Minhlangano Yo Hi Pfuna Ku Endla Vadyondzisiwa.

VHIKI LERI SUNGULAKA HI JUNE 3

Risimu 202

10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo.

20 min: “Chava Xikwembu Hi Laha Kriste A Endleke Ha Kona.” Ku hlanganisa hi swivutiso ni tinhlamulo, ku hlayiwa tindzimana 1-5, 7, 8. Kombisa ku nyikeriwa ka buku leyi nge Ku Lavisisa Ka Vanhu Xikwembu hi laha swi ringanyetiweke ha kona eka ndzima 6.

15 min: “Rhangisa Xikwembu eVuton’wini Bya Wena Bya Ndyangu!” Nkulumo leyi sekeriweke eka Xihondzo xo Rindza xa May 15, 1991, matluka 4-7.

Risimu 100 na xikhongelo xo pfala.

VHIKI LERI SUNGULAKA HI JUNE 10

Risimu 116

5 min: Switiviso swa bandlha. Xiviko xa timali. Hlaya marito yo tlangela ya Sosayiti hi nseketelo wa timali wa ntirho wa Mfumo. Nakambe, nkhensa bandlha hi minyikelo leyi amukeriweke.

20 min: “Ku Kombisa Nkhathalelo Wa Munhu Hi Xiyexe Eka Van’wana.” Swivutiso ni tinhlamulo. Kanela ni bandlha leswaku i yini leswi nga endliwaka kwalaho ku tirhisa rungula leri.

10 min: Mintokoto eku tirhiseni ka buku leyi nge Ku Lavisisa Ka Vanhu Xikwembu entirhweni wo chumayela ensin’wini ya kwalaho, kun’we ni le ku endleni ka maendzo yo vuyela ni le ka tidyondzo ta le kaya ta Bibele.

10 min: Bokisi Ra Swivutiso. Bulo leri tameriwaka hi mulanguteri wa xikolo.

Risimu 177 na xikhongelo xo pfala.

VHIKI LERI SUNGULAKA HI JUNE 17

Risimu 133

10 min: Switiviso swa bandlha. Kombisa yinhla yin’we kumbe timbirhi leti humaka eka timagazini ta sweswinyana. Khutaza vahuweleri ku hlanganyela hi xitalo entirhweni wa nsimu mahelo-vhiki lawa.

20 min: “Ku Twarisa Mahungu Lamanene—Hi Timagazini eNsin’wini Leyi Hlanganisiwaka Hi Ku Hatlisa.” Swivutiso ni tinhlamulo. Loko mi bula hi ndzima 3, vana ni muntshwa la lunghiseleleke kahle a tirhisa magazini wa sweswinyana ku kombisa ndlela leyi vahuweleri lavantsongo va nga vulavurisanaka ni vini va miti ivi va fambisa buku ha yona. A nga ha ku: “Xewani. Vito ra mina ndzi ______. Ndzi ku tisele rungula ro karhi ra nkoka swinene hi [nyikela mhaka kumbe nhloko-mhaka]. Ndzi tsakele yinhla leyi. [Kombisa yinhla leyi kongomeke kumbe u hlamusela xikombiso.] Yi ndzi pfunile [hlamusela ndlela leyi yi ku pfuneke ha yona], naswona ndzi ehleketa leswaku na wena u ta yi tsakela. Ndzi nga tsakela ku ku siyela yona hi munyikelo wa R1,40 timagazini ha timbirhi.”

15 min: Swilaveko swa bandlha kumbe Nkoka Wa Ku Nyikela Vumbhoni Hi Xitshuketa. Vulavurisana ni vahuweleri vambirhi kumbe vanharhu lava kumeke ntiyiso hikwalaho ka ku nyikela vumbhoni hi xitshuketa. Khutaza bandlha ku tlharihela minkarhi yo nyikela vumbhoni hi xitshuketa.

Risimu 216 na xikhongelo xo pfala.

VHIKI LERI SUNGULAKA HI JUNE 24

Risimu 139

10 min: Switiviso swa bandlha. Marungula Ya Swa Mfumo. Khutaza bandlha ku seketela malunghiselelo ya ntirho wa nsimu ya mahelo-vhiki. Hi ku komisa kombisa yinhla yin’we kumbe timbirhi to vulavurisana leti humaka eka timagazini ta sweswinyana.

20 min: “Ku Hetisisa Vutirheli Bya Hina Bya Mfumo eNsin’wini.” Ku xiya mhaka hi swivutiso ni tinhlamulo. Kombisa ndlela leyi tinhla leti nga eka tindzimana 2-6 ti nga tirhisiwaka ha yona. Loko mi bula hi ndzima 5, vana ni nkombiso wu kombisa muhuweleri loyi a nonon’hweriwaka ku sungula dyondzo ya Bibele, la yaka eka mulanguteri wa ntirho leswaku a kuma mpfuno. Mulanguteri wa ntirho u tirhisa Index ku pfuna muhuweleri. Loko Index yi nga ri kona hi ririmi ra kwalaho, kombisa tinhla hi ku tirhisa swikombo swa tinhloko-mhaka swa lembe na lembe enkandziyisweni wa Xihondzo xo Rindza wa December.

15 min: “Ku Sungula Tidyondzo Hi Ku Tirhisa Ku Lavisisa Ka Vanhu Xikwembu.” Swivutiso ni tinhlamulo. Loko mi bula hi ndzimana 6, vana ni vahuweleri lava fanelekaka eka vayingiseri va lunghekela ku nyikela swiringanyeto leswi kongomeke ni tinhlamuselo hi ku sungula dyondzo hi ndzima 11 kumbe ndzima 13.

Risimu 14 na xikhongelo xo pfala.