Minhlangano Yo Hi Pfuna Ku Endla Vadyondzisiwa

VHIKI LERI SUNGULAKA HI OCTOBER 1

Risimu 92

10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Nyikela xiviko ehenhleni ka nsimu leyi nga aviwangiki hi September. Katsa ni ntokoto lowu akaka. Khutaza hinkwavo ku endla matshalatshala lama heleleke yo seketela malunghiselelo hi n’hweti yo hetelela. Ringanyeta minkombiso mimbirhi yo nyikela Awake! leyi nga ta va yi fanerile ensin’wini ya kwalaho.

20 min: “Hambeta U Dyondzisa Handle Ko Karhala.” Bulo ni minkombiso. Endzhaku ko xiya ndzimana 2, kombela maphayona kumbe vahuweleri lava nga ni ntokoto va kombisa ndlela yo nyikela xikhokhelo ha yona eka munhu loyi a kombisaka ku tsakela ka xiviri eka rungula ra Mfumo. Loko munhu a ta lava ku amukela magazini kumbe timagazini nkarhi na nkarhi, hi ta tsakela ku tsala xikhokhelo leswaku a ta kuma timagazini hi poso. Loko a nga swi lavi ku endla xikhokhelo, nyikela minkandziyiso ya sweswinyana ya timagazini ivi u tinyikela ku tlhelela kutani mi bula nakambe hi rungula leri khutazaka ra Matsalwa. Mutshami wa xitulu u kombisa xilaveko xo va lava twisisaka loko hi nyikela xikhokhelo. A hi swa nkoka ku boxa leswaku timagazini ti nga kumiwa hi nkarhi wo karhi, tanihi lembe rin’we. Xikhokhelo xa tin’hweti ta tsevu xi fanele ku aka ku tlangela ka munhu ka rungula ra Mfumo leri kandziyisiweke eka magazini kutani swi hi pfuna ku tiva loko a tsakela hakunene. Endzhaku ka ndzimana 3 na 4, kombela vahuweleri vambirhi lava chivirikaka va kombisa ndlela leyi va yaka va ya tirhisa swiringanyeto leswi ha yona hi October ni le tin’hwetini leti landzelaka.

15 min: “Tirhisa Minkarhi Yo Nyikela Vumbhoni Hi Ximumu.” Ku hlanganisiwa ka xihloko hi swivutiso ni tinhlamulo.

Risimu 195 na xikhongelo xo pfala.

VHIKI LERI SUNGULAKA HI OCTOBER 8

Risimu 215

5 min: Switiviso swa bandlha ni Marungula Ya Swa Mfumo.

20 min: Vatswari, Mi Nga Dyisi Vana Va N’wina Mbitsi. Nkulumo ni minkombiso leyi sekeriweke eka matluka 16 na 17 ya Awake! ya January 22, 1990, ni xihlokwana lexi nge “Ku Khutaza Nwana Wa N’wina Leswaku A Tiphofula” na lexi nge “Ku Twisisa Swilaveko Swa Vana Va Kondlo-a-ndzi-dyi” eka ndzima 11 ya buku leyi nge Family Life. Kandziyisa xilaveko xa leswaku vatswari va twisisa un’wana ni un’wana wa vana va vona kutani va va pfuna ku kula hi tlhelo ra moya na hi tindlela tin’wana. Emakumu ka dyondzo ya Bibele, kombisa ndlela leyi mutswari a bumabumelaka vana ha yona hikwalaho ka matshalatshala ya vona. Nkhathalelo wa kombisiwa eka ntirho wa vona wa le xikolweni hi ku nyikela xikhutazo ni ku pfuna eswivandleni leswi va nga ni swiphiqo eka swona. Mutshami wa xitulu u gimeta hi ku kandziyisa xilaveko xa ku va ni ku tsakela ka n’wana embilwini hi minkarhi hinkwayo.

20 min: “Fikelela Timbilu Hi Tidyondzo Ta Bibele Leti Humelelaka.” Nkambisiso wa xihloko hi swivutiso ni tinhlamulo. Loko ku kambisisiwa ndzimana 3 na 5, kombisa ku fambisana ni swiyimo swa kwalaho. Kandziyisa tinhla leti faneleke eka nkandziyiso wa Xihondzo xo Rindza wa August 1, 1984.

Risimu 43 na xikhongelo xo pfala.

VHIKI LERI SUNGULAKA HI OCTOBER 15

Risimu 132

10 min: Switiviso swa bandlha ni xiviko xa timali. Katsa ni ku amukeriwa ka minyikelo hi Sosayiti kutani u phofula ku tlangela ka nseketelo wa timali wa swilaveko swa kwalaho swa bandlha. Hi ku komisa vulavurisana ni ndyangu lowu kunguhataka mahelo-vhiki lama taleke ya ntirho wa nsimu, u kandziyisa makungu lawa ma nga ha pfunaka eka van’wana.

17 min: “Ku Aka Vuxaka Lebyikulu Bya Ndyangu.” Nkulumo hi nkulu, ni ku hlanganyelanyana ka vayingiseri. Katsa ni swiringanyeto malunghana ni leswi swi nga endliwaka kwalaho leswaku ku akiwa timfanelo ta moya eka swirho swa ndyangu ni ku pfuna hinkwavo ku tsakela ntirho wa nsimu.

18 min: “Ma Rhambiwa Eka Ntsombano Wa Muganga Wa ‘Ririmi Leri Tengeke!’”—Xiyenge Xo Sungula. Burisana ni vayingiseri hi tindzimana 1-15 ta xiengetelo, ivi hi ku komisa mi pfuxeta “Switsundzuxo Swa Ntsombano Wa Muganga.”

Risimu 42 na xikhongelo xo pfala.

VHIKI LERI SUNGULAKA HI OCTOBER 22

Risimu 31

8 min: Switiviso swa bandlha. Xiviko ehenhleni ka nhluvuko wa tsima ra xikhokhelo xa Awake!

20 min: “Ma Rhambiwa Eka Ntsombano Wa Muganga Wa ‘Ririmi Leri Tengeke!’”—Xiyenge Xa Vumbirhi. Burisana ni vayingiseri hi tindzimana 16-28 ta xiengetelo. Kandziyisa misinya ya milawu ya Matsalwa leyi fanelaka ku lawula mahanyelo ya hina emintsombanweni. Khutaza vamakwerhu ku pfuxeta xiengetelo ni swichudeni swa Bibele ivi va swi pfuna ku endla malunghiselelo yo va kona.

17 min: “Ku Twarisa Mahungu Lamanene—Hi Ku Vulavula Ni Vanhu.” Bulo ra mhaka hi swivutiso ni tinhlamulo. Vana ni minkombiso mimbirhi leyi lunghiseleriweke kahle yo kombisa ndlela yo sungula mabulo endlwini ni loko u kuma vanhu va ri ehandle.

Risimu 20 na xikhongelo xo pfala.

VHIKI LERI SUNGULAKA HI OCTOBER 29

Risimu 128

5 min: Switiviso swa bandlha.

15 min: Ku Kunguhatela Minkarhi Leyinene Ya Moya Ka Ha Ri eMahlweni. Mulanguteri loyi a ungamelaka u bula ni vayingiseri hi makungu lama faneleke ku endleriwa tin’hweti leti taka, ku katsa ni ku va kona entsombanweni lowu u averiweke wona (vutshamo, malunghiselelo ya riendzo, nkarhi wo wisa entirhweni, lunghiselelo ra nkhuvulo ra lava va lavaka ku khuvuriwa ni swin’wana) ni ku phayona nkarhinyana. Nkarhi wa tiholideyi wu pfumelela ntirho lowu engetelekeke wa vantshwa lava va nga eku wiseni. Swi endli ximumu lexi nga rivalekiki hi nkunguhato wa vutlhari sweswi.

10 min. Swilaveko swa bandlha. Kumbe “Xana U Ta Hambeta U Famba eNtiyisweni Ke?” Nkulumo leyi sekeriweke eka Xihondzo xo Rindza, September 1, 1990, matluka 29-31.

15 min: Lunghiselela Vutirheli Hi November. Bula hi tinhla to vulavula ha tona leti ti nga ta va leti fanelaka ku ti tirhisa ensin’wini ya kwalaho eku nyikeleni ka buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka na “Vonani, Ndzi Endla Swilo Hinkwaswo Swi Va Leswintshwa”! kumbe Xana U Fanele Ku Pfumela Eka Vunharhu-un’we? Kombisa ndlela leyi muhuweleri a nga vulavulaka ha yona na n’wini wa muti ehenhleni ka nkoka wa ku hlaya Bibele. A nga tirhisa 2 Timotiya 3:16, 17 ku kombisa leswaku Rito ra Xikwembu ri huhuteriwile naswona ra pfuna, ri landzeriwa hi Yohane 17:3 ku kombisa mpfuno lowu kongomeke. Swi hlanganisi na nyiko ya November.

Risimu 8 na xikhongelo xo pfala.