Minhlangano Ya Ntirho Ya November
Vhiki Leri Sungulaka Hi November 4
Risimu 180
10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kandziyisa swihloko leswi nga eka timagazini ta sweswinyana leswi swi nga ha tirhisiwaka entirhweni wa timagazini Mugqivela lowu.
20 min: “Tamela Rito Ra Ntiyiso Hi Vutshila.” Ku hlanganisa xihloko hi swivutiso ni tinhlamulo. Kandziyisa xilaveko xo tirhisa Bibele emitini. Endzhaku ko bula hi ndzimana 5, kombisa mhaka leyi yi ringanyetiwaka.
15 min: “New World Translation—Ya Dyondzisa Naswona Yi Tshembekile.” Bulo ra xihloko lexi humelelaka eka Xihondzo xo Rindza xa March 1, 1991.
Risimu 23 na xikhongelo xo pfala.
Vhiki Leri Sungulaka Hi November 11
Risimu 161
10 min: Switiviso swa bandlha. Khutaza vuphayona bya nkarhinyana hi December.
25 min: “Ku Twarisa Mahungu Lamanene—Hi Ku Nyikela Tidyondzo Ta Le Kaya Ta Bibele.” Ku hlanganisa hi swivutiso ni tinhlamulo. Vana ni muhuweleri la nga ni ntokoto a kombisa ndlela leyi dyondzo ya Bibele yi nga sunguriwaka ha yona ni munhu loyi a kombiseke ku tsakela ebukwini leyi nyikeriweke. Khutaza vamakwerhu ku landzelela ku tsakela kwihi na kwihi loku kombisiweke, hambi loko tibuku ti fambisiwile kumbe ti nga fambisiwanga.
10 min: “Video Leyintshwa!—Ndlela Yo Yi Tirhisa.” Nkulumo leyi kombisaka tinhla-nkulu ta xihloko lexi. Kandziyisa leswaku lunghiselelo leri lerintshwa i ra ku toloveta tidyondzo ta Bibele ni maxaka lama endlaka nhluvuko ni nhlengeletano ya Yehova.
Risimu 167 na xikhongelo xo pfala.
Vhiki Leri Sungulaka Hi November 18
Risimu 96
10 min: Switiviso swa bandlha, xiviko xa timali ni swibumabumelo swa minyikelo ya Sosayiti. Bumabumela vamakwerhu hi xiphemu xa vona eku nyikeleni.
20 min: “Lunghiselelo Ra Dyondzo Ya Buku Ya Bandlha—Xiyenge 5.” Bulo ra swivutiso ni tinhlamulo ri fambisiwa hi mulanguteri wa ntirho. Vutisa tinhlamuselo ta ndlela leyi van’wana va pfunekeke ha yona hi lunghiselelo leri, kumbe u vulavurisana na un’we kumbe vambirhi lava pfunekeke hi riendzo ra mulanguteri wa ntirho.
15 min: Swilaveko swa bandlha kumbe “Xiviko Xa Vahuweleri Va Mfumo.” Nkulumo. Tshaha mintokoto enkandziyisweni wa Xihondzo xo Rindza u kombisa nkucetelo wa matimba lowu Bibele yi nga na wona evuton’wini bya vanhu. U nga ha katsa xiviko lexi nga enkandziyisweni wa April 1, 1991.
Risimu 75 na xikhongelo xo pfala.
Vhiki Leri Sungulaka Hi November 25
Risimu 9
10 min: Switiviso swa bandlha. Marungula Ya Swa Mfumo. Khutaza hinkwavo ku hlanganyela entirhweni wa nsimu hi Sonto, December 1.
20 min: “Tinyiketele eVutirhelini Bya Nsimu—Xiyenge 5.” Bulo ra swivutiso ni tinhlamulo ra xihloko xo hetelela enongonokweni. Hi rirhandzu khutaza hinkwavo ku kambisisa swiringanyeto leswi nyikeriweke. Loko nkarhi wu pfumela, katsa mbulavurisano wa muhuweleri la chivirikaka kumbe phayona leri nga hlamuselaka mimpfuno ya munhu hi xiyexe leyi ri yi tsakeleke hi ku va ni xiphemu lexikulu evutirhelini.
15 min: “Tirhisa Ximumu Hi Vutlhari.” Ku hlanganisa hi swivutiso ni tinhlamulo. Nkarhi hinkwawo hi va ni xiviko xa ntirho lexi nga ehansi hi December, tanihi leswi vo tala va vaka va nga ri kona emabandlheni ya le makaya ya vona ivi va tsandzeka ku vika ntirho wa vona wa nsimu hi nkarhi. Khutaza hinkwavo ku vika mintirho ya vona hi nkarhi kutani va endla xiviko xa ntirho xa December leyi xi va lexi antswaka ku tlula rini na rini.
Risimu 71 na xikhongelo xo pfala.