Minhlangano Yo Hi Pfuna Ku Endla Vadyondzisiwa.

VHIKI LERI SUNGULAKA HI JULY 1

Risimu 173

10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kandziyisa tinhloko-mhaka eka timagazini ta sweswinyana leti ti nga ha tirhisiwaka entirhweni wa timagazini Mugqivela lowu.

20 min: Ntirho Wa Nkarhi Hinkwawo—Nkarhi Lowunene Wo Famba Na Xikwembu. (Mik. 6:8) Nkulu kumbe nandza wa vutirheli la fanelekaka, ngopfu-ngopfu la nga ntirhweni wa nkarhi hinkwawo, a nyikela nkulumo leyi kufumelaka, leyi khutazaka. (Vona Xihondzo xo Rindza xa May 15, 1989, matluka 21-3.) Xaxameta swiringanyeto leswi tirhaka ku pfuna vahuweleri va bandlha, hi ku ya hi swiyimo swa vona, leswaku va anakanyisisa swinene hi ku teka ntirho wa nkarhi hinkwawo. Vulavurisana ni maphayona mambirhi kumbe manharhu, ivi u xaxameta mimpfuno yo tala ya ntirho wa nkarhi hinkwawo. Lembe lerintshwa ra ntirho i nkarhi lowunene wa ku sungula. Lava va sungulaka hi September 1, 1991, va nga fanelekela ku ya eka Xikolo Xa Ntirho Wa Vuphayona Hi 1992.

15 min: “Lehisa Mbilu Ni Ku Va Ni Vukheta eVutirhelini.” Ku hlanganisa mhaka hi swivutiso ni tinhlamulo. Kandziyisa xilaveko xa ku lehisa mbilu, ngopfu-ngopfu ensin’wini leyi hlanganisiwaka nkarhi na nkarhi. Endzhaku ko bula hi ndzimana 6, vana ni muhuweleri a kombisa ndlela yo tirhisa Mhaka yo Vulavurisana loko ku nyikeriwa broxara leyi nge “Vonani.”

Risimu 156 na xikhongelo xo pfala.

VHIKI LERI SUNGULAKA HI JULY 8

Risimu 162

10 min: Switiviso swa bandlha. Xiviko xa timali. Marungula Ya Swa Mfumo. Tsundzuxa bandlha hi malunghiselelo ya mahelo-vhiki ya ntirho wa nsimu.

15 min: “Tinyiketele eVutirhelini Bya Nsimu—Xiyenge 1.” Bulo ra swivutiso ni tinhlamulo hi mulanguteri wa ntirho. Avela van’wana matsalwa ya nkoka lama hlawuriweke ka ha emahlweni leswaku ma hlayiwa, naswona u kombisa ndlela leyi ma tirhaka ha yona kwalaho. Pfuxa ku tsakela eka nongonoko wa swiyenge swa ntlhanu.

20 min: “Lunghiselela Sweswi Ku Va Kona Eka Ntsombano Wa Muganga Wa ‘Varhandzi Va Ntshunxeko’ wa 1991”—Xiyenge 1. Ku burisana ni vayingiseri hi tindzimana 1-14 ta xiengetelo.

Risimu 204 na xikhongelo xo pfala.

VHIKI LERI SUNGULAKA HI JULY 15

Risimu 32

10 min: Switiviso swa bandlha. Loko bandlha ri ta cinca minkarhi ya minhlangano hi September 1, tivisani xiyimiso lexi nga ta landzeleriwa. Pfuxetani tinhla-nkulu leti humaka eka xiviko xa ntirho wa nsimu xa bandlha xa June. Bumabumela vahuweleri hi leswi va swi hetisiseke ensin’wini.

15 min: “Ku Twarisa Mahungu Lamanene—Hi Vutlhari.” Ku hlanganisa hi swivutiso ni tinhlamulo. Kombisa tinhla eka ndzimana 5. Vana ni muhuweleri la nga ni vuswikoti a kombisa ndlela yo vulavurisana ni n’wini wa muti loyi a kanetaka eku sunguleni hi ku vutisa swivutiso ni ku kombisa leswi Bibele yi swi vulaka emhakeni yoleyo, hi vutlhari. Nkombiso wu fanele ku pfuxetiwa kahle.

20 min: “Lunghiselela Sweswi Ku Va Kona Eka Ntsombano Wa Muganga Wa ‘Varhandzi Va Ntshunxeko’ wa 1991”—Xiyenge 2, xi ta tameriwa hi matsalani. Ku burisana ni vayingiseri hi tindzimana 15-22, ni mpfuxeto wo koma wa “Switsundzuxo Swa Ntsombano Wa Muganga” loko nkarhi wu pfumela. Hi ku komisa xaxameta malunghiselelo ya byetlelo hi laha ma xaxametiweke ha kona eka papila ra Sosayiti ra June 15, 1991. Vahuweleri va fanele ku bula hi tinhla leti faneleke ni swichudeni swa vona swa Bibele leswi swi nga ta va kona entsombanweni. Khutaza mintlawa ya mindyangu ku pfuxeta tinhla ta nhloko-mhaka leyi yi nga si ya entsombanweni.

Risimu 67 na xikhongelo xo pfala.

VHIKI LERI SUNGULAKA HI JULY 22

Risimu 210

15 min: Nkulu kumbe nandza wa vutirheli la fanelekaka a tamela switiviso swa bandlha. Pfuxeta malunghiselelo ya bandlha ya nsimu leyi nga aviwangiki loko ma ri kona. Tirhisa tinhla leti humaka eka xiengetelo xa papila ra May 1, 1991. Hi rirhandzu khutaza mindyangu hinkwayo ku nyikela nseketelo wa wona lowu teleke etsimeni leri.

18 min: “Lunghiselelo Ra Dyondzo Ya Buku Ya Bandlha—Xiyenge 1.” Mbulavurisano wa nkulu la nga ni ntokoto ni nkulu un’we kumbe vambirhi kumbe malandza ya vutirheli lava nga vafambisi va Dyondzo ya Buku ya Bandlha. Kandziyisa swinene timhaka timbirhi kumbe tinharhu leti ngopfu-ngopfu ti lavekaka ebandlheni ra kwalaho, tanihi ku hlamula hi marito ya wena n’wini ni ku tirhisa mhaka leyi kambisisiwaka hi ndlela leyi tirhaka.

12 min: Swilaveko swa bandlha. Xiya tinhla leti vakulu va vonaka bandlha ri lava mpfuno eka tona. Va nga ha bula hi timhaka leti kokeriweke eka nyingiso wa bandlha hi nkarhi wa riendzo ra nkarhi lowu hundzeke ra mulanguteri wa xifundza hi ku ya hi Matsalwa.

Risimu 42 na xikhongelo xo pfala.

VHIKI LERI SUNGULAKA HI JULY 29

Risimu 56

15 min: Switiviso swa bandlha ni “Ndlela Yo Tamela Swikombelo Swa Swiphephana.” Xi ta tameriwa hi nkulu kumbe nandza wa vutirheli la fanelekaka. Loko nkarhi wu pfumela kombela mintokoto ya ku fambisiwa ka tibroxara ni ku sungula tidyondzo ta Bibele. Khutaza hinkwavo ku va ni xiphemu lexikulu evutirhelini hi August, n’hweti yo hetelela ya lembe ra ntirho. Vafambisi va Dyondzo ya Buku va fanele ku tiyiseka leswaku swiviko hinkwaswo swi yisiwa eka matsalana leswaku ku endliwa xiviko lexi heleleke lexi humaka ebandlheni.

15 min: “Ku Rhwala Ndzhwalo Wa Hina Vini Wa Vutihlamuleri.” Nkulu u bula hi xihloko lexi ni ntlawa wa ndyangu. A tsundzuka ndlela leyi bandlha ri tiphineke ni ku pfuneka ha yona eka nongonoko wa nhlengeletano wa xifundza wa sweswinyana, ivi a aka ku langutela nongonoko ka nhlengeletano wa xifundza lowuntshwa. Vutisa tinhloko ta mindyangu leti nga kona ebandlheni ndlela leyi nongonoko wa 1991 wu pfuneke mindyangu ya tona ha yona. Khutaza hinkwavo ku endla malunghiselelo lama heleleke yo va kona ni ku pfuneka eka nongonoko lowu xaxameteriweke lembe ra ntirho ra 1992. Loko siku ra nhlengeletano leyi landzelaka ri tiviwa, ri nga tivisiwa.

15 min: “Ku Papalata Ku Tlhelela Eka Mikhuva Yo Biha.” Bulo ra xihloko lexi humelelaka eka Awake! ya April 8, 1991.

Risimu 132 na xikhongelo xo pfala.