Minhlangano Ya Ntirho Ya March

Vhiki Leri Sungulaka Hi March 7

Risimu 200

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo.

20 min: “Ku Andza Loku Yaka eMahlweni Ku Engetela Xilaveko Xa Tiholo Ta Mfumo”​—⁠Xiphemu 1. Ku hlanganisa hi swivutiso ni tinhlamulo ka tindzimana 1-⁠10 ta xiengetelo. Kandziyisa swivangelo swa mhaka leyi ha yona vakulu va faneleke va tihlanganisa ni Komiti yo Aka ya Xifundzha loko va ehleketa ku aka Holo ya Mfumo.

15 min: “Fambisa Buku Leyi Nge Vantshwa.” Vulavurisana ni vayingiseri. Vana ni vahuweleri lava lunghiseleke kahle, va kombisa mhaka leyi nga eka tindzimana 2 na 3. Nakambe, endla nkombiso wo koma wa muhuweleri loko a rhamba n’wini wa muti la tsakelaka leswaku a va kona eXitsundzuxweni ni le nkulumeni yo hlawuleka ya le rivaleni. Endzhaku ka nkombiso wun’wana ni wun’wana, kombela vayingiseri va vula leswi va swi dyondzeke emhakeni ya kona. Khuthaza hinkwavo leswaku va fambisa buku leyi nge Vantshwa n’hweti leyi.

Risimu 225 ni xikhongelo xo pfala.

Vhiki Leri Sungulaka Hi March 14

Risimu 205

10 min: Switiviso swa vandlha. Marungula Ya Swa Mfumo. Kombisa tinhla to karhi eka timagazini ta sweswinyana leti nga tirhisiwaka evutirhelini bya nsimu vhiki leri.

15 min: “Xana U Nga Andzisa Ku Dzunisa Ka Wena Yehovha Hi N’hweti Ya April?” Ku hlanganisa hi swivutiso ni tinhlamulo. Kuma tinhlamuselo ta lava va phayoneke nkarhinyana enkarhini lowu hundzeke. Va byele va hlamusela ndlela leyi va hleleke ha yona leswaku va swi kota ku tirhisa lunghelo leri. Khutaza hinkwavo lava hlelaka ku phayona swa xinkarhana hi April leswaku va tisa swikombelo swa vona hi xihatla.

20 min: “Va Endle Va Titwa Va Amukelekile eXitsundzuxweni.” Ku hlanganisa hi swivutiso ni tinhlamulo. Endzhaku ka ndzimana 3, vana ni nkombiso wo koma wa nandza wa vutirheli loko a amukela munhu lontshwa eXitsundzuxweni. Valanguteri lava ungamelaka va fanele va pfuxeta nxanxamelo wo kambela lowu nga eka Vutirheli Bya Hina Bya Mfumo bya March 1993, tluka 7, ku tiyiseka leswaku malunghiselelo hinkwawo ya Xitsundzuxo ma endliwile.

Risimu 150 ni xikhongelo xo pfala.

Vhiki Leri Sungulaka Hi March 21

Risimu 143

10 min: Switiviso swa vandlha ku katsa ni switiviso swa timali ni marito yo tlangela minyikelo. Vulavula hi bokisi leri nga ni xihloko lexi nge “Swakudya Hi Nkarhi Wa Kona.” Khutaza hinkwavo leswaku va rhamba vanhu lava tsakelaka leswaku va va kona enkulumeni yo hlawuleka leyi nga ta nyikeriwa hi April 10.

15 min: “Va Pfune Leswaku Va Teka Goza Leri Fambisanaka Ni Rungula Ra Mfumo.” Ku vulavurisana. Vana ni minkombiso leyi lunghiseleriweke kahle ya swingheniso leswi nga eka tindzimana 2 na 3.

20 min: “Ku Andza Loku Yaka eMahlweni Ku Engetela Xilaveko Xa Tiholo Ta Mfumo”​—⁠Xiphemu 2. Nkulumo leyi hisaka hi nkulu hi tindzimana 11-21 ta xiengetelo. Kandziyisa xilaveko xa vatinyiketeri lava engetelekeke, naswona u va ni fomo leyi nge Kingdom Hall Volunteer Worker Questionnaire enhlanganweni. Boxa magoza ya khume yo kuma Holo ya Mfumo. Loko nkarhi wu ku pfumelela, katsa mintokoto leyi faneleke leyi fambisanaka ni mintirho yo aka Holo ya Mfumo endhawini ya ka n’wina. Hi kombela leswaku matsalana a hlayisa kopi ya xiengetelo lexi eka fayili ya vandlha ehansi ka nhloko-mhaka leyi nge “Holo ya Mfumo.”

Risimu 121 ni xikhongelo xo pfala.

Vhiki Leri Sungulaka Hi March 28

Risimu 112

15 min: Switiviso swa vandlha. Vulavula u tlhela u kombisa tindlela leti ti nga tirhisiwaka ku nyikela vumbhoni ensin’wini ya ka n’wina hi nyiko ya April. Boxa mintokoto leyi kombisaka ndlela leyi vahuweleri van’wana va kumeke swikhokhelo ha yona laha ku kombisiweke ku tsakela ka xiviri loko va tlhelela. Boxa malunghiselelo ya Siku ro hlawuleka ra Timagazini hi April 9. Xana un’wana ni un’wana u lunghekele ku heta siku hinkwaro eku fambiseni ka timagazini? Vakulu ni malandza ya vutirheli va ta tiyimisela ku rhangela hi ku hiseka emhakeni leyi ni ku pfuna un’wana ni un’wana evandlheni leswaku a hlanganyela. Aka ku hisekela nkulumo yo hlawuleka ya le rivaleni ya April 10. Khutaza hinkwavo evandlheni ku katsa ni lava va tsakelaka leswaku va va kona. Lexi i xiendlakalo xin’wana xo hlawuleka lexi nga ta endleka hi April. Nkulumo leyi yi ta nyikeriwa emisaveni hinkwayo, emavandlheni lama tlulaka 70 000. Xihloko xa yona xi ri “Vukhongeri Bya Ntiyiso Byi Enerisa Swilaveko Swa Vanhu.”

15 min: “Namarhela Ku Huwelela eRivaleni Hi Ntshembo Wa Wena Handle Ko Tsekatseka.” Yi hlanganisiwa hi swivutiso ni tinhlamulo hi mufambisi wa Dyondzo ya Xihondzo xo Rindza. Kuma tinhlamuselo ta lava va hluleke ku chava ku hlamula eminhlanganweni. Kandziyisa xilaveko xa ku lunghiselela ka ha ri emahlweni. Khutaza vandlha ku lunghiselela ku hlanganyela hi ku helela edyondzweni ya vandlha ya Xihondzo xo Rindza ya vhiki rin’wana ni rin’wana.

15 min: Ku Hlayisa Vukala-tlhelo Bya Vukreste. Nkulumo hi nkulu la nga ni ntokoto, leyi sekeriweke eka papila ra June 17, 1993, mayelana ni vukala-tlhelo bya hina. Hi April, nhlawulo wa mani na mani wu ta va kona eAfrika Dzonga. Xana vamakwerhu va ta swi kota ku langutana ni ndzingo lowu lowuntshwa wa vutshembeki bya vona? Moya wa politiki wu ta va wu ri wukulu swinene. Ngopfu-ngopfu ensin’wini ya vantima laha vanhu va nga tolovelangiki ku hlawula naswona laha ku nga ha tirhisiwaka matimba leswaku ku sindzisiwa vamakwerhu leswaku va hlawula. Hi lava ku papalata mphikamakaneta yihi na yihi. I yini lexi hi faneleke ku xi endla? N’hweti hinkwayo ya April, ku katsa na hi April 27 loko swi koteka, hi fanele hi hlanganyela hi ku helela entirhweni wo chumayela. Hi ku tikhoma ka hina ni ku chumayela ka hina erivaleni, vanhu va le ndhawini ya ka hina va ta byi xiya vukala-tlhelo bya hina hi ku helela. Ngopfu-ngopfu vakulu va fanele va tivisiwa hinkwaswo leswaku va ta pfuna ni ku nyika nkongomiso. Khutaza hinkwavo leswaku va titoloveta ni rungula leri kumekaka ebukwini leyi nge Reasoning ehansi ka nhloko-mhaka leyi nge “Neutrality.”

Risimu 15 ni xikhongelo xo pfala.