Minhlangano Ya Ntirho Ya July
Vhiki Leri Sungulaka Hi July 5
Risimu 133
10 min: Switiviso swa vandlha ni Switiviso leswi hlawulekeke leswi humaka eka Vutirheli Bya Hina Bya Mfumo. Kuma vahuweleri vambirhi lava lunghekeleke ku hlamusela ndlela leyinene leyi va tirhisaka timagazini ta khale ha yona.
15 min: “Ku Lavisisa Lava Tsakelaka Hi Ku Fambisa Tibroxara.” Ku hlanganisiwa hi swivutiso ni tinhlamulo. Tibroxara leti ku vulavuriwaka ha tona eka ndzimana 5 hi leti: Xana U Fanele Ku Pfumela Eka Vunharhu-un’we?, Xana Xikwembu Xa Hi Khathalela Hakunene? na Hulumendhe Leyi Nga Ta Tisa Paradeyisi. Tivisa vandlha hi tibroxara leti nga kona, ivi u kombela tinhlamuselo malunghana ni tibroxara leti ngopfu-ngopfu ti nga fanelaka nsimu ya ka n’wina. Khutaza vamakwerhu hi ku hiseka leswaku va hlanganyela hi xitalo eku fambiseni ka tibroxara hi July. Nakambe kombisa leswaku hakanyingi vanhu lava tekaka tibroxara va nga ha swi tsakela ku kuma ni timagazini.
20 min: “Ku Tirhisa Tibroxara Hi Laha Ku Humelelaka Hi July.” Bula ni vandlha hi tinhla leti, kutani u endla minkombiso ya marungula lama nga eka ndzimana 3, 5, na 7. Khutaza ku lunghiselela kahle.
Risimu 30 ni xikhongelo xo pfala.
Vhiki Leri Sungulaka Hi July 12
Risimu 25
10 min: Switiviso swa vandlha. Hlaya xiviko xa timali ni swibumabumelo swa minyikelo loko swi ri kona. Tsundzuxa vandlha hi malunghiselelo ya ntirho wa nsimu, ivi u bula hi tinhla to hambana-hambana to bula ha tona leti humaka eka timagazini.
20 min: “Ku Vuyela U Ya Pfuxa Ku Tsakela eBibeleni.” Endzhaku ka xingheniso xo koma, endla nkombiso wa riendzo ro vuyela eka munhu loyi a kombiseke ku tsakela kambe a nga yi tekanga buku. Nakambe, endla nkombiso wa ndlela yo vuyela eka munhu loyi a a khomekile lerova a nga swi koti ku tshama ehansi mi bula, kambe a amukele xiphephana lexi nge I Mani Loyi Kahle-kahle A Fumaka Misava? Eka nkombiso wun’wana ni wun’wana, komba ndlela leyi muhuweleri a sungulaka bulo ni ku pfuxa ku tsakela ha yona.
15 min: Bula hi malunghiselelo yo hetelela ya tsima ra nsimu leyi nga aviwangiki. Tirhisa tinhla leti tirhaka leti humaka eka xiengetelo xa papila ra May 16, 1993. Hi rirhandzu khutaza hinkwavo ku seketela malunghiselelo ya tsima leri hi xitalo. Mavandlha lama nga swi kotiki ku tirha nsimu leyi nga aviwangiki nan’waka: Bula hi swilaveko swa vandlha kumbe u vulavurisana ni vahuweleri vambirhi kumbe vanharhu mayelana ni ndlela leyi va dyondzeke ntiyiso ha yona. Mintokoto yo tano yi fanele yi hlawuriwa ka ha ri emahlweni naswona yi fanele yi kombisa ku humelela evutirhelini.
Risimu 191 ni xikhongelo xo pfala.
Vhiki Leri Sungulaka Hi July 19
Risimu 136
15 min: Switiviso swa vandlha. Marungula Ya Swa Mfumo. Tlhela u bula ni vayingiseri hi “Nongonoko Lowuntshwa Wa Nhlengeletano Ya Xifundzha.”
15 min: “U Nga Swi Endla Xana?” Bula ni vayingiseri. Vulavurisana ni phayona rin’we kumbe mambirhi ya nkarhi hinkwawo kumbe muhuweleri un’we kumbe vambirhi lava hambaka va tirha tanihi maphayona ya nkarhinyana. Va kombele va hlamusela ndlela leyi va swi koteke ha yona ku endla xiboho xo endla leswi engetelekeke ni ndlela leyi va hlelaka mintirho ya vona ha yona.
15 min: Nkulumo hi nkulu malunghana ni ku basa ka munhu hi yexe, leyi tekiwaka eka Xihondzo xo Rindza xa June 1, 1989, matluka 15-20. Nkulumo yi fanele ku nyikeriwa hi mukhuva lowunene ni ku ringanisela.
Risimu 165 ni xikhongelo xo pfala.
Vhiki Leri Sungulaka Hi July 26
Risimu 170
15 min: Switiviso swa vandlha. Mulanguteri wa ntirho u kambisisa ntirho wa nsimu wa vandlha wa June, a nyika xibumabumelo ni xikhutazo. Bula ni vandlha hi tinhla leti nga eka bokisi leri nge “Xana U Muhuweleri La Humaka Nkarhi Na Nkarhi?” Tirhisa tinhla leti humaka eka xihloko lexi nge “Tshama U Ri Kona eNtirhweni Wa Nsimu” lexi nga eka Vutirheli Bya Hina Bya Mfumo bya June 1993. August i n’hweti yo hetelela ya lembe ra ntirho. Khutaza vahuweleri hinkwavo ku hlanganyela evutirhelini vhiki na vhiki, naswona va vika ntirho wa vona hi ku hatlisa eku heleni ka August. Xana hinkwerhu hi nga tirhela ku va ni nhlohlorhi leyintshwa ya vahuweleri hi August? Nakambe, bula hi tinhla timbirhi kumbe tinharhu leti humaka eka timagazini leti nga ta tirhisiwa entirhweni wa nsimu mahelo-vhiki lawa.
15 min: “Cross,” buku leyi nge Reasoning, matluka 89-93. Nkulumo leyi yi fanele ku fambisiwa tanihi riendzo ro vuyela eka n’wini wa muti la amukeleke broxara leyi nge “Vonani”! N’wini wa muti u kombetela eka tlula 17 ra broxara ivi a vutisa leswaku ha yini yi kombisa Yesu a ri emhandzini hayi exihambanweni. Makwerhu u tirhisa buku leyi nge Reasoning ku pfuna n’wini wa muti a vona langutelo ra Bibele.
15 min: “Ku Tirhisa Kahle Xihondzo xo Rindza Ni Xalamuka!” Ku hlanganisiwa hi swivutiso ni tinhhlamulo. Pfuna hinkwavo ku vona minkarhi yo tala leyi hi nga vaka na yona yo fambisa timagazini, minkandziyiso ya sweswi ni ya khale.
Risimu 192 ni xikhongelo xo pfala.