Minhlangano Ya Ntirho Ya April
Vhiki Leri Sungulaka Hi April 4
Risimu 16
10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Vulavula hi malunghiselelo ya vandlha ya Siku ro hlawuleka ra Timagazini hi Mugqivela, April 9. Pfuxeta tinhla-nkulu tin’wana leti kumekaka epapileni ra February 15, 1994. Khutaza vahuweleri leswaku va teka timagazini ta vona. Tsundzuxa hinkwavo mayelana ni nkulumo yo hlawuleka leyi nga ta nyikeriwa hi April 10. Ku fanele ku endliwa matshalatshala yo hlawuleka ya ku pfuna lava tsakelaka leswaku va va kona.
15 min: “Xihondzo xo Rindza Ni Xalamuka!—I Timagazini Leti Nga Ni Ntiyiso.” Swivutiso ni tinhlamulo. Rhamba vayingiseri leswaku va vula tindlela leti va ti tirhiseke ta ku andzisa ku fambisa ka vona timagazini. Kombela van’wana va vulavula hi mintokoto ya vona loko nkarhi wu ku pfumelela.
20 min: “Fambisa Timagazini Letinene Ku Tlula Hinkwato eMisaveni.” Vulavula hi mhaka leyi ni vayingiseri, u kandziyisa mimpfuno yo hlawuleka ya timagazini leti. Loko mi hlanganisa ndzimana 2, kombela muhuweleri la humelelaka a hlamusela leswaku hi nga swi kotisa ku yini ku tolovelana ni leswi nga endzeni ni ndlela yo lunghiselela rungula. Lunghiselela minkombiso yimbirhi leyi kombisaka ndlela yo fambisa minkandziyiso ya April 1 na April 15. Gimeta hi ku nyikela swiringanyeto eka swihloko leswi nga tirhisiwaka eku fambiseni ka minkandziyiso ya sweswinyana ya Xalamuka!
Risimu 69 ni xikhongelo xo pfala.
Vhiki Leri Sungulaka Hi April 11
Risimu 80
10 min: Switiviso swa vandlha. Vulavula hi tinhla-nkulu ta Bokisi Ra Swivutiso.
15 min: “Nhlangano Wa Ntirho Wu Hi Lulamisela Ntirho Wun’wana Ni Wun’wana Lowunene.” Swivutiso ni tinhlamulo. Katsa nkombiso lowu kombisaka ndlela leyi ndyangu wu lunghiselelaka nhlangano ha yona; kandziyisa nkoka wa (1) ku lunghisela ka ha ri emahlweni, (2) ku yingiserisisa, ni (3) ku va ni xiphemu.
20 min: “Tirhela Yehovha Handle Ko Kavanyetiwa.” Xiengetelo. Swivutiso ni tinhlamulo. Hlanganisa tindzimana 1 ku ya ka 6.
Risimu 90 ni xikhongelo xo pfala.
Vhiki Leri Sungulaka Hi April 18
Risimu 100
10 min: Switiviso swa vandlha. Hlaya xiviko xa timali ku katsa ni marito wahi ni wahi yo tlangela minyikelo lama humaka eka Sosayiti.
15 min: “Landzelela Timagazini Leti U Ti Fambiseke.” Vulavurisana ni vayingiseri. Kombela tinhlamuselo ta leswaku ha yini swi fanela ku tolovelana kahle ni leswi nga endzeni ka timagazini ni ku kambisisa kahle ndlela leyi n’wini wa muti a anguleke ha yona ro sungula ku vona leswaku hi xihi xingheniso lexi nga vaka xinene eka yena. Loko nkarhi wu pfumela, vana ni vahuweleri lava nga ni ntokoto va kombisa rungula leri ringanyetiweke.
20 min: “Tirhela Yehovha Handle Ko Kavanyetiwa.” Xiengetelo. Swivutiso ni tinhlamulo. Hlanganisa tindzimana 7 ku ya ka 12.
Risimu 51 ni xikhongelo xo pfala.
Vhiki Leri Sungulaka Hi April 25
Risimu 70
15 min: Switiviso swa vandlha. Marungula Ya Swa Mfumo. “Mpfuno Wo Hlangavetana Ni Swiphiqo Swa Siku Na Siku.” Khutaza vahuweleri leswaku va hlanganyela hi ku helela entirhweni wa nsimu hi mahelo-vhiki lawa yo hetelela ya April ni ku tiyiseka leswaku va tisa swiviko swa vona eku heleni ka n’hweti. Hi langutele nhlohlorhi leyintshwa ya vahuweleri hi April naswona hi ta tlangela ntirhisano wa n’wina leswaku hi swi kota ku fikelela pakani leyi.
13 min: Ripfumelo. Leyi sekeriweke ebukwini leyi nge Reasoning, matluka 129-32. Mbulavurisano exikarhi ka nkulu ni ntlawa wa vantshwa. Nkulu u vulavula hi nhlamuselo ya ripfumelo, kutani a vutisa ntlawa swivutiso. Ha yini vo tala va ri hava ripfumelo? Xana hi xihi xisekelo xa ripfumelo ra hina? Xana hi nga swi kotisa ku yini ku hlayisa ripfumelo leri tiyeke? Xana hi nga ri kombisisa ku yini ripfumelo ro tano? Nkulu u gimeta hi ku bumabumela ni ku khutaza ntlawa.
17 min: “Vutengi Byi Dzunisa Xikwembu.” Nkulu u vulavula hi xihloko lexi ni vayingiseri. U gimeta hi nkulumo yo koma leyi pfuxetaka xitsundzuxo leyi nga eka Xihondzo xo Rindza xa June 1, 1989, matluka 15-20.
Risimu 75 ni xikhongelo xo pfala.