Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • km 10/93 tl. 2
  • Minhlangano Ya Ntirho Ya October

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Minhlangano Ya Ntirho Ya October
  • Vutirheli Bya Hina Bya Mfumo—1993
Vutirheli Bya Hina Bya Mfumo—1993
km 10/93 tl. 2

Minhlangano Ya Ntirho Ya October

Vhiki Leri Sungulaka Hi October 4

Risimu 225

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kombisa tindlela leti timagazini ta sweswinyana ti nga fambisiwaka ha tona ensin’wini ya ka n’wina. Kandziyisa nkoka wa ku fambisa swikhokhelo swa Xalamuka! ni Xihondzo xo Rindza nkarhi wun’wana ni wun’wana. Vuyela eka vanhu hinkwavo lava tekeke timagazini hi xikongomelo xo sungula ntila wa timagazini. October i n’hweti yo hetelela ya tsima ra nsimu leyi nga aviwangiki. Khutaza hinkwavo ku seketela malunghiselelo yo hetelela ya nsimu leyi nga aviwangiki. Loko nkarhi wu pfumela, rungula ntokoto wun’we kumbe yimbirhi leyi kumiweke ensin’wini leyi nga aviwangiki.

15 min: “Hi Nga Yi Hi Nghohe eVutirhelini Bya Hina.” Swivutiso ni tinhlamulo. Kandziyisa swiphemu swa nhloko-mhaka leyi leswi swi khumbaka ngopfu nsimu ya ka n’wina.

20 min: Chivirikela Vutirheli Bya Wena Bya Yindlu Na Yindlu Hi October. Mulanguteri wa ntirho kumbe makwerhu un’wana la fanelekaka u bula ni vayingiseri hi nkoka wa vutirheli bya yindlu na yindlu. Endla nkombiso: (1) Muhuweleri u sungula bulo leri nga ta yisa eka xihloko lexi nga eka Xalamuka! kumbe Xihondzo xo Rindza xa sweswinyana. Muhuweleri u fambisa xikhokhelo xa Xalamuka! kumbe xa Xihondzo xo Rindza. (2) U tirhisa ndlela leyi fanaka, kambe nyiko ya xikhokhelo a yi amukeriwi. Muhuweleri u fambisa timagazini ivi a endla masungulo ya ntila wa timagazini. (3) Muhuweleri u tirhisa xiphephana leswaku a sungula bulo ra xitshuketa kutani a fambisa timagazini ta sweswinyana eka munhu la tsakelaka. (4) Muhuweleri loyi a endlaka ntila wa timagazini u anakanya hi ku fambisa xikhokhelo. Ku cinca-cinca koloko ku fanele ku khutaza vahuweleri hinkwavo leswaku va chivirikela vutirheli bya vona bya yindlu na yindlu hi October. A swi kanakanisi leswaku van’wana va ta va maphayona ya nkarhinyana n’hweti leyi. Van’wana va nga ha wu kuma nkarhi wo tsarisa loko va swi tsakela.

Risimu 42 ni xikhongelo xo pfala.

Vhiki Leri Sungulaka Hi October 11

Risimu 4

10 min: Switiviso swa vandlha. Xiviko xa timali. Hlaya marito yo nkhensa minyikelo naswona u bumabumela vandlha hi ku seketela ntirho wa misava hinkwayo kun’we ni ku khathalela swilaveko swa vandlha. Hi ku komisa, hlamusela malunghiselelo ya ntirho wa nsimu ya vhiki leri, ivi u kombisa ku tlangela nseketelo wa vahuweleri hi ku hiseka.

15 min: “Ku Fambisa Swikhokhelo Hi Yindlu Na Yindlu.” Ku burisana ni vayingiseri. Hi ni xivangelo lexinene xo hiseka loko hi fambisa timagazini eka vanhu lava hi hlanganaka na vona entirhweni wa nsimu ni lava hi va byelaka vumbhoni hi xitshuketa. Hambi leswi timagazini ti tsariwaka masiku ni leswi hi fanelaka ku fambisa timagazini leti ta ha ku humaka, hi nga tshuki hi kanakana ku fambisa timagazini ta khale loko nkarhi wu pfumela. Kambe tiyiseka leswaku timagazini leti u ti fambisaka ti basile naswona a ti onhakanga. Kombela muhuweleri la fanelekaka a kombisa rungula leri tsariweke eka ndzimana 3.

20 min: “Dyondzo Ya Xikwembu Yi Ni Nkucetelo Wa Matimba.” Ku hlanganisa xihloko hi swivutiso ni tinhlamulo. Hlaya tindzimana ni matsalwa lama kombisiweke loko nkarhi wu pfumela.

Risimu 44 ni xikhongelo xo pfala.

Vhiki Leri Sungulaka Hi October 18

Risimu 65

10 min: Switiviso swa vandlha. Marungula Ya Swa Mfumo.

15 min: “Khathalela Ku Tsakela Loku U Ku Kumaka.” Nkulumo ni swivutiso swo karhi leswi vutisiwaka vayingiseri. Kombisa ndlela leyi vahuweleri va akeke ha yona ku tsakela nsimu ya vandlha, kumbe u kombela muhuweleri a hlamusela ntokoto wa sweswinyana lowu kombaka risima ra ku vuyela eka lava tekeke Xalamuka! ni Xihondzo xo Rindza.

20 min: “Vuyeriwa Swinene Eka Ntsombano Wa Muganga Wa ‘Dyondzo Ya Xikwembu’ Wa 1993”​​—⁠⁠Xiyenge 1. Ku burisana ni vayingiseri hi tindzimana 1-16. Vahuweleri va fanele ku bula hi tinhla leti faneleke ni swichudeni swa vona swa Bibele leswi nga ta ya entsombanweni.

Risimu 60 ni xikhongelo xo pfala.

Vhiki Leri Sungulaka Hi October 25

Risimu 75

10 min: Switiviso swa vandlha. Katsa malunghiselelo ya nsimu ya vhiki rero, ivi u hlamusela tinhla leti nga eka timagazini ta sweswinyana leti vahuweleri va nga ti tirhisaka entirhweni wa nsimu eka masiku lama landzelaka. Loko nkarhi wu pfumela, endla nkombiso wo koma wa rungula rin’we kumbe mambirhi lama nga ta fanela nsimu ya ka n’wina. Tsundzuxa hi xilaveko xo vuyela eka vanhu hinkwavo lava kombiseke ku tsakela.

15 min: “Vuyeriwa Swinene Eka Ntsombano Wa Muganga Wa ‘Dyondzo Ya Xikwembu’ Wa 1993”​​—⁠⁠Xiyenge 2. Bula ni vayingiseri hi tindzimana 17-19 ivi mi kambisisa “Switsundzuxo Swa Ntsombano.” Katsa switsundzuxo leswi faneleke leswi humaka eka rungula ra Xihondzo xo Rindza xa June 15, 1989, matluka 10-20, kumbe u khutaza mindyangu leswaku yi pfuxeta tinhla ta swihloko leswi, yi nga si ya entsombanweni.

20 min: “Ku Fambisa Dyondzo Ya Le Kaya Ya Bibele.” Ku hlanganisa xihloko hi swivutiso ni tinhlamulo. Endla nkombiso lowu lunghiseleriweke kahle laha muhuweleri a pfunaka xichudeni leswaku xi twisisa ndlela leyi tsalwa leri kombisiweke ri seketelaka ha yona ndzimana leyi hlayiwaka. Eka nkombiso wolowo muhuweleri u tirhisa swivutiso swin’wana leswaku a pfuna xichudeni xi endla ntiyiso wu va wa xona. Tirhisa xiyenge lexi hlawuriweke eka buku leyi nge United in Worship kumbe Hanya Hi Masiku.

Risimu 78 ni xikhongelo xo pfala.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela