Minhlangano Ya Ntirho
VHIKI LERI SUNGULAKA HI FEBRUARY 4
Risimu 92
15 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo swi fanele ku tameriwa hi mulanguteri la ungamelaka. Khutaza hinkwavo ku oda timagazini leti engetelekeke ta siku ro hlawuleka ra timagazini hi April 6. Tivisa bandlha hi malunghiselelo lawa ma endliweke leswaku hinkwavo va hlanganyela entirhweni wa timagazini hi siku leri. Loko nkarhi wu pfumela, ringanyeta tindlela to fambisa timagazini ta sweswinyana ensin’wini ya kwalaho. Khutaza ku hlanganyela entirhweni wa nsimu hi mahelo-vhiki lawa.
15 min: “Twarisa Xirhambo Lexi Nge ‘Tana!’ Hi Xivindzi.” Bulo ra swivutiso ni tinhlamulo ni minkombiso. Hlanganisa mhaka leyi nga eka xihloko xa Vutirheli Bya Hina Bya Mfumo, u kombisa matirhiselo ya ndzimana ya lembe, Nhlavutelo 22:17. Nyikela minkombiso yimbirhi yo koma ku ringanyeta tindlela to fambisa nyiko ya buku ya sweswinyana ensin’wini ya kwalaho.
15 min: “Tolovelana Ni Minkandziyiso Leyintshwa Leyi Humesiweke eNtsombanweni.” Bulo leri kongomeke ni vayingiseri, leri kandziyisaka tinhla tin’wana ta nkoka leti humaka eka buku yin’wana ni yin’wana leti nga pfunaka kwalaho. Vamakwerhu a va fanelanga va hlwela ku endla rungula leri ri va ra vona.
Risimu 20 na xikhongelo xo pfala.
VHIKI LERI SUNGULAKA HI FEBRUARY 11
Risimu 193
10 min: Switiviso swa bandlha. Xiviko xa timali. Katsa marito yo tlangela ku hanana ka bandlha hi ku khathalela swilaveko swa kwalaho, naswona hundzisela ku tlangela eka vamakwerhu loku humaka eka Sosayiti ka minyikelo leyi rhumeriweke.
20 min: “Ku Twarisa Mahungu Lamanene—Hi Ku Nyikela Vumbhoni eXitarateni.” Swivutiso ni tinhlamulo. Kombisa minkombiso yimbirhi kumbe yinharhu yo koma ku kombisa tinhla leti vahuweleri va nga swi kotaka ku ti tirhisa eku vekeni ka vumbhoni exitarateni vhiki leri.
15 min: Endla Malunghiselelo Yo Phayona Nkarhinyana Hi Nguva Ya Xitsundzuxo. Nkulumo leyi khutazaka leyi nga ni rungula leri pfunaka eka lava va lavaka ku phayona nkarhinyana hi March kumbe hi April kumbe eka tin’hweti leti ha timbirhi. Kombetela eka mhaka leyi nga ehansi ka Switiviso malunghana ni ku phayona nkarhinyana ni ku oda timagazini leti engetelekeke. Hlamusela leswaku i malunghiselelo wahi lawa bandlha ni vahuweleri hi voxe va nga ma endlaka leswaku va khutaza ni ku pfuna lava va nga ta va va phayona hi nguva ya Xitsundzuxo. Mabandlha lama lavaka nsimu leyi engetelekeke ma nga tirha eka nsimu leyi nga aviwangiki leyi ma yi hlanganiseke lembe leri nga hundza. Endla leswaku tifomo to kombela ku va phayona ra nkarhinyana ti lunghekela lava va nga ti kombelaka endzhaku ka nhlangano. Ku nga boxiwa leswaku ku ta va ni mavhiki ya ntlhanu lama teleke hi March ni leswaku matshalatshala lama hlawulekeke ma ta endliwa ku rhambela vanhu enkhubyeni wa Xitsundzuxo hi March 30 ni le ka nkulumo ya le rivaleni yo hlawuleka leyi lunghiseleriweke April 7. Nakambe kandziyisa siku ro hlawuleka ra timagazini hi April 6.
Risimu 130 na xikhongelo xo pfala.
VHIKI LERI SUNGULAKA HI FEBRUARY 18
Risimu 71
10 min: Switiviso swa bandlha. Bokisi Ra Swivutiso. Kombisa xilaveko xa vahuweleri hinkwavo leswaku va tiva vito lerinene ra bandlha ra ka vona kun’we ni mavito ya vakulu van’wana, kumbe hinkwavo. Khutaza ku hlanganyela hi xitalo entirhweni wa nsimu mahelo-vhiki lawa, kumbexana u nyikela swiringanyeto swa tinhla leti faneleke to vulavurisana eka timagazini ta sweswinyana.
15 min: “Ku Hetisisa Vutirheli Bya Hina Bya Mfumo Tanihi Timbhoni Ta Yehova.” Makwerhu la nga mudyondzisi la fanelekaka u bula hi rungula leri nyikeriweke ivi a kombisa matirhiselo ya swivumbeko leswi boxiweke swo hluvukisa vutirheli bya hina.
20 min: “Xiphemu Xa Wena Eku Akeleni Ka Nkarhi Lowu Taka.” Swivutiso ni tinhlamulo swi hlanganisa mhaka leyi nga eka xiengetelo. Bumabumela vamakwerhu hi minyikelo yo hanana eka Nkwama Wa Sosayiti Wa Tiholo Ta Mfumo na hi nseketelo lowu wihi na wihi a wu nyikeleke eka mintirho yo aka ya kwalaho.
Risimu 211 na xikhongelo xo pfala.
VHIKI LERI SUNGULAKA HI FEBRUARY 25
Risimu 148
10 min: Switiviso swa bandlha ni Marungula Ya Swa Mfumo. Ringanyeta ivi u kombisa ku fambisa loku faneleke ka timagazini. Khutaza ku hlanganyela entirhweni wa nsimu mahelo-vhiki lawa.
15 min: “Ndlela Leyi Yehova A Yisaka Ntirho Wa Yena eMahlweni Ha Yona.” Nkulumo leyi sekeriweke eka xihloko lexi nga eka Xihondzo xo Rindza xa December 1, 1990, matluka 22-5.
20 min: Lunghiselela Ntirho Hi March. Hi March hi ta va hi nyikela buku leyi nge Nhlavutelo—Ku Chaputa Ka Yona Loku Hlamarisaka Ku Tshinele! Swiringanyeto leswinene swo tivisa ni ku nyikela buku leyi swi nyikeriwile eka nkandziyiso wa February 1989 wa Vutirheli Bya Hina Bya Mfumo. Bula hi swin’wana swa swiringanyeto leswi, leswi swi nga ha tikombaka swi ri mpfuno eka vahuweleri mahelo-vhiki lawa. Kombisa ku fambisiwa ka buku leyi.
Risimu 63 na xikhongelo xo pfala.