Marungula Ya Swa Mfumo

◆ Hi ve ni nhlohlorhi ya 128 427 ya lava veke kona eka Mintsombano ya Muganga ya 20 ya “Ririmi Leri Tengeke” leyi khomiweke eAfrika Dzonga, Botswana, Lesotho, Maputo, Namibia, Swaziland na St. Helena. Loku ku ve ku engeteleka ka 12 032 ku tlula lembe leri nga hundza. Ku ve na 2835 wa lava khuvuriweke, ku engeteleka ka 510 ku tlula lembe leri nga hundza.

◆ Tiholo ta Mfumo letintshwa ta khume-nhungu ti hetiwile hi 1990. Hi nkhensa Yehova hi mikateko ya yena ni vatirhi hinkwavo vo tirhandzela hi nseketelo wa vona. Xilaveko xa xihatla xi ya emahlweni xi va kona eswiphen’wini swo tala swa nsimu laha vamakwerhu va hlanganaka eka swiyimo leswi nga anerisiki. Xilaveko lexi xi nga anerisiwa njhani hi 1991? Hi goza ra nsusumeto ra Tikomiti to Aka ta Mabandlha; hi nkongomiso wa vukheta lowu humaka eka Tikomiti to Aka ta Swifundza ta 22; hi nseketelo wa matimba wa vatirhi hinkwavo lava nga ni vuswikoti na hi mpfuno wa rirhandzu wa mutirhi un’wana ni un’wana wo tirhandzela. A hi tinyiketeleni eka nongonoko wa ku aka Tiholo ta Mfumo!

◆ Swa khutaza ku vona leswaku ku nga khathariseki leswi tindhawu tin’wana ti nga fikelelekiki hikwalaho ka vukari, mabandlha ya 331 ma hlanganyerile eka tsima ra nsimu leyi nga aviwangiki hi 1990. Vahuweleri va 11 873 va tirhe tiawara ta 121 450 ensin’wini, va hangalase tibuku ta 10 405, swibukwana swa 38-050, timagazini ta 65 074 naswona va kume swikhokhelo swa 290. Mi xumile vamakwerhu va xinuna ni va xisati!