Xiviko Lexinene Xa April!
1 Ha tsaka hi nhlohlorhi leyintshwa ya vahuweleri va 55 727 ya April. Ku engetela kwalaho, hi ve ni nhlohlorhi leyintshwa ya tidyondzo ta Bibele ta 62 060. Mi xumile naswona ha mi nkhensa hi sweswo. Hambetani ni xikombiso xa n’wina lexinene xa ku hiseka ensin’wini.
2 Xana hi nga va ni nhlohlorhi leyintshwa hi August? Xana leswi swi nga endlisiwa ku yini? Loko muhuweleri un’wana ni un’wana a hlanganyela hi xitalo evutirhelini hi August kutani a tisa xiviko xa yena hi ku hatlisa eku heleni ka n’hweti, ha tshemba leswaku hi nga fikelela nhlohlorhi yin’wana leyintshwa. Mufambisi un’wana ni un’wana wa dyondzo ya buku u fanele ku va ni tifomo ti nga ri tingani ta xiviko (S-4) eka xivandla xa dyondzo yakwe ya ntlawa, a ti nyika ntlawa wa yena. U fanele ku tsundzuxa vahuweleri leswaku va hoxa swiviko swa vona ebokisini leri tsariweke “Swiviko Swa Ntirho Wa Nsimu” eHolweni ya Mfumo.
3 Ku vuriwa yini hi swichudeni swa Bibele leswi endlaka nhluvuko? Xana u kona un’wana loyi a fanelekaka ku hlanganyela na hina evutirhelini hi August? Ku fanele ku va ni ku engeteleka ka vahuweleri n’hweti YIN’WANA NI YIN’WANA exikarhi ka tidyondzo ta Bibele leti fambisiwaka to tlula 62 000. Ha yini u nga landzeleli swiringanyeto leswinene leswi nyikeriweke eka xiengetelo xa Vutirheli Bya Hina Bya Mfumo bya May 1993 leswaku u ya emahlweni u pfuna vanhu lava leswaku va endla nhluvuko?
4 Onge hinkwerhu ka hina hi nga endla matshalatshala lamakulu ya ku nyikela vumbhoni lebyi hetisekeke ensin’wini leyi hi averiweke yona. Tsundzukani leswaku nkarhi hinkwawo mi fanele mi “tirela Hosi hi masiku, mi ri kari mi ŝi tiv̌a leŝaku mitiro ya ṅwina yi nga ka yi nga hunḍuki ŝa hav̌a e Hosini.”—1 Kor. 15:58.