Switiviso
◼ Minkandziyiso leyi fambisiwaka hi May: Xikhokhelo xa Xihondzo xo Rindza hi munyikelo wa R17,00 eka minkandziyiso leyi humaka kambirhi hi n’hweti. Swikhokhelo swa lembe eka minkandziyiso leyi humaka kan’we hi n’hweti ni swikhokhelo swa tin’hweti ta tsevu eka minkandziyiso leyi humaka kambirhi hi n’hweti i R8,50. June: Nghwazi Leyi Tshameke Yi Hanya hi munyikelo wa R9,00. July: Ku nga ha tirhisiwa yin’wana ni yin’wana ya tibroxara leti landzelaka: Hulumendhe Leyi Nga Ta Tisa Paradeyisi, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, “Vonani, Ndzi Endla Swilo Hinkwaswo Swi Va Leswintshwa”!, Xana U Fanele Ku Pfumela Eka Vunharhu-un’we?, kumbe Xana Xikwembu Xa Hi Khathalela Hakunene? hi munyikelo wa 90 wa tisente yin’we. August na September: U Nga Hanya Hi Masiku aParadeyisini eMisaveni hi munyikelo wa R9,00. Tibuku ta mpimo lowutsongo i R4,50. XIYA: Mavandlha lama nga siki endlaka oda ya tibuku leti nga laha henhla ta tsima, ma fanele ma ti kombela eka fomo ya n’hweti na n’hweti ya wona leyi tlhandlamaka, ya Literature Order (S-AB-14).
◼ Eka valanguteri lava ungamelaka: Hi mi kombela leswaku mi rhumela Sosayiti mintokoto yihi ni yihi leyinene leyi vandlha ra ka n’wina ri veke na yona eka lembe leri, swin’we ni mintokoto malunghana ni ntirho wa vuphayona bya nkarhinyana ni siku ro hlawuleka ra timagazini, April 3, 1993. Hi lava ku hlawula leyinene ya nsimu ya hina, ya xiviko xa lembe na lembe. Hi kombela mi yi rhumela ku nga si hundza July 1, 1993.
◼ Vamatsalana va mavandlha va fanele va hlela ku bula hi tindzimana 44 ku ya ka 55 ta Cost List Instructions (S-15) swin’we ni lava tirhanaka ni tiakhawunti ni timagazini n’hweti leyi ni ku tiyisekisa leswaku vamakwerhu va kona va ri twisisa kahle rungula rero. Loko mi ri ni swivutiso swo karhi malunghana ni tioda ta timagazini, kumbe mi ri hava kopi ya S-15, hi kombela mi tsalela Sosayiti.
◼ Hi tsakela ku hatla hi tivisa maphayona ya nkarhi hinkwawo lama nga siki yaka eka Xikolo xa Ntirho wa Vuphayona leswaku xikolo xi ta va kona nakambe hi November ni le ku sunguleni ka December 1993. Hi kombela u endla malunghiselelo lama tiyeke leswaku u va kona eka Xikolo xa Ntirho wa Vuphayona hi November. Van’wana va hundziwe hi lunghiselelo leri handle ka xivangelo lexi twalaka. A hi lavi leswaku phayona ni rin’we ri hundziwa hi xikolo lexi. Mulanguteri wa n’wina wa xifundzha u ta rhumela rungula leri engetelekeke.
◼ Le Bethele ku laveka muongori loyi a nga swi dyondzela. Loko u swi kota ku amukela xirhambo lexi, hi kombela u tsalela Sosayiti u kombela fomo ya xikombelo xa le Bethele.
◼ Hi tivisa mavandlha hinkwawo lama tiseriwaka tibuku hi Sosayiti leswaku ku sukela sweswi Vutirheli Bya Hina Bya Mfumo byi ta tisiwa kun’we ni tibuku ni timagazini, loko swi ta famba kahle. Minkarhi yin’wana swi nga ha lava leswaku hi rhumela Vutirheli Bya Hina Bya Mfumo hi poso. Hambi swi ri tano, leswi swi ta endliwa ntsena loko poso yi ta kota ku hatlisa ku tlula Sosayiti. Hi kombela mi teka nhundzu ya n’wina nkarhi na nkarhi laha yi yisiwaka kona.
◼ Sosayiti sweswi yi lava ku endla CD-ROM yo yi tirhisa eka tikhomphyuta. Leyi i diskete leyi kombisaka mhaka ntsena. Yi ta ku pfumelela leswaku u languta eka khomphyuta nhlamuselo yihi na yihi ya New World Translation, tivholumo ta Insight, The Watchtower ku sukela eka 1950 ku ya eka 1993, ni tibuku tin’wana ta hina to tala leti gandlisiweke. CD-ROM leyi, yi ta katsa ni endlelo leri cinca-cincaka leri endliweke hi Sosayiti ra ku endla ndzavisiso eka minkandziyiso yoleyo. Ku ta laveka muchini lowu fanelekaka wo kombisa ti-CD-ROM. Loko swi famba kahle CD-ROM leyi yi ta kumeka eku sunguleni ka lembe leri taka. Hi kombela mi nga tsaleli Sosayiti kumbe ku yi bela riqingho mi vutisisa. Loko rungula ra thekiniki se ri hetiwile, hi ta rhumela papila eka mavandlha hinkwawo, hi nyika vuxokoxoko mayelana ni swilo leswi lavekaka swo tirhisa CD-ROM leyi leyintshwa.