Ver U Twarisa Mahungu Lamanene Etinsin’wini Ta Hina Leti Nga Aviwangiki

Hi malembe ma nga ri mangani lama hundzeke, ku engeteleka ka nkarhi na nkarhi eku seketeleni ka tsima ra nsimu leyi nga aviwangiki ku xiyiwile. Leswi swa bumabumeleka swinene tanihi leswi swi kombisaka nkhathalelo wa vahuweleri eka vanhu. Hi n’hweti ya August ku ya ka October hi khutaza hinkwenu ku tlhela mi lavisisa swinene vanhu lava fanelekaka ensin’wini leyi nga aviwangiki. (Mat. 10:11) Laha swi kotekaka kona, ringetani ku heta mahelo-vhiki lama tlulaka man’we hi n’hweti ensin’wini leyi.

Tlhandla-kambirhi, hi khutaza vakulu ni malandza ya vutirheli ku rhurhela laha xilaveko xi kuleke kona. Ku na swivandla swo tano swo tala eCiskei, Natal, Transkei ni le Venda. Vuxokoxoko byi nga ha kumiwa eka Sosayiti. Lava va swi kotaka ku rhurhela exivandleni xin’wana va fanele ku vonana ni vakulu ivi va tlhela va languta eka Our Ministry matluka 112 na 113. Mabandlha man’wana ya le madorobeni lamakulu ma tlhele ma amukela xiyenge xa nsimu ya wona leyi nga aviwangiki tanihi xiavelo xa nkarhi na nkarhi. Onge hinkwerhu hi nga kombisa ku gingiriteka ka Pawulo eku twariseni ka mahungu lamanene enkarhini lowu wa makumu.—Varhoma 1:15.