Switiviso

◼ Minkandziyiso leyi nga ta tirhisiwa hi April na May: Xikhokhelo xa Xihondzo xo Rindza hi munyikelo wa R19,00 eka minkandziyiso leyi humaka kambirhi hi n’hweti. Xikhokhelo xa lembe eka minkandziyiso leyi humaka kan’we hi n’hweti kumbe xikhokhelo xa tin’weti ta tsevu eka minkandziyiso leyi humaka kambirhi hi n’hweti i R9,50. June: Bibele​—⁠I Rito Ra Xikwembu Kumbe I Ra Munhu? hi munyikelo wa R3,00. July: Loko vandlha ri ri ni xibukwana lexi nge “Mahungu Lamanene Ya Mfumo,” xi nga fambisiwa hi munyikelo wa 30 wa tisente. Laha va nga hava xibukwana lexi, ku nga ha fambisiwa tibroxara hi munyikelo wa 90 wa tisente.

◼ Mapapila hinkwawo lama yaka eka Sosayiti ma fanele ma kamberiwa hi matsalana ku tlhela ku va yena a ma rhumelaka. Hi kombela u tiyiseka leswaku adirese ya vandlha yi tsariwile, ku katsa ni nomboro ya poso hala mahlweni etlhelweni ra ximatsi ehenhla kumbe endzhaku ka mvhilopho.

◼ Mavandlha ma fanele ma sungula ku kombela 1994 Yearbook of Jehovah’s Witnesses eka swikombelo swa wona swa tibuku swa April. 1994 Yearbook yi ta kumeka hi Xigriki, Xijarimani, Xinghezi, Xintariyana ni Xiputukezi. Ti-Yearbook i tibuku ta xitoko lexi ringaniseriweke naswona ti ta chajiwa eka akhawunti ya tibuku hi R4,50 yin’we. Maphayona lama nga ni nkarhi wo tlula tin’hweti ta tsevu ma tsarisile ma nga ha kuma kopi ya mahala ivi vandlha ri kombela ku hunguteriwa nxavo. Maphayona ma nga ha kuma tikopi leti engetelekeke hi R3,00 yin’we.

◼ Mavandlha ma fanele ma sungula ku oda tivholumo ta Xinghezi ta Xihondzo xo Rindza na Xalamuka! ta 1993. Tivholumo leti ti ta kumeka hi Xidachi, Xifurwa, Xijarimani, Xinghezi, Xintariyana ni Xiputukezi. Mali yi nga rhumeriwi swin’we ni tioda loko vandlha ra n’wina ri ri ni akhawunti ya tibuku ni Sosayiti. Ti ta chajiwa eka akhawunti ya tibuku ta vandlha. Ku fikela loko tivholumo leti se ti kumeka naswona se ti rhumeriwile, ti ta humelela tanihi “Back Ordered” eka swikomba-nxavo swa vandlha. Mavandlha lama nga ni swikweleti eka tiakhawunti ta wona ma fanele ma rhumela mali ni tioda. Tivholumo i tibuku leti ringaniseriweke naswona ti ta chajiwa R18,00 ha yin’we eka vandlha, vanhu ni maphayona.

◼ Hi kombela leswaku komiti ya ntirho yi xiya leswaku tioda ta nkarhi lowu taka kumbe ku cinca ka tioda ta Vutirheli Bya Hina Bya Mfumo ti fanele ti endliwa hi nhlayo ya ku avanyisa ka mune. Hi ta cinca tioda hinkwato ta sweswi ti va ekusuhi ni nhlayo ya ku avanyisa ka mune. Leswi a swi ti khumbi timagazini, tona ti fanele ti odiwa hi nhlayo ya ku avanyisa ka ntlhanu.