Ku Hetisisa Vutirheli Bya Hina Bya Mfumo Ebandlheni

1 Ha Yesu Kriste, Nhloko ya bandlha ra Vukriste, Yehova u veke vutihlamuleri eka “mulanguteri lowo tshembeka,” kumbe mulanguteri wa yindlu. (Luka 12:42, 43) Lunghiselelo leri ri endle swi koteka eka hina ku amukela nkongomiso lowu gandlisiweke wa ndlela leyi ‘hi faneleke ku tikhoma ha yona endyangwini wa Xikwembu.’ (1 Tim. 3:15) Xitirho-nkulu xa hina xo kuma leswi swi gandlisiweke i Watch Tower Publications Index. (Loko u swi kuma swi nonon’hwa ku tirhisa Watch Tower Publications Index hi Xinghezi, u ta kuma tinhlamuselo leti fanaka leti pfunaka eka xikombo xa mhaka ya lembe na lembe endzhaku ka Xihondzo xo Rindza xa December 15 na Awake! ya December 22.) Xana yi nga ku pfunisa ku yini?

2 Xana u nkulu? Ku na tinhloko-mhaka timbirhi leti tolovelekeke leti vulavulaka hi vutihlamuleri bya wena: “Elders” na “Overseers.” Xiyenge xa “Elders” xi na tinhlamuselo to tala swinene leti yisaka eka rungula ro pfuna vanhu vo hambana-hambana ebandlheni, ndlela yo nyikela ndzayo, vuxaka exikarhi ka huvo ya vakulu, vutihlamuleri bya vakulu ni swin’wana. Tinhlamuselo mayelana ni ku faneleka ti kumeka ehansi ka “Overseers” tanihi leswi nhloko-mhaka yoleyo ku nga rito leri Bibele yi ri tirhisaka loko yi vulavula hi vona. Nakambe ehansi ka “Overseers” ku na swiavelo leswi hlawulekeke, tanihi “presiding overseer,” “service overseer” na “secretary.” Nhloko-mhaka-nkulu leyi nge “Congregations” na yona yi ta humesa rungula leri pfunaka.

3 N’wina lava mi nga malandza ya vutirheli na n’wina mi endla xiphemu xa nkoka ebandlheni. Nhloko-mhaka leyi nge “Ministerial Servants” yi xaxameta rungula ra ku faneleka ni vutihlamuleri bya n’wina. Nakambe mi ta kuma tinhlamuselo ta mhaka mayelana ni nkoka wa malunghelo ya ntirho lawa ya mi pfulekeleke ni ndlela leyi mi nga fanelekelaka vutihlamuleri lebyi engetelekeke ha yona.

4 Vakulu ni malandza ya vutirheli va na malunghelo mayelana ni minhlangano ebandlheni. Nhloko-mhaka leyi nge “Meetings” yi nyikela tinhlamuselo ta xivumbeko xin’wana ni xin’wana xa mhaka leyi, ku katsa ni swikombiso leswi tsakisaka ehansi ka “efforts to attend.” Kavula, nakambe ku na tinhloko-mhaka-nkulu ta minhlangano yin’wana ni yin’wana.

5 Psalma 68:11 yi ri: “Vavasati lavo tala va nyikela mahungu lamanene.” Tanihi swirho swa xinuna swa bandlha, vamakwerhu va xisati na vona va fanele ku namarhela ku tikhoma loku faneleke ka vona endyangwini wa Xikwembu. Minkarhi yin’wana swivutiso swa tlakuka mayelana ni timhaka to tanihi loko makwerhu wa xisati a fanele ku ambala duku kumbe leswi swi nga endliwaka loko makwerhu la fanelekelaka ku fambisa nhlangano kumbe la yimelaka bandlha hi xikhongelo a nga ri kona. Nhloko-mhaka leyi nge “Women” yi nga ku yisa eka rungula ra timhaka leti. Nakambe leswi pfunaka i tinhloko-mhaka leti nge “Sisters,” “Head Covering” na “Prayer.”

6 Xiyenge xo hetelela xa 1 Timotiya 3:15 xi kombetela ebandlheni ra Vukriste tanihi “mhandze leyikulu ni xiseketelo xa leswi nga ntiyiso.” I lunghelo ra hina ku seketela ntiyiso tanihi leswi hi tikhomaka hi laha ku faneleke endyangwini wa Xikwembu, ku hetisisa vutirheli bya hina bya Mfumo exikarhi ka bandlha.