Minhlangano Ya Ntirho
VHIKI LERI SUNGULAKA HI SEPTEMBER 3
Risimu 154
10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Xana U Tihlomisele Nsimu? Andlala swilaveko swa nkwama wa ntirho wa nsimu, ku katsa ni Bibele, Reasoning From the Scriptures, xibukwana lexi nge Good News for All Nations, swiphephana, xitsalo, nyiko ya sweswi ni timagazini, rhekhodo ya yindlu na yindlu ni swin’wana. Ku va loyi a hlomeke hi tlhelo ra mianakanyo swi lava ku pfuxeta tinhla leti nga ta kandziyisiwa etibukwini. Nakambe, khongelela moya lowo kwetsima ni mpfuno wo kuma vanhu lava fanaka ni tinyimpfu. (Vafil. 4:6, 7) Nyikela xiviko xo koma xa vuyelo lebyi kumiweke ensin’wini leyi nga aviwangiki ku ta fikela sweswi. Khutaza nseketelo lowu hambetaka wa tsima leri saleke.
20 min: “Twarisa Mahungu Lamanene Siku Na Siku.” Swivutiso ni tinhlamulo. Xikombiso xo koma xa xiyenge xa nkarhi wa ndyangu wa ku titoloveta, xirho xin’wana xa ndyangu xi nyikela xikombiso xo olova lexi humaka eka Vutirheli Bya Hina Bya Mfumo eka xirho xin’wanyana xa ndyangu.
15 min: Nkulu u vulavula ni vantshwa vo hlayanyana lava nga xikombiso. Bulani hi tinhla-nkulu leti humaka eka buku leyi nge Vantshwa, ndzima 17, “Xana Ndzi Fanele Ku Tshika Xikolo?” Kandziyisa xilaveko xa leswaku vatswari va kongomisa vantshwa eku hlawuleni ka dyondzo leyi va pfunaka ku kuma vutshila lebyi tirhaka, lebyi pfunaka lebyi nga ta va pfuna ku aka vumundzuku bya vona ni nhlengeletano ya Xikwembu ni ku landzelela timhaka ta Mfumo.
Risimu 225 na xikhongelo xo pfala.
VHIKI LERI SUNGULAKA HI SEPTEMBER 10
Risimu 71
5 min: Switiviso swa bandlha. Marungula Ya Swa Mfumo. Nyikela xitsundzuxo xa malunghiselelo ya ntirho wa nsimu, u khutaza nseketelo wa ku nyikela vumbhoni ni madyambu.
15 min: “Ku Twarisa Mahungu Lamanene—Hi Timagazini.” Bulo ra swivutiso ni tinhlamulo. Loko ku xiyiwa ndzimana 8, kombisa ndlela leyi ntila wa timagazini wu nga simekiwaka ha yona eka munhu loyi a kombisaka ku tsakela ka xiviri, u ri karhi u kandziyisa xihloko hi ku tsakela ka kwalaho ka timagazini.
15 min: “Landzelela Lava Va Rhangelaka Hi Ku Tiyiseka.” Ku hlanganisiwa ka mhaka hi swivutiso ni tinhlamulo ni ndlela leyi tirhaka ha yona kwalaho. Yi fanele ku tameriwa hi nkulu loyi a nga ni ntokoto.
10 min: “Ha Va Tlangela Lava Kuleke!” Nkulumo hi nkulu, leyi sekeriweke eka rungula leri nga eka Xihondzo xo Rindza xa February 1, 1986, matluka 28-9. Kombisa ndlela leyi yi tirhaka ha yona kwalaho. U nga hlamusela hi ku kongoma ehenhleni ka ku tirha ni vanhu vo tano ensin’wini, ku famba hi ku nonoka leswaku mi nga siyani. U nga ha pfuna hi ku xava, minkarhi leyi vekiweke yo hlangana ni dokodela ni swin’wana, ivi u pfuneka eka vutlhari ni ntokoto wa vona.—Yobo 15:10; Swiv. 16:31; 1 Tim. 5:1, 2.
Risimu 116 na xikhongelo xo pfala.
VHIKI LERI SUNGULAKA HI SEPTEMBER 17
Risimu 160
8 min: Switiviso swa bandlha. Xiviko xa timali ni ku amukeriwa ka minyikelo. Bumabumela bandlha hikwalaho ko seketela Nkwama Wa Sosayiti Wa Tiholo Ta Mfumo ni minyikelo ya ntirho wa Mfumo.—Swiv. 3:9.
20 min: “Xalamukela Ku Sungula Tidyondzo Ta Bibele.” Bulo ra swivutiso ni tinhlamulo. Nyikela rungula ehenhleni ka nhlayo ya tidyondzo leti bandlha ri ti fambisaka. Eka ndzimana 5, kombisa ndlela leyi dyondzo yi nga sunguriwaka ha yona eka riendzo ro sungula. Sungula xikombiso hi n’wini wa muti loyi a kombisaka ku tsakela lokuntsongo kambe a amukela xiphephana lexi nge Vutomi eMisaveni Leyintshwa Ya Ku Rhula hi ku tsaka. Muhuweleri u xiya ndzimana yin’we kumbe timbirhi leti humaka exiphephanini lexi ivi a veka nkarhi lowu kongomeke wo tlhelela. Endzhaku, kombisa ku tshinelela loku kongomeke, u tirhisa xin’wana xa swingheniso leswi nga ebukwini leyi nge Reasoning, tluka 12, ehansi ka “Dyondzo Ya Le Kaya Ya Bibele.” Vulavula ehenhleni ka ndlela leyi ku nyikela vumbhoni ni madyambu ku nyikaka nkarhi lowukulu lowu pfulekeke ha yona ku sungula tidyondzo ni mindyangu hinkwayo, tanihi leswi vavanuna hakanyingi va nga ekaya hi nkarhi wolowo.
17 min: “Loko U Dyondzisa, Fikelela Mbilu.” Nkulumo leyi hlamuselaka tinhla-nkulu ta mune leti humaka eka Xihondzo xo Rindza xa Xinghezi xa August 1, 1984, matluka 13-17. Pfuna vayingiseri ku twisisa xilaveko xo fambisa tidyondzo ta Bibele leti endlaka nhluvuko. Nakambe, hlamusela ehenhleni ka nkarhi wo tshika tidyondzo leti nga tswariki mihandzu ha wona.
Risimu 121 na xikhongelo xo pfala.
VHIKI LERI SUNGULAKA HI SEPTEMBER 24
Risimu 69
10 min: Switiviso swa bandlha. Khutaza ntirho wa timagazini wa Mugqivela. Swikombiso swimbirhi swo koma, xin’wana laha ku tsakela ku kombisiwaka kona, xin’wanyana laha n’wini wa muti a nga ku kombisiki ku tsakela timagazini kambe a pfumela ku hlaya xiphephana. Bulo ri nga pfula ndlela yo nyikela dyondzo ya le kaya ya Bibele ya mahala.
20 min: “Ku Tlangela Maphayona Ya Hina.” Mulanguteri wa ntirho u bula hi rungula leri ni maphayona mambirhi kumbe manharhu. Kombela maphayona ku hlamusela ndlela leyi ma khutazeke van’wana ha yona, kutani u va kombela ku hlamusela ehenhleni ka leswi ngopfu-ngopfu swi va khutazeke kwalaho. Bumabumela bandlha hikwalaho ka nseketelo wa maphayona.
15 min: Swilaveko swa bandlha. Kumbe mulanguteri loyi a ungamelaka a tamela bulo ra “Swivutiso Swa Vahlayi” eka Xihondzo xo Rindza xa Xinghezi xa January 1, 1983, matluka 30-1, “Xana hi nga va pfunisa ku yini lava va nga ebandlheni ra ka hina lava va nga ni xaka leri tsemiweke?”
Risimu 62 na xikhongelo xo pfala.