Minhlangano Ya Ntirho
VHIKI LERI SUNGULAKA HI MARCH 4
Risimu 4
10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Khutaza hinkwavo ku sungula ku lunghiselela sweswi leswaku va va kona emintsombanweni ya muganga hi December. Xaxameta malunghiselelo ya nsimu ya mahelo-vhiki lawa.
17 min: Mulanguteri wa ntirho u bula hi papila ra Sosayiti ra February 10, 1991, leri vulavulaka hi siku ro hlawuleka ra timagazini hi April 6. Xaxameta malunghiselelo lawa bandlha ri ma endleke ku seketela siku leri hi xitalo. Sungula mintirho ya April kahle. Khutaza hinkwavo lava swiyimo swa vona swi va pfumelelaka ku tsarisa tanihi maphayona ya nkarhinyana. Tivisa bandlha hi nhlayo ya maphayona ya nkarhinyana ku fikela sweswi. Kombisa malunghiselelo ya nsimu ya April hinkwayo.
18 min: “Ku Twarisa Mahungu Lamanene—Hi Buku Leyi Nge Ku Chaputa Ka Nhlavutelo.” Bulo ra swivutiso ni tinhlamulo. Endzhaku ko bula hi ndzimana 4, nyikela nkombiso lowu lunghiseleriweke kahle wu kombisa ndlela leyi muhuweleri a tirhisaka Mhaka Yo Vulavurisana ya sweswinyana ha yona kutani endzhaku a nyikela buku eka n’wini wa muti. Boxa mhaka ya leswaku buku ya Ku Chaputa Ka Nhlavutelo yi ta dyondziwa eka dyondzo ya buku ku sukela hi vhiki ra March 18. Khutaza hinkwavo ku hlanganyela nkarhi na nkarhi. Mhaka leyi hleriweke ya vhiki na vhiki yi komile, ku pfumelela nkarhi lowu engetelekeke ku bula hi rungula leri ra nkoka hi vukheta.
Risimu 6 na xikhongelo xo pfala.
VHIKI LERI SUNGULAKA HI MARCH 11
Risimu 87
10 min: Switiviso swa bandlha ni xiviko xa timali. Katsa ni ku tlangeriwa ka minyikelo. Tsundzuxa hinkwavo leswaku Xitsundzuxo xi ta va hi Mugqivela na madyambu, March 30. Nyika nkarhi ni ndhawu leyi kongomeke. Vutisa bandlha ndlela leyi ri kunguhataka ku rhamba lavantshwa ha yona eXitsundzuxweni ivi u kombisa ndlela leyi leswi swi nga endliwaka ha yona. Tsundzuxa bandlha leswaku swirhambo leswi gandlisiweke swa kumeka.
15 min: “Ku Dzunisa Yehova Hi Risimu.” Nkulumo leyi khutazaka leyi sekeriweke eka xihloko lexi. Tirhisa tinsimu ta nongonoko wa madyambu lawa ku kombisa tinhla leti tirhisiweke exihlokweni. Xaxameta malunghiselelo ya bandlha yo titoloveta tinsimu.
20 min: “Siku Ra Nkoka Swinene Hi 1991.” Swivutiso ni tinhlamulo. Nkulumo leyi hisaka leyi khutazaka bandlha ku twisisa siku ra nkoka swinene ra lembe. Kombisa nkoka wa ku endla malunghiselelo lamanene yo landzelela ku tsakela loku kombisiweke hi vanhu lava sungulaka ku va kona eXitsundzuxweni.
Risimu 129 na xikhongelo xo pfala.
VHIKI LERI SUNGULAKA HI MARCH 18
Risimu 135
12 min: Switiviso swa bandlha. Marungula Ya Swa Mfumo. Boxa malunghiselelo ya ntirho ivi u bula hi tinhla ta timagazini ta sweswinyana leti ti nga tirhisiwaka entirhweni wa timagazini. Mintokoto eku nyikeleni ka nyiko ya sweswinyana yi nga hlamuseriwa. Khutazela ntirho wa vuphayona bya nkarhinyana hi April.
18 min: Lunghiselela Swingheniso Leswi Humelelaka. Nkulu loyi a humelelaka evutirhelini bya nsimu u pfuna vahuweleri ku lunghiselela swingheniso leswi nga ta fanelekela nsimu ya kwalaho. Sekela swiringanyeto eka matluka 9-15 ya buku leyi nge Reasoning. Bula hi swingheniso swimbirhi kumbe swinharhu leswi swi nga tirhisiwaka kun’we ni Mhaka Yo Vulavurisana ya sweswinyana kumbe mhaka yin’wana leyi nga enkarhini. Vana ni vahuweleri lava nga ni ntokoto va kombisa ku nyikela marungula mambirhi ya yindlu na yindlu. Loko nkarhi wu pfumela, hlamusela mintokoto ya kwalaho hi ku komisa leyi kombisaka nkoka wa swingheniso leswi pfuxaka ku tsakela ka n’wini wa muti.
15 min: Nkulumo leyi kombisaka nkoka wo hlaya matsalwa mayelana ni Xitsundzuxo lama xaxametiweke eka 1991 Calendar eka March 25-30. Mindyangu yi nga ha tsakela ku ya hlaya kun’we ivi yi bula hi ntikelo wa xiendlakalo lexi. Swi nga ha pfuna ku hlaya mhaka leyi nga ehansi ka “Lord’s Evening Meal” eka Insight, Vholumo 2, matluka 268-71. Ku lunghiselela ko tano ku nga engetela ku tlangela Xitsundzuxo ivi ku tshineta mindyangu ekusuhi eka xiboho xa vugandzeri bya ntiyiso.
Risimu 126 na xikhongelo xo pfala.
VHIKI LERI SUNGULAKA HI MARCH 25
Risimu 168
10 min: Switiviso swa bandlha. Kombisa malunghiselelo ya Xitsundzuxo. Tsundzuxa vayingiseri ku ta ni mindyangu ya vona ni vanhu lava tsakelaka eHolweni ya Mfumo ka ha ri na nkarhi hi laha swi nga kotekaka ha kona leswaku va tshamiseka. Laha mabandlha mambirhi kumbe ku tlula ma nga ni Xitsundzuxo eka holo yin’we, vakulu va ta nyikela nkongomiso mayelana ni nkarhi lowu bandlha rin’wana ni rin’wana ri faneleke ku fika ha wona. Tivisa lavantshwa eka vamakwerhu naswona u va toloveta Holo ya Mfumo loko va sungula ku ta kwalaho. Twarisa malunghiselelo ya ntirho wa nsimu hi Mugqivela na Sonto, u khutaza hinkwavo ku va ni mahelo-vhiki ya swa moya hi xitalo.
15 min: “Ku Tirha Laha Xilaveko Xi Kuleke Kona.” Bulo leri nyanyulaka hi nkulu la nga ni ntokoto. Khutaza lava swiyimo swa vona swi va pfumelelaka ku xiya hi xikhongelo loko va nga kota ku hlamula xirhambo lexi.
20 min: “Ku Endla Nhluvuko eVutirhelini.” Bulo exikarhi ka nkulu la nga ni ntokoto ni makwerhu loyi a tekaka xiphemu xa loyi a veke entiyisweni hi nkarhi wo karhi kambe a nga wu endli nhluvuko. A va kombise hi ku komisa nkarhi wa ku titoloveta lowu ku kombeteriwaka eka wona eka ndzimana 3. Loko u bula hi ndzimana 4, vana ni phayona kumbe muhuweleri un’wana la humelelaka a kombisa muhuweleri la nga riki na ntokoto ngopfu ndlela yo hlangavetana ni ku langutana ni xiyimo lexi ku kongomaniwaka na xona nkarhi na nkarhi ensin’wini ya kwalaho. Eka bulo leri, katsa swiringanyeto leswi kumekaka eka Watchtower ya August 1, 1985, matluka 15-20, leyi vulavulaka hi ku fikelela timbilu. Gimeta xiphemu lexi hi ku khutaza hinkwavo ku endla makungu lama kongomeke yo antswisa eku vulavuleni ni vanhu ni ku landzelela ku tsakela.
Risimu 123 na xikhongelo xo pfala.