Mintsombano Ya Muganga Ya “Dyondzo Ya Xikwembu” Ya 1993
1 Ha tsaka hi ku nyikela nxaxamelo wa masiku ni tindzimi ta Mintsombano Ya Muganga Ya “Dyondzo Ya Xikwembu” ya 1993. Mintsombano leyi yi ta tsakisa swinene naswona yi ta va yinhla-nkulu ya mintirho ya hina ya mfumo ya 1993. Vandlha rin’wana ni rin’wana ri ta tivisiwa hi papila leswaku ri ta ya eka ntsombano wihi.
2 Nan’waka hi ta va ni mintsombano ya mune yo hlawuleka ya matiko hinkwawo eAfrika Dzonga leyi vaendzi va le ntsungeni va nga ta va eka yona. Mintsombano leyi yi ta khomiwa hi mahelo-vhiki lama fanaka eJoni, Pitori, Durban ni le Cape Town. Hambi swi ri tano, NONGONOKO LOWU FANAKA wu ta nyikeriwa eka mintsombano HINKWAYO leswaku lava va yaka eka tindhawu tin’wana va nga lahlekeriwi hi swakudya swa moya. Ku hambana ka kona hi leswaku vaendzi va le ntsungeni va ta ya eka mintsombano yo hlawuleka ya matiko hinkwawo ntsena. Hikwalaho ka ndhawu yo tshama ni byetlelo lebyitsongo a hi khutazi leswaku vamakwerhu vo tala va va kona eka mintsombano leyi ya matiko hinkwawo. Ngopfu-ngopfu ndhawu ya le Joni yi ta va yitsongo. Enkarhini lowu hundzeke vamakwerhu van’wana va hleleriwe ku ya eka mintsombano yimbirhi, ntsombano wo tirha ni wa ku yingisela. Leswi swi fanerile. Nakambe, loko ntsombano lowu vandlha ra ka n’wina ri averiweke ka wona wu nga ri wa ririmi ra wena, titwe u ntshunxekile ku ya eka wun’wana.
3 Swa hi nonon’hwela ku kuma swivulavuri leswi ringaneke swa mintsombano yin’wana. Swi nga tlangeriwa loko vakulu lava fanelekaka vo pfuna eka wun’wana wa mintsombano leyi landzelaka: (a) Ku laveka swivulavuri swa Xinghezi le East London, Gaborone, Manzini ni le Maseru. (b) Ku laveka swivulavuri swa Xinghezi ni Xibunu le Bloemfontein, Port Elizabeth ni le Windhoek. Hi kombela mi xiya leswaku hi hlela ku va ni nongonoko lowu heleleke wa Xinghezi ni Xibunu nan’waka, le Bloemfontein. (c) Ku laveka swivulavuri swa Xivenda ni Xitsonga le Nkowankowa. Vakulu lava fanelekaka lava tirhisiwaka eka minongonoko ya nhlengeletano ya xifundzha va komberiwa ku tsalela Sosayiti. Papila ra wena ri fanele ri nyikiwa komiti ya ntirho ya vandlha ra ka n’wina. Yi ta engetela tinhlamuselo ta yona, yi sayina papila rero ivi yi ri yisa eka mulanguteri wa xifundzha. Mulanguteri wa xifundzha u ta engetela swibumabumelo swakwe kutani a yisa papila leri eka Sosayiti. Papila ra wena ri fanele ri fika eka Sosayiti KU NGA SI HUNDZA August 2, 1993.
4 Ku hleriwe mintsombano leyi landzelaka:
December 2-5:
St. Helena, Levelwood Kingdom Hall (Xinghezi)
December 9-12:
Gaborone, National Stadium (*Xinghezi, *Xitswana)
Windhoek, International Hall, Showgrounds (nongonoko wa tindzimi timbirhi hi Xibunu/Xinghezi ni Xikwanyama/Xindonga)
December 16-19:
Bloemfontein, Free State Stadium (*Xibunu, *Xinghezi, *Xisuthu)
East London, Jan Smuts Stadium (Xinghezi); Basil Kenyon Stadium (Xixhosa)
Empangeni, Bhekuzulu Hall, University of Zululand (Xizulu)
Newcastle, R. K. Rümelin Stadium (Xizulu)
Nkowankowa, Sports Stadium (Xitsonga, Xivendanyana)
December 23-26:
KaNyamazane, (White River), KaNyamazane Stadium (Xizulu)
Lebowakgomo, Showgrounds (Sepedi)
Mafikeng, University Stadium, University of Bophuthatswana (Xitswana)
Manzini, Trade Fair (*Xinghezi, *Xizulu)
Maseru, National Stadium (Xinghezinyana, Xisuthu)
Port Elizabeth, Boet Erasmus Stadium (*Xibunu, *Xinghezi, *Xixhosa)
Umtata, Independence Stadium (Xixhosa)
December 30, 1993–January 2, 1994:
Cape Town, Goodwood Showgrounds (*Xibunu, *Xinghezi, *Xixhosa)
Durban, King’s Park Rugby Stadium (*Xinghezi, *Xizulu. Hi ta tlhela hi va ni minongonoko ya ririmi ra mavoko.)
Joni, National Exhibition Centre (*Xibunu, *Xinghezi, Xigrikinyana, *Xiputukezi, *Xisuthu, *Xizulu. Hi ta tlhela hi va ni minongonoko ya ririmi ra mavoko.)
Pitori, Showgrounds (*Xibunu, *Xinghezi, nongonoko wa tindzimi timbirhi hi Xipedi/Xitswana, *Xizulu)
* Xi kombisa leswaku nongonoko lowu heleleke wu ta nyikeriwa hi tindzimi teto.