’wana ni kun’wana ka minyikelo. Bumabumela bandlha hi nseketelo wa swa timali wa ntirho wa Mfumo wa misava hinkwayo kun’we ni ku khathalela swilaveko swa kwalaho.
20 min: “Khutaza Swichudeni Swa Bibele Ku Endla Nhluvuko.” Bulo ra swivutiso ni tinhlamulo. Loko u hlanganisa ndzimana 4, vana ni xikombiso lexi lunghiseleriweke kahle u kombisa ndlela leyi muhuweleri la nga ni ntokoto a khutazaka xichudeni ku endla nhluvuko ha yona eka bulo ra vona ra ndzimana 3 eka tluka 14 ra broxara leyi nge Ti Endla Ku Rhandza Ka Xikwembu.
15 min: Hi Rini Laha Xichudeni Xa Bibele Xi Nga Hlanganyelaka eVutirhelini Bya Le Rivaleni? Nkulumo hi nkulu leyi sekeriweke eka Xihondzo xo Rindza xa December 1, 1989, eka “Swivutiso Swa Vahlayi,” tluka 31. Kandziyisa leswaku vanhu lavantshwa, handle ka vana va hina, a va fanelanga ku rhamberiwa ku famba na hina evutirhelini bya nsimu ku kondza loko vakulu vambirhi va vulavule na vona naswona va vone leswaku va faneleka.
Risimu 217 na xikhongelo xo pfala.
VHIKI LERI SUNGULAKA HI JULY 16
Risimu 220
10 min: Switiviso swa bandlha. Pfuxeta tinhla-nkulu ta xiviko xa April. Bumabumela bandlha hi leswi ri swi hetisiseke kwalaho. Khutaza ku hlanganyela entirhweni wa nsimu mahelo-vhiki lama taka.
20 min: “Xiyenge Xa Wena Eku Endleni Ka Leswaku Minhlangano Yi Vuyerisa.” Nkulu u tamela bulo ra swivutiso ni tinhlamulo. Kandziyisa leswi lavaka nyingiso kwalaho. Bumabumela laha swi faneleke.
15 min: Ku Anakanyisisa Hi Ku Navela Ka Wena Ko Va Phayona. Nkulumo leyi khutazaka ni ku vulavurisana. EAfrika Dzonga, sweswi hi ni maphayona ya nkarhi hinkwawo ya kwalomu ka 3700 yo huma etinxakeni hinkwato ta vutomi ni swiyimo leswi hambaneke. I yini lexi va susumeteleke ku phayona? Rirhandzu ra Yehova ni muakelani. (Mat. 22:37-39); ku khathalela lokukulu eka vanhu ni ku navela ku pfuna vo tala leswaku va ponisiwa (1 Tim. 2:4); moya wo tinyikela hikwalaho ka timhaka ta Mfumo. (1 Vakor. 9:23) Ku navela ku fanele ku hlakuleriwa. Xana u le ku endleni ka leswi? Magoza yo ya teka loko u navela ku phayona: (1) Yisa mhaka eka Yehova hi xikhongelo (Mat. 7:7, 8; Vafil. 4:6); (2) vulavula ni maphayona ni vakulu (Swiv. 15:22); (3) veka xiyimiso xo ringeta hi ku tsala, u anakanyisisa hi ndlela leyi xi nga khumbaka vutihlamuleri byin’wana bya Vukriste ha yona (Luka 14:28); (4) veka siku ro sungula, u nga yimeli swiyimo leswi nga kahle swinene. (Ekl. 11:4) September i nkarhi lowunene wo sungula; u nga ha faneleka eka Xikolo xa Ntirho wa Vuphayona lembe leri landzelaka. Vulavula ni phayona rin’we kumbe mambirhi ehenhleni ka ndlela leyi va hluleke swihinganyeto swa vuphayona ha yona. Vana ni langutelo lerinene.
Risimu 128 na xikhongelo xo pfala.
VHIKI LERI SUNGULAKA HI JULY 23
Risimu 39
15 min: Switiviso swa bandlha. Marungula Ya Swa Mfumo. Kandziyisa tinhla-nkulu eka “Hitekani, Mi Tikhoma.”
15 min: “Ku Twarisa Mahungu Lamanene—Tanihi Ndyangu.” Ku hlanganisiwa ka mhaka hi swivutiso ni tinhlamulo. Vutisa xivutiso xin’we kumbe swimbirhi eka ndzimana yin’wana ni yin’wana leswaku tindzimana ti ta hlayiwa.
15 min: Swilaveko swa bandlha. Kumbe nkulumo leyi sekeriweke eka xihloko lexi nge “Xana U Ta Pfuneka Eka Tintswalo Leti Nga Fanelangiki?” eka matluka 21-3 ya Xihondzo xo Rindza xa February 15, 1990.
Risimu 8 na xikhongelo xo pfala.
VHIKI LERI SUNGULAKA HI JULY 30
Risimu 10
10 min: Switiviso swa bandlha. Swikombiso swimbirhi swa rungula leri ringanyetiweke, xin’wana ni xin’wana xi kandziyisa xihloko xo huma eka magazini lowu fanaka, ku endlela ntirho wa timagazini hi Mugqivela.
15 min: “Ku Kombisa Ku Tshemba Yehova Hi Ku Nghenela Vuphayona.” Nkulu ni nandza wa vutirheli va bula hi xihloko lexi xi nga eka Vutirheli Bya Hina Bya Mfumo bya February 1990. Katsa ni swiringanyeto leswi tirhaka leswi nga pfunaka ebandlheni ra kwalaho.
15 min: “Ku Hlayisa Nkarhi Na Wena.” Nkulumo leyi sekeriweke eka xihloko lexi nga eka Xihondzo xo Rindza xa June 15, 1990, matluka 26-9. Katsani xikhutazo eka vakulu hinkwavo ni malandza ya vutirheli xo fika eminhlanganweni ka ha sele timinete ta 15 ku ya ka 20 leswaku va pfuneta hi ntirho wa bandlha.
5 min: Mintokoto yo sungula tidyondzo hi tibroxara. (Loko yi nga ri kona kwalaho, mi nga ha va ni mintokoto yo fambisa tibroxara.)
Risimu 169 na xikhongelo xo pfala.