Minhlangano Ya Ntirho
XIYA: Vutirheli Bya Hina Bya Mfumo byi ta hlela Nhlangano Wa Ntirho wa vhiki na vhiki hi December. Mabandlha ma nga endla mindzulamiso leyi lavekaka ku pfumelela ku va kona entsombanweni wa muganga ni mpfuxeto wa 30 wa timinete wa tinhla ta nongonoko eka Nhlangano wa Ntirho vhiki leri landzelaka. Mpfuxeto wa siku na siku wu nga ha aviwa ka ha ri emahlweni eka vamakwerhu vambirhi kumbe vanharhu lava fanelekaka lava va nga ta swi kota ku languta eka tinhla ta nkoka. Mpfuxeto lowu wu lunghiseleriweke kahle wu ta pfuna vamakwerhu ku tsundzuka tinhla ta nkoka leswaku va ti tirhisa hi voxe ni le nsin’wini. Mintokoto leyi tirhisiwaka ni swibumabumelo leswi humaka eka vayingiseri swi fanele ku koma ni ku kongoma.
VHIKI LERI SUNGULAKA HI DECEMBER 3
Risimu 80
12 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Bula hi tinhla leti kongomeke leti humaka eka swihloko swa timagazini leti nga ta tirhisiwa hi mahelo-vhiki.
18 min: “Xana U Ta Va Mudzunisi Wa Yehova Hi December Leyi?” Nkulumo kun’we ni ku hlanganyelanyana ka vayingiseri. Loko mi bula hi ndzimana 4 na 5, kombisa ndlela leyi muhuweleri lontsongo a nga nyikelaka Buku Yanga Ya Timhaka Ta Bibele eka ntirho wa riendzo ro sungula ha yona. Nakambe u nga katsa nkombiso wo koma eka ndzimana 6, wu kombisa leswaku buku yi nyikeriwa hi ndlela yihi loko u ri eku wiseni. Khutaza hinkwavo leswaku va hlanganyela hi xitalo evutirhelini ni ku vika mintirho ya vona hi nkarhi.
15 min: “Ku Twarisa Mahungu Lamanene—Hi Tiholideyi.” Swivutiso ni tinhlamulo. Tivisa malunghiselelo lama hlawulekeke ya ntirho hi tiholideyi.
Risimu 42 na xikhongelo xo pfala
VHIKI LERI SUNGULAKA HI DECEMBER 10
Risimu 76
10 min: Switiviso swa bandlha. Hlaya xiviko xa timali ni ku tlangela ka minyikelo. Bumabumela vamakwerhu hikwalaho ka ku tirhisa loku faneleke ka ‘xuma lexi nga lulamangiki.’ (Luka 16:9; it-2, tl. 806)
20 min: “Ku Fambisa Tidyondzo Ta Le Kaya Ta Bibele Leti Vuyerisaka.” Swivutiso ni tinhlamulo. Loko nkarhi wu pfumela, kuma mutswari un’we kumbe vambirhi va hlamusela leswi va swi endleke leswaku va endla dyondzo ya vona ya le kaya ya Bibele yi dyondzisa ni ku tsakisa.
15 min: Xana U Hlayisa Tindlela Ta Ku Vulavurisana Ti Pfulekile? Nkulu u bula hi misinya ya milawu yimbirhi kumbe yinharhu leyi kumekaka eka ndzimana 11 ya buku leyi nge Family Life. Katsa minkombiso yo koma leyi sekeriweke emhakeni leyi nga eka tindzimana 5-8, yi kombisa ndlela leyi vatswari va nga khutazaka kumbe ku sivela ku tiphofula ka n’wana ha yona.
Risimu 221 na xikhongelo xo pfala.
VHIKI LERI SUNGULAKA HI DECEMBER 17
Risimu 126
15 min: Switiviso swa bandlha. Bokisi Ra Swivutiso. Hlanganisa timhaka leti nga eka Marungula Ya Swa Mfumo loko nkarhi wu pfumela.
15 min: Ku Tlangela Malandza Ya Hina Ya Vutirheli. Vulavurisana ni vamakwerhu lava langutelaka xiteji ni mpfumawulo, tiakhawunti, tibuku, timagazini ni mintirho yo tanihi ya murindzi. Kombisa mintirho ya vona leyi kongomeke ni ndlela leyi vahuweleri va nga khomisanaka ha yona ku endla ntirho wa vona wu tsakisa swinene. Fambisana ni swilaveko swa bandlha.
15 min: Swilaveko swa bandlha kumbe nkulumo leyi nge “Khongelelanani” leyi sekeriweke eka xihloko xa Xihondzo xo Rindza xa November 15, 1990.
Risimu 93 na xikhongelo xo pfala.
VHIKI LERI SUNGULAKA HI DECEMBER 24
Risimu 91
10 min: Switiviso swa bandlha. Khutaza ku veka vumbhoni hi tiholideyi. Ringanyeta swihloko leswi nga tirhisiwaka hi siku ra timagazini.
20 min: “Ku Dyondzisiwa Hi Yehova.” Mulanguteri wa xikolo u bula ni vayingiseri. Vulavula ni xichudeni lexi nga xikombiso, xi kombisa mimbuyelo leyi xi yi kumaka hi ku lunghiselela ka ha ri emahlweni ni ku tirhela eka tinhla ta ndzayo ya vuvulavuri.
15 min: Tirhisa kahle Ku Kambisisa Matsalwa Siku Na Siku—1991. Nkulumo leyi sekeriweke eka rito ro rhanga exibukwanini lexi. Hlamusela ntikelo wa tinhla leti humaka eka ndzimana ya siku na siku. Kombisa tinhla leti endliweke hi bulo ra ndyangu ra ndzimana ya namuntlha.
Risimu 55 na xikhongelo xo pfala.