Minhlangano Ya Ntirho
VHIKI LERI SUNGULAKA HI AUGUST 6
Risimu 30
12 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Hlaya Bokisi Ra Swivutiso ivi hi ku komisa u hlamusela nkoka wa ku ambala, ku tilunghisa ni ku languteka loku faneleke loko u yimela nhlengeletano ya Yehova. Tsundzuxa Bandlha hi ta pakani ya ku va kona nkarhi na nkarhi hi laha ku heleleke evutirhelini, nakambe ni ku pfuna vanhu lavantshwa ku va kona nkarhi na nkarhi. Lwelani ku heta lembe ra ntirho hi nh’weti leyi nga ni nhlohlorhi ya ntirho. Khutaza ku veka vumbhoni hi timagazini eka Mugqivela lowu.
18 min: “Chivirika Eku Hangalaseni Ka Rungula Ra Mfumo.” Nkambisiso wa swivutiso ni tinhlamulo. Endzhaku ko hlamusela ndzimana 6, kombisa ndlela yo nyikela tibroxara hi laha swi ringanyetiweke ha kona eka ndzimana leyi. Tirhisa Mhaka Yo Vulavurisana. Kandziyisa xilaveko xo va lava chivirikaka entirhweni wa nsimu.
15 min: “Ku Tirhisa Xikolo Leswaku Ku Antswisiwa Vutirheli Bya Nsimu.” Mulanguteri wa xikolo u bula ni vayingiseri hi Dyondzo 19 ya Theocratic Ministry School Guidebook. Kandziyisa tindlela leti xikolo xi hoxaka xandla eku hluvukeni ka hina evutirhelini bya nsimu ha tona. Khutaza lava va tsariseke exikolweni ku endla leswaku maandlalelo ni tinkulumo swi va swa xiviri leswaku swi tirhisiwa ensin’wini ya kwalaho.
Risimu 31 na xikhongelo xo pfala.
VHIKI LERI SUNGULAKA HI AUGUST 13
Risimu 211
10 min: Switiviso swa bandlha ni xiviko xa timali. Hlaya ku tlangeriwa loku humaka eka Sosayiti ka minyikelo leyi endleriweke ntirho wa Sosayiti ni Nkwama Wa Sosayiti Wa Tiholo Ta Mfumo. Bumabumela vamakwerhu hikwalaho ka minyikelo yo tano ni nseketelo wa bandlha ra kwalaho. Tivisa bandlha hi ta malunghiselelo ya nsimu leyi nga aviwangiki. Khutaza hinkwavo ku tirha ensin’wini leyi nga aviwangiki mahelo-vhiki man’we n’hweti yin’wana ni yin’wana. Khutaza hinkwavo ku hlanganyela entirhweni wa nsimu ya mahelo-vhiki.
18 min: “Hambeta U Tswala Mihandzu Hi Ku Tiyisela.” Nkulumo leyi sekeriweke eka xiengetelo xa Vutirheli Bya Hina Bya Mfumo bya August. Endla leswaku mhaka leyi yi tirha kwalaho, u khutaza hinkwavo ku xiya swiyimo swa vona swa munhu hi xiyexe hi langutelo ra Yehova.
17 min: “Mhaka Leyi U Fanelaka Ku Lava Ku Fambisa Dyondzo Ya Bibele Ha Yona.” Nkambisiso wa swivutiso ni tinhlamulo. Hi ku komisa vulavurisana ni muhuweleri kumbe phayona leri pfuneke un’wana ku fikela eyinhleni ya ku tinyiketela ni nkhuvulo. Vutisa leswaku i vuxaka bya muxaka muni lebyi veke kona exikarhi ka yena na xichudeni kumbe swichudeni naswona i mimpfuno yihi leyi kumiweke hi ku fambisa tidyondzo.
Risimu 133 na xikhongelo xo pfala.
VHIKI LERI SUNGULAKA HI AUGUST 20
Risimu 29
15 min: Switiviso swa bandlha. Marungula Ya Swa Mfumo. Kandziyisa tinhla-nkulu eka “Vanani Lava Kwetsimaka eMahanyelweni Ya N’wina Hinkwawo.” Nakambe, khutaza ku hlanganyela entirhweni wa nsimu wa mahelo-vhiki.
15 min: “Xikombiso Lexinene Xa Rirhandzu Ra Vumakwerhu.” Nkulumo leyi hlanganyeriwaka hi vayingiseri. Bumabumela vamakwerhu swinene hikwalaho ka ku hlamula ka bandlha ivi u boxa xilaveko xo seketela Nkwama Wa Sosayiti Wa Tiholo Ta Mfumo. Makwerhu loyi a tamelaka xiyenge lexi u fanele ku kambela loko bokisi leri hlawulekeke ra minyikelo ri simekiwile.
15 min: Swilaveko swa bandlha kumbe nkulumo ehenhleni ka “‘Yimani Mi Tiya’—Mi Nga Tsekatseki” eka Xihondzo xo Rindza xa April 15, 1990, matluka 26-8.
Risimu 191 na xikhongelo xo pfala.
VHIKI LERI SUNGULAKA HI AUGUST 27
Risimu 92
7 min: Switiviso swa bandlha. Hlamusela xiviko xa ntirho wa May xa tiko ni timhaka tihi na tihi letinene ta xiviko xa bandlha xa n’hweti yoleyo. Khutaza un’wana ni un’wana ku hlanganyela nkarhi na nkarhi entirhweni wa nsimu n’hweti yin’wana ni yin’wana, ivi u boxa nkoka wa ku yisa swiviko swa ntirho wa nsimu hi ku hatlisa. Tivisa malunghiselelo ya ntirho wa nsimu.
23 min: “Ku Twarisa Mahungu Lamanene—Hi Ku Vumba Minkarhi Yo Nyikela Vumbhoni Bya Xitshuketa.” Yi hlanganisiwa hi swivutiso ni tinhlamulo. Endzhaku ko xiya ndzimana 3, kombela vayingiseri ku nyikela swiringanyeto ehenhleni ka minkarhi yin’wana leyi nga pfulekelaka ku nyikela vumbhoni bya xitshuketa. Endzhaku ka ndzimana 6, hi ku komisa vulavurisana ni muhuweleri un’we kumbe vambirhi lava veke ni ku humelela eku nyikeleni ka vumbhoni bya xitshuketa. Vutisa: ‘Xana va chumayela hi minkarhi yihi? Ha yini va kuma ndlela leyi ya ku chumayela yi ri leyi humelelaka? Xana vona hi voxe va vuyeriwe hi ndlela yihi?’ Khutaza hinkwavo ku swi endla pakani ku avelana mahungu lamanene ni van’wana siku na siku. Dlayelela hi ku kandziyisa xilaveko xo kombisa nkhathalelo lowukulu eka vanhu.
15 min: Nyikelani buku leyi nge Hanya Hi Masiku hi September. Nkulumo leyi nga ni xikombiso. Hlamusela tinhla to vulavula ha tona leti humaka ebukwini leyi leti ti nga ha kombisiwaka loko ku nyikeriwa buku leyi nge Hanya Hi Masiku hi September. Kumbexana mhaka leyi nga eka tindzima 5 na 11 leti nge “Hakunene Bibele Yi Huma Eka Xikwembu Xana?” na “Hikwalaho Ka Yini Xikwembu Xi Pfumelele Vubihi?” yi nga koka mianakanyo ya n’wini wa muti. Kombela muhuweleri la fanelekaka leswaku a kombisa ku nyikela nyiko leyi, a ri karhi a tirhisa Mhaka Yo Vulavurisana. Mhaka leyi nga ebukwini leyi nge Reasoning ehansi ka nhloko-mhaka leyi nge “Wickedness” yi nga tirhisiwa loko nkarhi wu pfumela. Tivisa malunghiselelo ya bandlha ya ntirho wa nsimu, ivi u khutaza hinkwavo ku hlanganyela.
Risimu 129 na xikhongelo xo pfala.