Minhlangano Ya Ntirho Ya July
Vhiki Leri Sungulaka Hi July 4
Risimu 141
10 min: Switiviso swa vandlha ni Switiviso leswi humaka eka Vutirheli Bya Hina Bya Mfumo leswi tirhaka kwalaho. Vula loko vandlha ri ri ni xibukwana lexi nge “Mahungu Lamanene” exitokweni; khutaza vahuweleri leswaku va tikumela xona, va ta xi tirhisa ensin’wini. Loko vandlha ri nga ri na xibukwana lexi, ringanyeta tibroxara leti nga tirhisiwaka.
17 min: “Ku Nghena Yindlu Na Yindlu Handle Ko Karhala.” Swivutiso ni tinhlamulo. Kombela marito yo tlangela lama humaka eka vayingiseri van’wana lava ku hlanganiweke na vona ro sungula entirhweni wa yindlu na yindlu.
18 min: “Pfuna Van’wana Va Dyondza Ntiyiso.” Bula ni vayingiseri. Hlela leswaku vahuweleri lava nga ni ntokoto va endla nkombiso wun’we kumbe mimbirhi ya marungula lama ringanyetiweke. Kandziyisa mpfuno wa mhaka yo koma, yo olova.
Risimu 120 ni xikhongelo xo pfala.
Vhiki Leri Sungulaka Hi July 11
Risimu 115
15 min: Switiviso swa vandlha. Hlaya swiviko swa timali ni marito ya Sosayiti yo tlangela minyikelo. Bumabumela minyikelo. (Eks. 35:29) Bula hi malunghiselelo yo hetelela ya nsimu leyi nga aviwangiki. Tirhisa tinhla leti fanelekaka ta xiengetelo xa papila ra May 1, 1994. Khutaza mindyangu hinkwayo ku katsa ni maphayona hi ku hiseka leswaku va hlanganyela eka tsima leri. Emavandlheni lama nga swi kotiki ku tirha nsimu leyi nga aviwangiki, burisanani ni van’wana va vahuweleri lavatsongo lava nga ni mintokoto ya le nsin’wini kumbe ya le xikolweni leyi kombisaka ndlela leyi vutirheli byi humelelaka ha yona.
15 min: Swilaveko swa vandlha. Kumbe nkulu la nga ni ntokoto a nyikele nkulumo hi xihloko lexi nge “Fambela Ekule Loko Ku Ri Ni Khombo,” eka Xihondzo xo Rindza xa February 15, 1994, matluka 22-5.
15 min: “Xana Va Ta Swi Twisa Ku Yini Loko Hi Nga Tlheleli?” Bula ni vayingiseri. Endla nkombiso wa tindzimana 2 na 4. Nyikela tinhlamuselo leti engetelekeke leti kombaka mhaka leyi ha yona hi faneleke hi endla maendzo yo vuyela hi ri ni pakani yo sungula tidyondzo.
Risimu 123 ni xikhongelo xo pfala.
Vhiki Leri Sungulaka Hi July 18
Risimu 125
15 min: Switiviso swa vandlha. Pfuxeta tinhla-nkulu ta xihloko lexi nge “Nongonoko Lowuntshwa Wa Nhlengeletano Ya Xifundzha.” Vula masiku ya nhlengeletano leyi landzelaka ya xifundzha loko ma ri kona. Boxa malunghiselelo ya ntirho wa nsimu hi mahelo-vhiki ivi u nyika xikhutazo xo hlanganyela eku fambiseni ka timagazini.
8 min: Bokisi Ra Swivutiso. Bulo ra swivutiso ni tinhlamulo.
22 min: “Ku Kuma Lava Tsakelaka Hi Ku Nyikela Vumbhoni Bya Le Xitarateni Lebyi Humelelaka.” Mulanguteri wa ntirho kumbe nkulu un’wana la humelelaka eku nyikeleni ka vumbhoni bya le xitarateni u vulavula hi xihloko lexi ni vahuweleri vambirhi kumbe vanharhu lava na vona va nga ni ntokoto eku nyikeleni ka vumbhoni bya le xitarateni. Bulo ri nga ha katsa mintokoto yimbirhi kumbe yinharhu. Endla nkombiso wa swingheniso swa timagazini ta sweswinyana.
Risimu 134 ni xikhongelo xo pfala.
Vhiki Leri Sungulaka Hi July 25
Risimu 140
10 min: Switiviso swa vandlha. Marungula Ya Swa Mfumo. Xana hi nga tekelela vamakwerhu va le Japani hi ku fikelela nhlohlorhi leyintshwa ya vahuweleri n’hweti yin’wana ni yin’wana? Endla nkombiso wo fambisa timagazini ta sweswinyana. Khutaza hinkwavo leswaku va hlanganyela hi xitalo entirhweni wa nsimu ni ku vika hi xihatla.
15 min: “Lavatsongo Va Lava Xikombiso Lexinene.” Swivutiso ni tinhlamulo. Burisana ni n’wana un’we kumbe vambirhi lava nga xikombiso lexinene. Va kombele va hlamusela tipakani ta vona ta moya leti va tivekeleke tona ni ndlela leyi ha yona matshalatshala ya vona ma va tiseleke minkateko leyi engetelekeke.
20 min: Ku Antswisa Ku Humelela Ka Marungula Ya Hina. Ndyangu wu titoloveta marungula, hi ku tirhisa swiringanyeto leswi nga eka Buku Yo Letela Ya Xikolo, tluka 99, ndzimana 9. Xirho xin’we xa ndyangu xi nyikela rungula, ivi van’wana va nyikela swibumabumelo ni swiringanyeto swo antswisa. Katsa ni nkaneto lowu tolovelekeke lowu mi hlangavetanaka na wona endhawini ya ka n’wina, ivi u vula ni ndlela yo wu hlula.
Risimu 187 ni xikhongelo xo pfala.