Minhlangano Ya Ntirho Ya November
Vhiki Leri Sungulaka Hi November 1
Risimu 5
10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Bumabumela vahuweleri hi xiphemu lexi va xi endlaka entirhweni wa Mfumo wo chumayela.
10 min: “Dreams,” buku leyi nge Reasoning, matluka 104-6. Yi fanele ku tameriwa tanihi bulo ni xichudeni xa Bibele. Xichudeni xi vutisa loko swi ri swinene ku kongomisiwa hi milorho ya hina. Bula hi khombo ra leswi, ni ndlela leyi swi nga hi ngheniselaka mianakanyo ya misava ni mademona ha yona. Kombisa nkoka wa ku kongomisiwa hi misinya ya milawu ya Rito ra Xikwembu.
10 min: Swilaveko swa vandlha kumbe xihloko lexi nge “Mbulavurisano—A Hi Ku Vulavula Ntsena.” Nkulumo leyi sekeriweke eka swihloko leswi nga eka Xihondzo xo Rindza xa August 1, 1993, matluka 3-8.
15 min: “Nkoka Wa Bibele eMisaveni Ya Namuntlha.” Bulo exikarhi ka mulanguteri wa ntirho ni muhuweleri loyi a navelaka ku antswisa vuswikoti byakwe entirhweni wa yindlu na yindlu. Endzhaku ko bula hi ndzimana 3, mulanguteri wa ntirho u kombela muhuweleri leswaku a ringeta rungula leri ringanyetiweke, mulanguteri wa ntirho a endla onge i n’wini wa muti. Endzhaku ko bula hi ndzimana 4, mulanguteri wa ntirho u tirhisa rungula leri ringanyetiweke eka muhuweleri. Khutaza vandlha ku pfuna vanhu lava tsakelaka ni swichudeni swa Bibele leswaku swi vona nkoka wa New World Translation.
Risimu 52 ni xikhongelo xo pfala.
Vhiki Leri Sungulaka Hi November 8
Risimu 7
10 min: Switiviso swa vandlha. Endla nkombiso wa rungula ra timagazini ta sweswinyana, ku kombisiwa xihloko lexi xi nga tirhisiwaka entirhweni wa nsimu eka mahelo-vhiki lawa. Hlamusela xihloko lexi nge “N’hweti Yo Hlawuleka Ya Ntirho Wa Nsimu” lexi nga eka xiengetelo, ivi u rhamba hinkwavo leswaku va anakanyisisa hi ku engetela ntirho wa vona wa nsimu hi December va nghenela vuphayona bya nkarhinyana kumbe va tirha swin’we ni maphayona.
15 min: “Buku Leyi Nyikaka Nkongomiso Wa Ntiyiso.” Ku hlanganisa xihloko hi swivutiso ni tinhlamulo. Endla nkombiso wa riendzo ro vuyela leri hlamuseriwaka eka ndzimana 3. Khutaza hinkwavo leswaku va hisekela nkoka lowu tirhaka wa Bibele loko va vulavula ni vanhu entirhweni wa yindlu na yindlu ni ku endla maendzo yo vuyela.
20 min: “Vantshwa—Tsakisani Mbilu Ya Yehovha.” Nkulu u bula ni vahuweleri vambirhi kumbe vanharhu lavantshwa lava khuvuriweke, hi tindzimana 1-18. Kandziyisa mpfuno lowu kumiwaka hi vantshwa hikwalaho ka xikombiso xa vona lexinene ni nkoka wa swihloko leswi nge “Vantshwa Va Vutisa. . . . ” Hlaya matsalwa loko nkarhi wu pfumela.
Risimu 80 ni xikhongelo xo pfala.
Vhiki Leri Sungulaka Hi November 15
Risimu 73
10 min: Switiviso swa vandlha, ku katsa ni xiviko xa timali ni ku nkhensa minyikelo. Bumabumela vandlha hi nseketelo wa mali ya vandlha kun’we ni Nkwama wa Sosayiti wo Aka Tiholo ta Mfumo ni ntirho wa Sosayiti wa misava hinkwayo. Boxa malunghiselelo ya ntirho wa nsimu hi nkarhi wa tiholideyi ta misava leti taka.
15 min: “Ku Khathalela Swilaveko Swa Moya Swa Lava Feke Tindleve.” Swivutiso ni tinhlamulo. Loko ku nga ri na munhu la feke tindleve evandlheni, kandziyisa mhaka ya ku ka hi nga honisi vanhu lava feke tindleve lava hi va kumaka ensin’wini.
20 min: “Vantshwa—Tsakisani Mbilu Ya Yehovha.” Ku hlanganisa tindzimana 19-33 ta xiengetelo hi swivutiso ni tinhlamulo. Vulavurisana ni muntshwa un’we kumbe vambirhi. Va kombele va hlamusela leswaku vandlha ri va pfunise ku yini leswaku va kula emoyeni.
Risimu 90 ni xikhongelo xo pfala.
Vhiki Leri Sungulaka Hi November 22
Risimu 74
10 min: Switiviso swa vandlha ni Marungula Ya Swa Mfumo. Khutaza leswaku ku tirhisiwa timagazini leta ha ku humaka eku nyikeleni ka vumbhoni mahelo-vhiki lawa.
15 min: “Pfuna Swichudeni Swa Bibele Swi Lunghiselela Dyondzo Ya Swona.” Swivutiso ni tinhlamulo. Hlaya tindzimana loko nkarhi wu pfumela.
20 min: “Xana U Anakanyisisa Hi Matsalwa?” Ku hlanganisa hi swivutiso ni tinhlamulo hi makwerhu loyi a humelelaka entirhweni wa yindlu na yindlu ni wa ku endla maendzo yo vuyela. Endzhaku ko bula hi ndzimana 4, kombisa ndlela leyi muhuweleri a nga hlamuselaka tsalwa hi ku komisa kumbe a ri vula hi nhloko loko n’wini wa muti a khomekile. Endzhaku ka nkombiso, kandziyisa nkoka wa ku landzela xiringanyeto lexi tanihi leswi hi “chumayelaka rito” ensin’wini leyi vanhu vo tala va tshamaka va khomekile kumbe ku karhatiwa hi mintirho ya siku na siku. (2 Tim. 4:2) Endzhaku ko bula hi ndzimana 6, kombela muhuweleri la humelelaka eku tirhiseni ka buku leyi nge Reasoning leswaku a hlamusela ndlela leyi a yi tirhisaka ha yona eku nyikeleni ka vumbhoni.
Risimu 108 ni xikhongelo xo pfala.
Vhiki Leri Sungulaka Hi November 29
Risimu 83
10 min: Switiviso swa vandlha. Khutaza lava va nga swi kotaka, leswaku va nghenela vuphayona bya nkarhinyana hi December.
15 min: “Bibele—Nkongomiso Lowu Tirhaka Eka Vanhu Va Manguva Lawa.” Nkulumo hi nhloko ya ndyangu, leyi tekiwaka eka xihloko xa Xihondzo xo Rindza xa May 1, 1993. Kandziyisa leswaku ku tirhisa misinya ya milawu ya Bibele swi nga tisa moya wa ku rhula, wa rirhandzu endyangwini. Vana ni nhlamuselo yin’we kumbe timbirhi ta vayingiseri leti kombaka ndlela leyi ndzayo ya Rito ra Xikwembu yi pfuneke ndyangu kumbe munhu wo karhi ha yona.
20 min: Ku Tirhisa Buku Leyi Nge Nghwazi Leswaku Hi Pfuna Vanhu Lava Kotisaka Tinyimpfu Hi December. Bulo ni vayingiseri. Vutisa swivutiso swo kota leswi: Hi yihi mhaka yin’we ya vutirheli bya Yesu leyi yi ku tsakiseke ngopfu? Hikwalaho ka yini mhaka leyi yi ku tsakisile? Xana buku leyi yi ve ya nkoka hi ndlela yihi eka wena? Xana u dyondze yini hi Yehovha loko u yi dyondza? Hi yihi (ti-)yinhla leyi u yi hlamuseleke loko u yi fambisa? Vana ni muhuweleri la nga ni ntokoto a kombisa ku fambisiwa ka buku leyi. Khutaza hinkwavo leswaku va va kona entirhweni wa nsimu hi Sonto.
Risimu 94 ni xikhongelo xo pfala.