Switiviso

◼ Nyiko ya buku ya December: Nghwazi Leyi Tshameke Yi Hanya hi munyikelo wa R8,00. January: Buku yin’wana ni yin’wana ya matluka ya 192 leyi humesiweke hi 1980 kumbe emahlweni ka kwalaho, leyi yi nga kona exitokweni xa vandlha hi R1,00 yin’we. Mavandlha ma nga ha oda tibuku leti landzelaka ta nyiko yo hlawuleka eka Sosayiti naswona ma nga ha kombela ku hunguteriwa nxavo eka tibuku leti tekiweke hi vahuweleri ni maphayona: Ntiyiso Lowu Yisaka eVuton’wini Lebyi Nga Heriki na Xana Vutomi Lebyi Byo Va Na Sweswi Ntsena? Hi nkarhi wa tsima ntsena, nxavo wa maphayona ya nkarhi hinkwawo ni yo hlawuleka i 60 wa tisente. Eka vahuweleri va vandlha ni maphayona ya nkarhinyana nxavo wa kona i R1,00. February: U Nga Hanya Hi Masiku aParadeyisini eMisaveni hi munyikelo wa R8,00. Tibuku ta mpimo lowutsongo i R4,00. March: Nhlavutelo—Ku Chaputa Ka Yona Loku Hlamarisaka Ku Tshinele! hi munyikelo wa R8,00 kumbe Swivutiso Leswi Vantshwa Va Swi Vutisaka—Tinhlamulo Leti Tirhaka hi munyikelo wa R4,00.

◼ Mulanguteri la ungamelaka kumbe un’wana la averiweke hi yena u fanele a kambisisa tiakhawunti ta vandlha hi December 1 kumbe hi ku hatlisa hi laha swi kotekaka ha kona endzhakunyana.

◼ Siku ra Xitsundzuxo ra 1994 ri ta va hi Mugqivela, March 26, ni madyambu. Xitiviso lexi xa le mahlweni xa nkhuvo wa Xitsundzuxo xa 1994 xi endleriwa leswaku vamakwerhu va ta endla malunghiselelo lama lavekaka kumbe ku hirha tiholo leti nga kona loko ku ri ni mavandlha yo tala swinene lama tirhisaka Holo yin’we ya Mfumo, kutani va fanele va kuma tindhawu tin’wana.

◼ Ku sukela enkandziyisweni wa January 8, 1993, ku ta gandlisiwa nkandziyiso wa n’hweti na n’hweti wa magazini wa Awake! hi Xitsonga. Mavandlha ma khutaziwa leswaku ma hatlisa ma rhumela ti-Distributors’ Order (M-AB-202) ni swikhokhelo.

◼ Nkarhi na nkarhi ku va ni xilaveko xa swiambalo leswinene leswi swi tirhisiweke ni tintangu ta vamakwerhu va xinuna ni va xisati eAfrika Dzonga ni le matikweni ya le kusuhi. Swiambalo leswinene leswi swi tirhisiweke leswi langutekaka swi nga rhumeriwa eka Sosayiti swi ri emapulastikini lama pfariweke kumbe emabokisini. Hi kombela leswaku mi rhumela swiambalo swa vavanuna, vavasati ni vana swi ri emabokisini yo hambana mi tlhela mi swi tsala swi vonaka.

◼ Vakulu kumbe malandza ya vutirheli lava vulavulaka Xivenda lava swiyimo swa vona swi va pfumelelaka va komberiwa leswaku va vuyela eVenda swin’we ni mindyangu ya vona. Va tele vamakwerhu vo tano lava kumbexana va nga na wona makaya ni nhundzu eVenda lava va nga swi kotaka ku vuyela kona kutani va pfuneta entirhweni wa ku chumayela ni le ku tiyiseni ka mavandlha.

◼ Tibuku Letintshwa Leti Kumekaka:

Xigujarati: Our Problems—Who Will Help Us Solve Them? (leyi endleriweke Mahindu; vandlha ni vanhu: 80 wa tisente; maphayona: 40 wa tisente). Xihindi: Our Problems—Who Will Help Us Solve Them? (leyi endleriweke Mahindu; vandlha ni vanhu: 80 wa tisente; maphayona: 40 wa tisente).