Minhlangano Ya Ntirho Ya March

Vhiki Leri Sungulaka Hi March 1

Risimu 9

15 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Yisa nyingiso eka tibuku letintshwa leti kumekaka. Tinhla-nkulu to huma eka Marungula Ya Swa Mfumo, u kandziyisa ndlela leyi mikateko ya Yehovha yi veke ehenhla ka malandza yakwe eswiphen’wini swo hambana-hambana swa misava. Mintokoto ya le vandlheni yi nga katsiwa na yona loko yi fanela.

15 min: “Hambeta U Vula U Ku: ‘Tana!’” Ku hlanganisiwa hi swivutiso ni tinhlamulo. Loko mi hlanganisa ndzimana 4, vana ni muhuweleri la lunghiseleleke kahle a kandziyisa tinhla ti nga ri tingani ta ndzima 42 ya buku leyi nge Ku Chaputa Ka Nhlavutelo, tindzimana 6-10, leti hlamuselaka Nhlavutelo 21:​4-⁠6.

15 min: “Cinca-cinca eVutirhelini Bya Wena.” Nkulumo ni ku hlanganyelanyana ka vayingiseri. Katsa minkombiso yimbirhi yo koma loko mi hlanganisa tindzimana 3-⁠5. Loko u kombisa yinhla leyi nga eka tindzimana 4 na 5, komba ndlela leyi muhuweleri lonkulu ni lontsongo va nga tirhaka swin’we ha yona evutirhelini hi laha swi kombisiweke ha kona exihlokweni. Kandziyisa xilaveko xo tsaka evutirhelini ku nga khathariseki vuyelo bya kona.

Risimu 114 ni xikhongelo xo pfala.

Vhiki Leri Sungulaka Hi March 8

Risimu 128

5 min: Switiviso swa vandlha. Boxa nhlayo ya maphayona ya nkarhinyana lama nga ta tirha hi April. Khutaza lava kunguhataka ku phayona leswaku va hatlisa va tisa swikombelo. Xana vandlha ri lava ku va ni nhlohlorhi leyintshwa eka maphayona ya nkarhinyana hi April? Vakulu ni malandza ya vutirheli va fanele va rhangela.

20 min: “Sirhelela Vana Va Wena Eku Tirhisiweni Loko Biha Ka Ngati.” Nkulu u nyikela nkulumo eka tindzimana 1-11. Hlamusela kahle mhaka ya xiboho xa leswaku ku pfumela ka vatswari leswaku dokodela a pfuna n’wana wa vona ehansi ka swiyimo leswi boxiweke eka tindzimana 5-⁠7 a swi fanelanga ku langutiwa tanihi ku landzula ripfumelo ra vona.

20 min: Ku Pfuna Swichudeni Swa Hina Swa Bibele. Bulo ni vayingiseri leri kandziyisaka xilaveko xo pfuna swichudeni swa Bibele hi laha ku engetelekeke ku nga ri ku fambisa tidyondzo ntsena. (1 Tes. 2:⁠8) Tinyike nkarhi lowu engetelekeke wo pfuxa ku tsakela ka le mbilwini ko va kona eminhlanganweni ni ku va ni xiphemu. Aka ku tlangela nhlengeletano ni vumakwerhu bya misava hinkwayo hi ku hlamusela tinhlengeletano ta xifundzha, masiku ya tinhlengeletano to hlawuleka ni mintsombano ya muganga. Mi nga ha languta swin’we tivhidiyo leti nge Jehovah’s Witnesses​​—⁠⁠The Organization Behind the Name, Purple Triangles, na The Bible​​—⁠⁠Accurate History, Reliable Prophecy, u vutisa swichudeni leswaku swi dyondze yini eka tona. Hi ku famba ka nkarhi va kombe ndlela yo avelana ni van’wana leswi va swi dyondzaka, hi xitshuketa. Swichudeni swa Bibele leswi fikelelaka swilaveko leswi kombisiweke eka matluka 98 na 99 ya buku leyi nge Vutirheli Bya Hina ni lava tsakelaka ku hlanganyela evutirhelini bya le rivaleni va fanele va pfuniwa leswaku va va vahuweleri lava nga khuvuriwangiki. I swa nkoka ku tinyika nkarhi loko ku dyondziwa ni le ndzhaku ka dyondzo leswaku u pfuna swichudeni swi kurisa ku navela ku tinyiketela ni ku khuvuriwa. U nga komba swichudeni swifaniso kumbe swihloko swa maphepha-hungu mayelana ni nkhuvulo wa hina emintsombanweni. Nkombiso: Muhuweleri u pfuna xichudeni xa Bibele hi ku nyikela vumbhoni hi xitshuketa. U hlawula tinhla ta le nsin’wini ebukwini leyi nge Hanya Hi Masiku ivi a ku: “Swi nga va swinene ku avelana yinhla yoleyo ni maxaka kumbe vaakelani van’wana va wena. U nga ha va byela leswaku eBibeleni u dyondze swin’wana leswi a wu nga swi tivi.” Khutaza vahuweleri leswaku va pfuna swichudeni swa Bibele, va komba nkhathalelo wa rirhandzu hambi ku ri endzhaku ka nkhuvulo.

Risimu 123 ni xikhongelo xo pfala.

Vhiki Leri Sungulaka Hi March 15

Risimu 72

10 min: Switiviso swa vandlha, ku katsa ni xiviko xa timali ni swibumabumelo swa minyikelo. Kombetela eka xihlokwana lexi nge “Rungula Leri Fikeke Hi Nkarhi” eka tluka 8. Khutaza hinkwavo ku tsala xihloko xa nkulumo yo hlawuleka ya March 28 va tlhela va rhamba lava tsakelaka leswaku va va kona.

15 min: “Ku Pfuna Hinkwavo Lava Tsakeleke.” Nkulumo ni ku hlanganyelanyana ka vayingiseri. Hlaya matsalwa lama kombisiweke loko nkarhi wu pfumela. Endla nkombiso wa xiringanyeto lexi nga eka ndzimana 3. Kandziyisa xilaveko xo landzelela ku tsakela ka lava sungulaka ku ta.

20 min: “Sirhelela Vana Va Wena Eku Tirhisiweni Loko Biha Ka Ngati.” Bulo ra swivutiso ni tinhlamulo ra tindzimana 12-28. Languta tinhlamulo ta swivutiso leswi nga eka tindzimana 12 na 20. Kandziyisa leswaku ku lunghiselela ka vatswari ka ha ri emahlweni leswaku n’wana wa vona a tshunguriwa hakanyingi hi xona xilotlelo xo humelela eku papalateni ka mpompelo.

Risimu 32 ni xikhongelo xo pfala.

Vhiki Leri Sungulaka Hi March 22

Risimu 66

10 min: Switiviso swa vandlha. Khutaza hinkwavo leswaku va hlela ku hlanganyela evutirhelini hi laha ku engetelekeke hi April.

20 min: Ku Khathalela Lava Dyuhaleke. Bulo ni mimbulavurisano hi vamakwerhu vambirhi. Eka ximumu lexi hundzeke eka Ntsombano wa Muganga wa “Vabyarhi Va Ku Vonakala,” nxanxamelo lowu nyikeriweke hi Sonto ni mixo a wu ri ni xihloko lexi nge “Ku Khathalelana eNdyangwini Wa Vukreste.” Xiyenge xo hetelela lexi nge, “Hi Ku Khathalela Lava Dyuhaleke” xi kandziyise mpfuno lowukulu lowu endliwaka hi lavakulu endyangwini ni le vandlheni. (Swiv. 16:​31) Xana hi nga va pfunisa ku yini lava dyuhaleke? Ndyangu wu ni vutihlamuleri lebyikulu. (1 Tim. 5:​3, 4, 8, 16) Ku laveka ku leha mbilu ni ntwela-vusiwana. Vana lava kuleke ni vatukulu va nga kota ku komba ku tlangela malembe ya rirhandzu, ntirho ni nkhathalelo lowu vatswari na vakokwana va wu nyikeke enkarhini lowu hundzeke. (wTS87 6/1 13-18) Vandlha nakambe ri nga pfuna lava kuleke. Van’wana va nga lava ku pfuniwa leswaku va kota ku wundliwa hi hulumendhe. Komba malwandla hi ku va rhambela swakudya ni minkhuvo. (Rhom. 12:​13) Va pfune evutirhelini bya nsimu. U va rhwala va ya eminhlanganweni ni le tinhlengeletanweni. Va pfune eku xaveni ni le ku hlayiseni ka makaya ya vona. (wTS87 6/1 4-⁠7) Nkarhi hinkwawo xixima lava kuleke. (1 Tim. 5:​1, 2) Vulavurisana ni un’we kumbe vambirhi lava kuleke lava vekaka xikombiso lexinene. Kombisa ndlela leyi va pfuniweke ha yona hi vunene lebyi kombisiweke hi mindyangu ni mavandlha ya ka vona.

15 min: Nkulu u vulavurisana ni vahuweleri vanharhu kumbe va mune lava va nga ta va va phayona nkarhinyana hi April kumbe lava phayoneke enkarhini lowu hundzeke. I yini lexi va susumeteleke ku phayona? Hi wahi makungu lawa va ma endleke ya April? Xana vuphayona bya nkarhinyana byi va pfune njhani ha un’we? Khutaza hinkwavo lava kunguhataka ku phayona nkarhinyana n’hweti leyi taka leswaku va endla xikombelo ivi va xi tisa hi ku hatlisa.

Risimu 172 ni xikhongelo xo pfala.

Vhiki Leri Sungulaka Hi March 29

Risimu 105

10 min: Switiviso swa vandlha. Tsundzuxa hinkwavo leswaku va rhambela vanhu lava tsakelaka ni swichudeni swa Bibele swi ta enkhubyeni wa Xitsundzuxo. Tirhisani kahle swirhambo leswi gandlisiweke. Khutaza vahuweleri leswaku va tsala swi vonaka nkarhi wa Xitsundzuxo ni ndhawu leyi xi nga ta tlangeriwa ka yona. Boxa malunghiselelo ya siku ro hlawuleka ra timagazini hi Mugqivela April 3.

25 min: “Ku Tlangela Rifu Leri Nyikaka Ntshembo Wa Vutomi Lebyi Nga Heriki.” Ku hlanganisa hi swivutiso ni tinhlamulo hi mulanguteri la ungamelaka. Katsa mhaka leyi nge bokisini leri nge “Ku Lunghiselela Xitsundzuxo.” Endzhaku ko hlanganisa ndzimana 5 ya xihloko lexi, vana ni nkombiso lowu muhuweleri a rhambelaka xichudeni xa Bibele xi ta eXitsundzuxweni. Muhuweleri u hlamusela lunghiselelo ro hlaya tindzimana ta Bibele leti hlawuriweke hi masiku ya April 1-⁠6 ni ku lunghiselela xo famba ha xona.

10 min: Ku fambisa Xihondzo xo Rindza hi April. Kandziyisa tinhla leti kongomeke to vulavurisana ni tinhloko-mhaka leti ti nga ha tirhisiwaka. Xalamukela ku yisa nyingiso eka tinhla leti nga eka timagazini nkarhi wun’wana ni wun’wana.

Risimu 87 ni xikhongelo xo pfala.