Minhlangano Ya Ntirho

VHIKI LERI SUNGULAKA HI AUGUST 5

Risimu 165

10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Ringanyeta xikombiso xin’we kumbe swimbirhi swa ku fambisa timagazini leswi nga ta fanela nsimu ya kwalaho, kutani u khutaza vahuweleri hinkwavo ku ya entirhweni wa nsimu mahelo-vhiki lawa. Tanani na buku leyi nge Reasoning eka Nhlangano wa Ntirho vhiki leri taka.

20 min: “Dzunisani Vito Ra Xikwembu Hi Xitalo.” Bulo ra swivutiso ni tinhlamulo. Hetelela hi xikombiso lexi lunghiseleriweke kahle xi kombisa ndlela leyi Mhaka yo Vulavurisana ya sweswinyana yi nga tirhisiwaka ha yona. Yi twananise ni swiyimo swa kwalaho. Endzhaku ko titivisa hi ndlela leyinene, muhuweleri a nga ha ku: “Namuntlha hi burisana ni vaakelani va hina hi xilaveko xo va ni langutelo lerinene hi vumundzuku. Varhangeri va misava nkarhi na nkarhi va vulavula hi makungu ya vona ya misava leyi antswaka. Xana mintshembo ya vona yi sekeriwe eka yini? Xana wa pfumela leswaku vanhu va nga swi kota ku tisa misava leyi antswaka? [Yimela nhlamulo.] Muprofeta Yeremiya a a ri na swo karhi swo swi vula hi leswi, hi laha swi rhekhodiweke ha kona eka Yeremia 10:23. [Hlaya.] Hi nga ha va ni ntshembo hi vumundzuku ntsena hi leswi hi dyondzeke hi switshembiso leswi Xikwembu xi swi endleke hi xoxe. Naswona switshembiso swa xona a swi nge hluleki. Leswi hi leswi muapostola Petro a swi tsaleke. [Hlaya 2 Petro 3:13.] Xiya ndlela leyi xitshembiso lexi xi tiyeke xa Xikwembu xi kandziyisiwaka ha yona eka broxara leyi.” Kutani muhuweleri u ya emahlweni a kombisa n’wini wa muti rungula leri engetelekeke eka broxara leyi nyikeriwaka.

15 min: “Ku Byala Ni Ku Cheleta—Magoza Yo Endla Vadyondzisiwa.” Burisana ni vayingiseri hi tindzima 1-9 ta xiengetelo, tluka 3. Loko mi hlanganisa tindzimana 7-9, tirhisani mhaka hi xiviri hi ku va ni mimbulavurisano yo koma swinene ni vahuweleri lava swi koteke ku endla leswi vuriweke kumbe mintokoto ya kwalaho leyi kombisaka tinhla leti. Tiyiseka leswaku mintokoto kumbe mimbulavurisano yi komile naswona yi ba nhloko ya mhaka.

Risimu 130 na xikhongelo xo pfala.

VHIKI LERI SUNGULAKA HI AUGUST 12

Risimu 72

10 min: Switiviso swa bandlha. Xiviko xa timali. Hlayela bandlha minkhensa ni marito yo tlangela lama humaka eka Sosayiti hi minyikelo leyi rhumeriweke. Nakambe, bumabumela bandlha hi nseketelo wa swilaveko swa bandlha. Khutaza ku hlanganyela ensin’wini hi mahelo-vhiki ni minkarhi yin’wana loko ku ri ni malunghiselelo yo nyikela vumbhoni tanihi ntlawa.

15 min: “Tinyiketele eVutirhelini Bya Nsimu—Xiyenge 2.” Nkulumo leyi khutazaka, leyi layaka leyi hlanganisaka mhaka leyi nga eka nhloko-mhaka leyi ni ku kombisa ku tirhisiwa ka buku leyi nge Reasoning. A swi bohi ku va ni vanhu lava kombisaka tinhla leti boxiweke, kambe xivulavuri hi ku olova xi nga ha kombisa ndlela yo kuma ni ku tirhisa mhaka eka xitirho lexi lexinene xa ntirho wa nsimu. Hi ku komisa kombisa nkoka wo pfuxeta mhaka loko u lunghiselela ku ya evutirhelini bya nsimu. Loko nkarhi wu pfumela, u nga ha rhamba muhuweleri a hlamusela ndlela leyi a endlaka leswi ha yona.

20 min: “Ku Byala Ni Ku Cheleta—Magoza Yo Endla Vadyondzisiwa.” Endzhaku ka xingheniso xo koma lexi fambelanaka na mhaka leyi hlanganisiweke vhiki leri hundzeke, endla mpfuxeto wa swivutiso ni tinhlamulo wa tindzimana 10-20 ta xiengetelo, matluka 3 na 4. Vahuweleri van’wana va nga ha hlamusela ndlela leyi va antswiseke vutirheli bya vona ha yona ni ku sungula tidyondzo ta Bibele hi ku tirhisa swiringanyeto leswi nyikeriweke eka minkandziyiso leyi hundzeke ya Vutirheli Bya Hina Bya Mfumo.

Risimu 48 na xikhongelo xo pfala.

VHIKI LERI SUNGULAKA HI AUGUST 19

Risimu 174

10 min: Switiviso swa bandlha. Marungula Ya Swa Mfumo. “Ku Tirha Hi Matimba Eku Endleni Ka Ku Rhandza Ka Xikwembu.” Khutaza vamakwerhu ku endla makungu ka ha ri na nkarhi yo va kona eka nongonoko wa siku ra nhlengeletano leyi hlawulekeke ya 1992. Tivisa siku na ndhawu loko swi tiveka. Loko nkarhi wu pfumela, ringanyeta swihloko leswi fanelekaka swinene eka timagazini ta sweswinyana leti nga ta nyikeriwa eka yindlu na yindlu mahelo-vhiki lawa.

20 min: “Ku Twarisa Mahungu Lamanene—Ensin’wini Leyi Tirhiwaka Nkarhi Na Nkarhi.” Swivutiso ni tinhlamulo. Endla rungula ri tirha kwalaho kumbe u ri twananisa ni swilaveko swa bandlha.

15 min: “Lunghiselelo Ra Dyondzo Ya Buku Ya Bandlha—Xiyenge 2.” Nkulumo leyi khutazaka hi mufambisi wa dyondzo ya buku la humelelaka.

Risimu 25 na xikhongelo xo pfala.

VHIKI LERI SUNGULAKA HI AUGUST 26

Risimu 134

15 min: Switiviso swa bandlha. Vuxokoxoko bya malunghiselelo ya bandlha ya ntirho wa nsimu ni leswi endliwaka ku nyika xikhutazo ni mpfuno eka vahuweleri lava phayonaka. Nyikela nyingiso wo hlawuleka eka swilaveko swa lava va nga ha vaka va sungula ntirho wa vona wa vuphayona hi September 1. Xiviko hi nhluvuko wa ntsima ra nsimu leyi nga aviwangiki. Tivisa bandlha hi malunghiselelo ya September kutani u khutaza hinkwavo ku tirha ensin’wini leyi nga aviwangiki hambi ku ri mahelo-vhiki man’we en’hwetini. Khutaza ku hlanganyela evutirhelini bya nsimu mahelo-vhiki lawa, naswona tsundzuxa vahuweleri ku tikumela mphakelo wa buku leyi nge Hanya Hi Masiku leswaku va ta yi tirhisa evutirhelini bya nsimu ku sukela hi Sonto, September 1.

15 min: Swilaveko swa bandlha. U nga ha tirhisa rungula leri nga eka xifunengeto xa swihloko swa Awake! ya June 8, 1991, tanihi xisekelo xa nkulumo, kumbe bulo hi mhaka ya rihlevo.

15 min: Bokisi Ra Swivutiso. Bulo ra swivutiso ni tinhlamulo. Kandziyisa mikateko leyi vaka kona hikwalaho ko landzela switsundzuxo swa le tilweni.

Risimu 16 na xikhongelo xo pfala.