Minhlangano Ya Ntirho
VHIKI LERI SUNGULAKA HI DECEMBER 31
Risimu 18
12 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kombisa nyiko ya January. Nyikela mavito ya tibuku ta khale leti nga exitokweni ta kwalaho. Xiya swingheniso leswi swi nga ha tirhisiwaka kun’we ni Mhaka ya sweswinyana Yo Vulavurisana. Loko tibuku ta khale leti kombisiweke ti nga ri kona, kombisa ku tirhisiwa ka buku leyi nge Ntiyiso.
18 min: “Mi Nga Karhali.” Bulo ra tinhla ta nkoka eka xihloko. Kombela swiringanyeto eka vayingiseri loko u bula hi ndzimana 3. Vana ni muhuweleri la fanelekaka a kombisa nyiko, a tirhisa xiringanyeto lexi nga eka ndzimana 5. Khutaza bandlha leswaku ri gingiriteka evutirhelini bya nsimu naswona ri nga karhali kumbe ri hela matimba hikwalaho ka ku nga tsakeli kumbe nkaneto lowu ri langutanaka na wona.
15 min: Ku Tlangela Ntirho Wa Mulanguteri Wa Xifundza. Bula ni vayingiseri hi mhaka leyi nga ehansi ka “Mulanguteri Wa Xifundza” eka matluka 47-50 eka buku leyi nge Organized to Accomplish Our Ministry. Mutshami wa xitulu u fanele ku kandziyisa ndlela leyi hi nga pfunekaka ha yona hi ku seketela riendzo hi xitalo. Hi fanele ku tlangela xikombiso xa ku tinyiketela eka Xikwembu lexi vekiwaka hi mulanguteri wa xifundza ni nsati wa yena eku hetisiseni ka xiavelo xa vona.
Risimu 147 na xikhongelo xo pfala.
VHIKI LERI SUNGULAKA HI JANUARY 7
Risimu 30
8 min: Switiviso swa bandlha. Hi ku komisa boxa tinhla to vulavurisana leti humaka eka timagazini leti ti nga ha tirhisiwaka eku nyikeleni ka vumbhoni vhiki leri.
20 min: “Xana Vana Va Wena Va Lunghekele Ku Tlhelela eXikolweni?” Nkambisiso wa swivutiso ni tinhlamulo ni vayingiseri. Endla leswaku tindzimana ni matsalwa swi hlayiwa. Loko ku ri na mintokoto yihi na yihi ya kwalaho leyi kombisaka tinhla leti endliweke, yi nga ha nyikeriwa loko nkarhi wu pfumela.
17 min: Hi Nga Tshama Njhani Hi Tiyile? Nongonoko wa mabulo ya ku kombisa xilaveko xa ku tshama hi tiyile naswona hi nga karhali. (1) Vulavurisana na vambirhi kumbe vanharhu lava a va ri karhi va tirha hi malembe yo tala naswona va nga swikombiso leswinene. I mintshikilelo yihi leyi va yi tokoteke ni ku yi hlula ya ku yimisa ku chumayela? I yini lexi va pfuneke leswaku va hambeta va famba va nga karhali? (Va nga boxa xikhongelo, ku va kona eminhlanganweni nkarhi na nkarhi, dyondzo ya munhu hi xiyexe, ku khutaziwa hi van’wana ni swin’wana.) I yini lexi va xi endleke ku sivela ku tsana kumbe ku tshika? (Va nga boxa nkoka wa ku hlanganyela nkarhi na nkarhi eminhlanganweni, ku hambeta ni dyondzo ya munhu hi xiyexe, ku tlangela vunghana na Yehova ni swin’wana.) Va ku hlayise njhani ku ringanisela ka moya? (Va nga boxa mpfuno wa vakulu kumbe van’wana, ku veka swilaveko swa moya ku sungula evuton’wini, ku khongela eka Yehova ni swin’wana.) (2) Vulavurisana ni vana lava va nga vahuweleri va nkarhi hinkwawo ni swikombiso leswinene. I yini lexi nga va pfuna leswaku va humelela nkarhi na nkarhi entirhweni wa nsimu? Vatswari va va pfune hi ndlela yihi? Xana vahuweleri van’wana va va khutaza naswona va va pfuna entirhweni wa nsimu? Hi tihi tipakani ta vona entirhweni wa Yehova? Hetelela hi mpfuxeto wo koma wa tinhla leti endliweke emabulwini.
Risimu 10 na xikhongelo xo pfala.
VHIKI LERI SUNGULAKA HI JANUARY 14
Risimu 121
10 min: Switiviso swa bandlha. Xiviko xa timali ni ku tlangela ka minyikelo. Bumabumela bandlha hi ku seketela ntirho wa misava hinkwayo ni Nkwama Wa Sosayiti Wa Tiholo Ta Mfumo. Kokela nyingiso eka rungula leri nge “Tilulamisele Tsima Ra Xikhokhelo Xa Xihondzo xo Rindza,” ivi u khutaza vahuweleri ku kombela timagazini leti engetelekeke leti lavekaka. Vahuweleri va nga ta ni Watch Tower Publications Index 1986-1989 ya vona eka Nhlangano Wa Ntirho vhiki leri taka.
20 min: “Medical Document” na “Identity Card.” Matsalana u ava makhadi naswona u languta tindzimana 1, 2, 4-7, 9 na 10 ta papila ra Sosayiti ra January 1, 1990, emhakeni leyi. Anakanyisisa ni vayingiseri leswaku ha yini swiletelo swi fanele ku landzeriwa hi vukheta leswaku makhadi ma tirha ngopfu hi laha ku humelelaka ku hi sirhelela. Vakulu va nga kambisisa kahle endzhaku ka nhlangano hi laha va endleke ha kona lembe leri nga hundza. U nga hlweli ku tata makhadi naswona ma va ma sayiniwe kahle.
15 min: “Ndzi Nga Hlangavetana Njhani Ni Ntshikilelo Wa Tintangha?” Nkulu la fanelekaka hi vutlhari u bula hi tinhla leti humaka eka ndzima 9 ta buku leyi nge Vantshwa ni vantshwa vambirhi lava nga xikombiso. Hlamusela hi ku komisa leswaku ku navela leswaku u tiveka ni ku amukeriwa hi tintangha ku ni matimba. Hambi ku ri lavakulu va nga khumbiwa hi ntshikilelo wo tano. Xana a swi olova eka vantshwa ku langutana ni leswi? A va humelela njhani eku swi papalateni? Tirhisa “Swivutiso Swo Vulavurisana” eka tluka 80 ku vulavurisana ni vantshwa ivi u kombisa ndlela leyi leswi swi kotekaka ha yona ku engetela matimba ya ku lwisana ni ntshikilelo wa tintangha. Kombisa ku tlangela hikwalaho ka xikombiso lexinene lexi vantshwa va xi vekaka ebandlheni. Yehova u tsakisiwa hi ku tikhoma ka vona lokunene naswona wa dzunisiwa ha kona.—Swiv. 27:11.
Risimu 108 na xikhongelo xo pfala.
VHIKI LERI SUNGULAKA HI JANUARY 21
Risimu 111
10 min: Switiviso swa bandlha. Marungula Ya Swa Mfumo. Katsa malunghiselelo ya ntirho wa nsimu wa mahelo-vhiki. Nyikela swiringanyeto leswaku i swihloko swihi eka timagazini ta sweswinyana leswi ngopfu-ngopfu swi nga tsakisaka vanhu vo tala ensin’wini ya kwalaho. Un’wana ni un’wana u fanele ku ta ni kopi ya xiphephana lexi nge Vutomi eMisaveni Leyintshwa Ya Ku Rhula eka Nhlangano Wa Ntirho vhiki leri taka.
15 min: “Ku Hetisisa Vutirheli Bya Hina Bya Mfumo Hi Mpfuno Wa Index.” Nkulumo hi nkulu ni ku hlanganyela ka vayingiseri. Kombisa ndlela leyi nkulu ni nandza wa vutirheli va nga tirhisaka Index eku lunghiseleleni ka riendzo ra vurisi ha yona. Bula hi ndlela yo pfuna vahuweleri ku tirhisa Index ku antswisa ku hlaya ka Bibele ka vhiki na vhiki. Loko Index ya Xinghezi yi nga ri kona, kombisa ku tirhisiwa ka Index ya lembe na lembe eka Xihondzo xo Rindza na Awake!
10 min: “Phyuphyisa Maxaka Ya Wena Hi Mati Ya Ntiyiso.” Xi sekeriwe eka xihloko lexi nga eka Xihondzo xo Rindza xa February 15, 1990, matluka 25-7.
10 min: Mintirho Ya Nandza Wa Tibuku. Mulanguteri wa ntirho u vulavurisana ni nandza wa tibuku, a pfuxeta mintirho leyi katsekaka. A swi ta va swinene ku kombisa xilaveko xa kwalaho lexi a xi ta pfuna ku antswisa ku hangalasiwa ka tibuku emahlweni ni le ndzhaku ka minhlangano.
Risimu 203 na xikhongelo xo pfala.
VHIKI LERI SUNGULAKA HI JANUARY 28
Risimu 192
8 min: Switiviso swa bandlha.
22 min: “Ku Twarisa Mahungu Lamanene—Hi Swiphephana.” Bulo ra swivutiso ni tinhlamulo. Endla leswaku matsalwa ma hlayiwa. Endzhaku ko bula hi ndzimana 7, vana ni phayona kumbe muhuweleri un’wana la humelelaka a kombisa ku sungula dyondzo eka riendzo ro vuyela a tirhisa xiphephana lexi nge Vutomi eMisaveni Leyintshwa Ya Ku Rhula. Khutaza vahuweleri ku tirhisa ku tshinelela loku eka maendzo yo vuyela, ngopfu-ngopfu loko a swi nonon’hwa ku kuma vini va miti ekaya endzhaku ka riendzo ro sungula. Rhamba vahuweleri lava lunghiseleleke ku hlamusela hi ku humelela loku va veke na kona loko va tirhisa ku tshinelela loku. Tiyiseka leswaku bandlha ri na mphakelo lowunene wa swiphephana.
15 min: Xana U Nga Phayona Nkarhinyana Hi April? Bulo leri kufumelaka hi makwerhu la nga ni ntokoto tanihi phayona ra nkarhi hinkwawo kumbe ra nkarhinyana. Vulavurisana ni van’wana lava phayoneke nkarhinyana nkarhi lowu hundzeke. I mindzulamiso yihi leyi va yi endleke leswaku va fikelela pakani ya vona? Kombisa tipulani leti tirhaka leti va ti endleke. Hikwalaho ka nguva ya Xitsundzuxo leyi tshinelaka, khutaza vahuweleri lava tsakelaka ku bula hi tipulani ta vona ni nkulu. Hi ku va va ri ni langutelo lerinene sweswi, vo tala va ta tsakela ntirho lowu. Eka van’wana leri ku nga ha va ribye ro khandziya ku ya eka ntirho wa vuphayona bya nkarhi hinkwawo. (kmTS 2/90 tl. 3) Swikombelo swi nga kumiwa eka mulanguteri la ungamelaka kumbe matsalani.
Risimu 151 na xikhongelo xo pfala.