Minhlangano Ya Ntirho Ya August
Vhiki Leri Sungulaka Hi August 1
Risimu 159
15 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kombisa tinhla leti tirhaka leti nga tirhisiwaka eku fambiseni ka timagazini ta sweswinyana entirhweni wa nsimu mahelo-vhiki lawa. Leyi i n’hweti yo hetelela ya lembe ra ntirho, kutani khutaza hinkwavo ku tirha hi matimba entirhweni wa nsimu mahelo-vhiki man’wana ni man’wana.
15 min: “Tshama U Ri Ni Langutelo Lerinene.” Swivutiso ni tinhlamulo. Hi ku komisa burisana na phayona kumbe muhuweleri wa nkarhi wo leha la nga ta rungula ndlela leyi swi kotekeke ha yona ku hlayisa langutelo lerinene ku nga khathariseki rivengo kumbe ku kanetiwa ensin’wini.
15 min: “Tibroxara—I Switirho Swa Nkoka eVutirhelini.” Bula ni vayingiseri. Vana ni minkombiso mimbirhi leyi lunghiseleriweke kahle ya mafambiselo ya nyiko lama ringanyetiweke, u tlhela u boxa ni minyikelo ya ntirho wa misava hinkwayo. Kombisa tibroxara tin’wana leti nga ta fambisiwa hi August. Tsundzuxa vandlha leswaku ri tikumela tikopi ta rona to ti tirhisa ensin’wini vhiki leri.
Risimu 142 ni xikhongelo xo pfala.
Vhiki Leri Sungulaka Hi August 8
Risimu 216
10 min: Switiviso swa vandlha.
15 min: “Tivana Kahle Ni Vamakwenu.” Swivutiso ni tinhlamulo. Rhamba vayingiseri leswaku va rungula mintokoto hi ku komisa va kombisa ndlela leyi va swi koteke ha yona ku tolovelana ku antswa ni van’wana hi ku tirhisa swiringanyeto leswi nga eka ndzimana 6.
20 min: Ku Nyikela Vumbhoni Bya Xitshuketa Hi Mpimo Lowu Engetelekeke. Ntlawa wa vahuweleri vanharhu kumbe mune va burisana hi ndlela yo ndlandlamuxa ku hlanganyela ka vona entirhweni lowu. Hi ku tirhisa Xihondzo xo Rindza xa October 15, 1987, matluka 22-7, va pfuxeta leswi van’wana va swi endleke, naswona va vulavula hi ndlela leyi va kunguhataka ku endla leswi engetelekeke eka ntirho wa muxaka lowu. Mutshama-xitulu u khutaza vayingiseri leswaku va vona ndlela leyi va nga hlanganyelaka ha yona eka xiphemu lexi xa ntirho.
Risimu 182 ni xikhongelo xo pfala.
Vhiki Leri Sungulaka Hi August 15
Risimu 166
5 min: Switiviso swa vandlha, kun’we ni xiviko xa timali ni ku tlangela minyikelo.
15 min: “Ku Hlakulela Ku Tsakela Eka Maendzo Yo Vuyela.” Bula ni vayingiseri. Katsa ni minkombiso yimbirhi ya timinete tinharhu ha un’we u kombisa ndlela leyi marungula lawa ma nga tirhisiwaka ha yona ku endla maendzo yo vuyela. Khutaza matshalatshala yo sungula tidyondzo ta Bibele.
25 min: “Hambetani Mi Famba Hi Mukhuva Lowu Hlelekeke.” Swivutiso ni tinhlamulo.
Risimu 96 ni xikhongelo xo pfala.
Vhiki Leri Sungulaka Hi August 22
Risimu 218
15 min: Switiviso swa vandlha ni “Nongonoko Lowuntshwa Wa Siku Ra Nhlengeletano Yo Hlawuleka.” Loko ri tiveka, tivisa siku ra nhlengeletano ya siku rin’we ro hlawuleka leyi landzelaka, ni ku khutaza hinkwavo leswaku va endla makungu yo va kona.
15 min: Ndzi Nga Tshinelerisa Ku Yini Ekusuhi Na Xikwembu Ke? Nkombiso wa dyondzo ya ndyangu. Vatswari va burisana ni vana va kondlo-a-ndzi-dyi hi ndzima 39 ya buku leyi nge Vantshwa Va Vutisa. Hlanganisani xihlokwana lexi nge “Ku Twarisa Vunghana Bya Wena Ni Xikwembu eRivaleni,” matluka 315-18. Vana va vula leswaku va khoma hi tingana loko va famba hi yindlu ni yindlu naswona va hlamusela minhlangano yi ri leyi phindha-phindhiwaka ngopfu ni ku va yi landzelelana ngopfu. Vatswari va kombisana na vona hi ndlela ya musa, va kombisa hi misinya ya milawu ya Matsalwa leyi kombaka leswaku minhlangano leyi i ya nkoka loko va lava ku hlayisa vuxaka lebyinene na Yehovha.
15 min: Swilaveko swa vandlha. Kumbe u nyikela nkulumo ya xihloko lexi nge “Ku Khomeka Swinene Hi Mahungu Lamanene” eka Xihondzo xo Rindza xa July 1, 1991, matluka 28-30.
Risimu 184 ni xikhongelo xo pfala.
Vhiki Leri Sungulaka Hi August 29
Risimu 199
15 min: Switiviso swa vandlha. Vika nhluvuko lowu endliweke malunghana ni nsimu leyi nga aviwangiki. Tivisa vandlha hi malunghiselelo ya September, u tlhela u khutaza hinkwavo leswaku va ma seketela. Vulavurisana ni muhuweleri un’we kumbe vambirhi lava nga ni mintokoto yo yi hlamusela. Mavandlha lama nga swi kotiki ku tirha nsimu leyi nga aviwangiki ma nga khutaza leswaku ku hlanganisiwa nsimu ya wona hi ku helela. Ma nga ha tlhela ma bula hi tinhla ta mulanguteri wa xifundzha, ta riendzo rakwe leri hundzeke. Matsalana ni vafambisi va tidyondzo ta buku va fanele ku kambisisa leswaku ku tisiwa swiviko hinkwaswo leswi xiyekaka swa ntirho wa nsimu wa lembe ra ntirho ra 1994. Tsundzuxa vahuweleri leswaku va vika ntirho wa vona wa nsimu wa August hi ku hatlisa.
15 min: “Xana U Nga Tlhela U Nghenela Ntirho Wa Vuphayona?” Bula ni vayingiseri. Katsa ni mintokoto yihi na yihi evandlheni leyi kombisaka ndlela leyi un’wana a koteke ku tlhela a nghenela ntirho wa vuphayona kumbe ndlela leyi ndyangu wu tirhisaneke ha yona ku pfuna xirho xa wona leswaku xi tirhisa lunghelo leri.
15 min: Fambisa Buku Leyi Nge Hanya Hi Masiku Hi September. Khutaza ku hisekela ku fambisa buku leyi ni ku sungula tidyondzo hi September. Yi humesiwe hi 1982 naswona ku sukela kwalaho yi ve xitirho lexikulu xo fambisa tidyondzo ta Bibele. Tikopi leti humesiweke emintsombanweni ya muganga a ti ri ni rungula leri: “Buku leyi leyintshwa yo dyondza ha yona yi na leswi swi lavekaka ku pfuna vanhu vo tala leswaku va kuma ntshembo lowu fanaka na wa hina. . . . Yi ni mintiyiso hinkwayo ya Bibele leyi nga ya nkoka leyi lava ha ku sungulaka ku hlanganyela va faneleke ku yi twisisa leswaku va ta nyiketela vutomi bya vona eka Yehovha, va ta n’wi tirhela hi ndlela leyi amukelekaka.” Vuyelo byi kombisiwe hi ku andza ka vahuweleri ku sukela eka 2 652 323 hi 1983 ku ya eka 4 709-889 hi 1993. Kombela vahuweleri leswaku va rungula ndlela leyi va dyondzeke ntiyiso ha yona hi ku dyondza buku leyi kumbe ndlela leyi va pfuneke van’wana hi ku yi dyondza swin’we na vona. Loko nkarhi wu pfumela, kombisa swiyenge swin’wana swa buku leswi nga ha tirhisiwaka eku yi fambiseni, naswona u tsundzuxa vahuweleri ku tivisa vini va mindyangu hi lunghelo leri va nga na rona ra ku nyikela munyikelo lowutsongo entirhweni wa misava hinkwayo.
Risimu 161 ni xikhongelo xo pfala.