Minhlangano Ya Ntirho
VHIKI LERI SUNGULAKA HI APRIL 1
Risimu 191
15 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo swi fanele ku tameriwa hi mulanguteri wa ntirho. Bula hi tinhla-nkulu ta Xitsundzuxo, nhlayo ya lavantshwa lava a va ri kona, ni leswi swi nga endliwaka vhiki leri leswaku ku khutaziwa vanhu ku va kona eka nkulumo yo hlawuleka, “Vukona Bya Mesiya Ni Ku Fuma Ka Yena,” hi April 7. Pfuxeta malunghiselelo ya nsimu ya siku ro hlawuleka ra timagazini hi April 6. Loko bandlha ra ka n’wina ri ri na nhlengeletano ya xifundza kumbe siku ro hlawuleka ra nhlengeletano hi April 6, malunghiselelo ma fanele ku endliwa leswaku siku ro hlawuleka ra timagazini ri va hi April 13. Tivisa bandlha hi nhlayo ya maphayona ya nkarhinyana hi April. Khutaza lava nga phayoniki ku seketela maphayona ya nkarhinyana. Hi ku komisa pfuxeta ni bandlha swiletelo leswi nga eka “How to Handle Subscriptions Properly” (S-11).
15 min: “Ku Hetisisa Vutirheli Bya Hina Bya Mfumo eBandlheni.” Nkulumo leyi landzeriwaka hi nkombiso lowu lunghiseleriweke kahle, mufambisi wa dyondzo ya buku a hlamusela mpatswa lowu tekaneke leswaku Index yi nga tirhisiwa hi ndlela yihi ku kuma rungula ra leswaku ha yini naswona hi rini laha maduku ma nga ambariwaka kona hi vamakwerhu va xisati. Loko Index yi nga ri kona, kombisa tinhla hi ku tirhisa swikombo swa tinhloko-mhaka ta lembe na lembe eka minkandziyiso ya Xihondzo xo Rindza na Awake! ya December 15 na 22.
15 min: Mhaka Leyintshwa Yo Vulavurisana. Bula hi Mhaka leyintshwa ni vayingiseri. Nakambe, xiyani tinhla to vulavurisana to hambana-hambana leti nga eka nkandziyiso wa sweswinyana wa Xihondzo xo Rindza. Vana ni muhuweleri la lunghiseleleke kahle a nyikela mhaka leyi landzelaka. “Xewani. Vito ra mina ndzi ________. Ndzi endla riendzo ro koma hikwalaho ka leswi ndzi lavaka ku ku vutisa xivutiso. Xana u ehleketa leswaku ku rhula loku nga heriki ku ta ta evuton’wini bya hina? [Yimela nhlamulo.] Loko hi languta swilo swa nkarhi lowu hundzeke, a ku na xisekelo lexikulu xa ntshembo. Kambe xiya leswi profeteriweke nkarhi wa hina eka Luka 21. [Hlaya tindzimana 10, 11, 26.] Swiyimo leswi swi andzile ku sukela eNyimpini yo Sungula ya Misava. Hambi swi ri tano, a hi siyiwanga hi nga ri na ntshembo. Swiyimo leswi swi kavanyetaka vanhu swi nyikela vumbhoni bya leswaku Mfumo wa Xikwembu hi ku hatlisa wu ta basisa misava ivi wu tisa ku rhula loku nga heriki. Leswi hi leswi Yesu a yaka emahlweni a swi vula eka tindzimana 28 na 31. [Hlaya tindzimana.] Kutani swiyimo leswi swa khombo ni leswi hetaka matimba kahle-kahle i vumbhoni bya leswaku ku cinca loku hlamarisaka ku ta humelela ku nga ri khale. Xana a hi mahungu lamanene wolawo? [Yimela nhlamulo.] Xihloko lexi eka Xihondzo xo Rindza [hlawula ndzimana leyi faneleke kumbe xikombiso] xi kombisa ku hundzuka ko karhi loku nga ta fika ku nga ri khale ni ndlela leyi wena ni ndyangu wa wena mi nga hanyaka hi ku swi tsakela ha yona.” Nyikela xikhokhelo hi munyikelo wa R16,00. Laha xikhokhelo xi ariwaka kona, nyikela timagazini timbirhi hi munyikelo wa R1,40. Nakambe, muhuweleri a nga ha boxa nhlayo ya tindzimi leti timagazini ti humesiwaka ha tona ni ku andza ka ntirho wa hina emisaveni hinkwayo. Gimeta xiphemu lexi hi ku khutaza hinkwavo ku tirhisa Mhaka leyintshwa Yo Vulavurisana.
Risimu 60 na xikhongelo xo pfala.
VHIKI LERI SUNGULAKA HI APRIL 8
Risimu 43
5 min: Switiviso swa bandlha ni Marungula Ya Swa Mfumo.
15 min: “Ku Twarisa Mahungu Lamanene—Hi Laha Ku Humelelaka Swinene Hi Ku Yingisa.” Bulo ra mhaka hi swivutiso ni tinhlamulo. Loko mi bula hi ndzimana 4, kombisa ndlela leyi ha yona muhuweleri a kayelaka nkarhi lowunene wo va ni bulo lerinene hi ku nga vi na ku xalamukela tinhlamuselo ta n’wini wa muti hi timhaka ta nkhathalelo wa munhu hi xiyexe. Vutisa vayingiseri ndlela leyi a swi fanele swi tameriwe ha yona. Endzhaku ka sweswo, vana ni muhuweleri la fanaka a phindha nkombiso, kambe sweswi a kombisa ndlela leyi swi faneleke ku endliwa ha yona hi laha ku faneleke hi ku kurisa bulo lerinene ni n’wini wa muti.
25 min: “Ku Tshovela Hi Mpimo Wa Matshalatshala Ya Munhu Hi Xiyexe.” Nkulumo ni bulo leri sekeriweke eka xihloko xa xiengetelo. Yi fanele ku tameriwa hi nkulu. Endla tinhla leti tirhaka endhawini ya kwalaho ta mhaka leyi. Tindzimana ni matsalwa lama kombisiweke swi nga hlayiwa loko nkarhi wu pfumela.
Risimu 128 na xikhongelo xo pfala.
VHIKI LERI SUNGULAKA HI APRIL 15
Risimu 28
10 min: Switiviso swa bandlha ni xiviko xa timali. Katsa ni marito ya ku tlangela ya Sosayiti hi nseketelo wa timali wa ntirho wa misava hinkwayo. Bumabumela vamakwerhu hi nseketelo wa ku hanana wa swilaveko swa bandlha ra kwalaho. Khutaza un’wana ni un’wana ku va ni ku hlanganyela hi xitalo eka mintirho leyi hlawulekeke ya April. Hi langutele ku hundza nhlayo ya vahuweleri va 50 000.
15 min: “Khutaza Van’wana Ku Hlaya Xihondzo xo Rindza.” Nkulumo leyi hisaka leyi landzeriwaka hi tinhlamuselo timbirhi kumbe tinharhu to koma leti lunghiseleriweke leti humaka eka vahuweleri ti kombisa mhaka leyi va tlangelaka Xihondzo xo Rindza ha yona, na leswaku va pfuneke njhani hi ku xi hlaya nkarhi na nkarhi.
20 min: “Sungulani Ni Ku Heta Minhlangano Hi Nkarhi.” Bulo ra swivutiso ni tinhlamulo. Endla leswaku tindzimana hinkwato ti hlayiwa.
Risimu 8 na xikhongelo xo pfala.
VHIKI LERI SUNGULAKA HI APRIL 22
Risimu 118
10 min: Switiviso swa bandlha. Pfuxeta malunghiselelo ya ku basisa Holo ya Mfumo. Pfuna vamakwerhu ku twisisa xilaveko xa ku khomisana eku hlayiseni ka ndhawu ya vugandzeri bya Yehova yi basile.—Leswaku u kuma rungula leri engetelekeke, vona xihloko lexi nge “Xana Ma Yi Xixima Holo Ya N’wina Ya Mfumo?” eka tluka 7 ra Vutirheli Bya Hina Bya Mfumo bya August 1989.
15 min: “Tirhisa Tibuku Ta Hina Hi Ndlela Leyinene.” Nkambisiso wa swivutiso ni tinhlamulo. Vana ni nkombiso wun’we kumbe yimbirhi yo koma yi kombisa ndlela leyi muhuweleri a kotaka ku vona xilaveko xa n’wini wa muti a nga si nyikela buku leyi faneleke ha yona.
10 min: Ntirho Wa Varindzi. Vulavurisana ni makwerhu loyi a langutelaka varindzi. Bula hi mintirho ya vona ni ndlela leyi bandlha ri nga tirhisanaka ni varindzi ha yona. (Vona Organized to Accomplish Our Ministry, matluka 63-4, ni Vutirheli Bya Hina Bya Mfumo, December 1989, tluka 3.) Boxa leswaku minkarhi yin’wana varindzi va nga tsundzuxa vatswari mayelana ni xilaveko xo papalata ku kavanyeta loku endliwaka hi vana va vona. Varindzi nakambe va vona leswaku ku na ntshamiseko ni ku hleleka eminhlanganweni ya hina, va hlaya lava va nga kona, va pfuna lava dyuhaleke ni lava lamaleke ku tshama eswitulwini ni swin’wana.
10 min: Ku Tirhisa Swiphephana eVutirhelini. Kombisa vamakwerhu swiphephana swo hambana-hambana leswi nga kona. Naswona bula hi tindlela to hambana-hambana leti leswi swi nga tirhisiwaka ha tona. Kombela vayingiseri va hlamusela ndlela leyi va swi tirhisaka ha yona swiphephana, naswona kumbexana va hlamusela mintokoto yin’wana leyi va veke na yona. Hi January hi bule hi ndlela leyi swiphephana swi nga tirhisiwaka ha yona ku sungula tidyondzo. Kombela leswaku mintokoto yi hlamuseriwa malunghana ni vuyelo bya ku tshinelela loku. Nakambe vona Index eka xihloko lexi nge “Tracts” leswaku u kuma mintokoto yin’wana mayelana ni ku swi tirhisa.
Risimu 181 na xikhongelo xo pfala.
VHIKI LERI SUNGULAKA HI APRIL 29
Risimu 221
5 min: Switiviso swa bandlha. Khutaza hinkwavo ku yisa swiviko swa vona swa ntirho wa nsimu ni swa tidyondzo ta Bibele hi nkarhi.
15 min: Ku Tirhisa Nkarhi Wo Titsakisa Hi Ku Ringanisela. Vulavurisana ni vantshwa va nga ri vangani mayelana ni nkarhi wo titsakisa. Tirhisa mhaka leyi humaka ebukwini leyi nge Vantshwa, tindzima 35 ku ya ka 37. Makwerhu la tamelaka bulo a nga ha vutisa a ku: Hikwalaho ka yini u fanele ku va la hlawulaka eka leswi u swi hlayaka? U nga yi hlawurisa ku yini mhaka leyi u faneleke ku yi hlaya? Hi byihi vuyelo byin’wana lebyi onhaka bya ku hlalela loku tlurisaka mpimo ka TV, naswona ku nga lawurisiwa ku yini? Ha yini u nga kayeli nchumu hi ku nga tekeleli vantshwa va misava? Ha yini ku va tekelela swi nga vaka ni khombo? Hi tihi tindlela tin’wana leti u ti kumeke leswaku u tsakela ku titsakisa lokunene? Ha yini hi fanele ku ringanisela emhakeni leyi?
15 min: Chumayela Hi Yindlu Na Yindlu. Nkulumo leyi hisaka ni leyi khutazaka leyi sekeriweke eka Organized to Accomplish Our Ministry, matluka 84-7. Tirhisa mhaka leyi fambelanaka na xiyimo xa kwalaho, yisa nyingiso eka malunghiselelo lawa bandlha ri nga na wona ya ku nyikela vumbhoni tanihi ntlawa hi yindlu na yindlu. Kombisa nkoka wa ku letela vahuweleri lavantshwa ku humelela evutirhelini bya yindlu na yindlu.
10 min: Swilaveko swa bandlha kumbe nkulumo leyi sekeriweke eka xihloko lexi nge “Perfect Government at Last!” eka matluka 20-4 ya Awake! ya December 22, 1990.
Risimu 12 na xikhongelo xo pfala.