Minhlangano Ya Ntirho Ya September

Vhiki Leri Sungulaka Hi September 5

Risimu 5

10 min: Switiviso swa vandlha ni Switiviso leswi faneleke leswi humaka eka Vutirheli Bya Hina Bya Mfumo.

20 min: “Andzisa Rifuwo Ra Wena Ra Ntirho Wa Mfumo.” Mulanguteri wa ntirho ni nkulu un’wana va burisana hi tinhla-nkulu ta xihloko. Hlamusela ntirho wa vandlha wa lembe leri hundzeke, u bumabumela ni ku nyika swiringanyeto swo antswisa. Kandziyisa pakani yo andzisa ku hlanganyela ka munhu hi xiyexe evutirhelini.

15 min: “Hlakulela Ku Tsakela eBukwini Leyi Nge Hanya Hi Masiku.” Vahuweleri vanharhu kumbe mune, kun’we na muntshwa, va burisana hi xihloko ivi va titoloveta leswi xi vulavulaka ha swona. Va endla nkombiso wa marungula mambirhi kumbe manharhu kutani va tlhela va bula ha wona, va nyikana swiringanyeto ni swibumabumelo.

Risimu 32 ni xikhongelo xo pfala.

Vhiki Leri Sungulaka Hi September 12

Risimu 54

7 min: Switiviso swa vandlha. Marungula Ya Swa Mfumo.

20 min: Mahanyelo Ya Vakreste eXikolweni. Bulo hi nkulu ni vana vanharhu kumbe mune va kondlo-a-ndzi-dyi. Exikolweni, vantshwa va hina va hlaseriwa hi mintshikilelo yo hambana-hambana leswaku va landzula ku xixima ka vona minsinya ya milawu ya Bibele. Yo tala ya yona yi huma eka swilo leswi nga dyondziwiki etlilasini. Mintlangu, ku hungasa ni swinkhubyana swa ku titsakisa swi vanga khombo. Nkulu u burisana ni vana va kondlo-a-ndzi-dyi hi xihloko lexi nge “Swilo Leswi Endliwaka Ehandle Ka Tlilasi,” a tirhisa broxara leyi nge School matluka 22-⁠5. Vantshwa va hlamula va kombisa leswaku va langutana ni mintshikilelo yo hlanganyela eswilweni leswi, hikwalaho va tlangela xitsundzuxo lexi nyikeriweke.

18 min: “A Va Tshikanga Ku Nyikela Vumbhoni.” Swivutiso ni tinhlamulo. Kombisa leswaku hambi leswi hinkwerhu ka hina hi nga ta ka hi nga swi koti ku heta nkarhi wo fana evutirhelini, hi fanele ku kuma ntsako ni ku lwela ku byi endla hi mbilu hinkwayo.

Risimu 60 ni xikhongelo xo pfala.

Vhiki Leri Sungulaka Hi September 19

Risimu 36

10 min: Switiviso swa vandlha. Hlaya xiviko xa timali ni marito wahi ni wahi yo tlangela minyikelo.

10 min: Bokisi Ra Swivutiso. Bulo ra swivutiso ni tinhlamulo.

10 min: “Vhidiyo Leyi Nge The Bible​—⁠Mankind’s Oldest Modern Book.” Yi hlanganisiwa hi swivutiso ni tinhlamulo.

15 min: “Ku Sungula Tidyondzo Ta Bibele Hi Buku Leyi Nge Hanya Hi Masiku.” Bula ni vayingiseri. Lunghiselela minkombiso mimbirhi hi ku tirhisa marungula lama kombisiweke.

Risimu 67 ni xikhongelo xo pfala.

Vhiki Leri Sungulaka Hi September 26

Risimu 44

10 min: Switiviso swa vandlha. Kombisa malunghiselelo ya nsimu leyi nga aviwangiki ni ku khutaza ku hlanganyela hi xitalo en’hwetini yo hetelela ya tsima. Kombela vayingiseri leswaku va rungula mintokoto leyi va yi kumeke ensin’wini leyi nga aviwangiki hi ku komisa, eku fambiseni ka buku leyi nge Hanya Hi Masiku kumbe ku sungula tidyondzo hi ku tirhisa yona.

20 min: “Ku Andza Ku Ya eMahlweni eBethele.” Bulo ra swivutiso ni tinhlamulo ra xiengetelo leri faneleke ku tameriwa hi nkulu la nga ni ntokoto. Kombisa tinhla leti tsakisaka ta swifaniso leswi nga ematlukeni ya le xikarhi. Tivisa vayingiseri hi leswi vandlha ri swi endlaka ku seketela nongonoko wa ku andza ka le Bethele.

15 min: Ku Fambisa Xihondzo xo Rindza ni Xalamuka! hi October. Timagazini ta hina ti hetisisa xiphemu lexikulu entirhweni wo chumayela wa misava hinkwayo; ti ve ndlela leyi vanhu va timiliyoni va tweke ntiyiso ha yona ro sungula. Kandziyisa nkoka wa ku hambeta hi ti tirhisa ni ku ti fambisa hi yindlu ni yindlu hambi loko ku fambisiwa tibuku tin’wana. Boxa mimpfuno ya Siku ra Timagazini ra vhiki na vhiki. Kombisa ndlela leyi ntirho wa le xitarateni ni ku veka vumbhoni eswitolo wu pfulaka minkarhi yo tala yo ti fambisa. Tsundzuxa vamakwerhu ku hlayisa tirhekhodo ta leti va ti fambisaka, va va ni pakani yo sungula ntila wa timagazini. Fambisani swikhokhelo nkarhi na nkarhi. Tsundzuxa vamakwerhu hi minxavo mimbirhi, wun’wana wu ri wa poso ni wun’wana wa Ntlawa. Kandziyisa nkoka wa ku lunghiselela kahle u nga si famba. Vana ni vahuweleri vanharhu, un’wana wa vona a ri muntshwa, va kombisa ndlela yo fambisa timagazini hi ku komisa.

Risimu 76 ni xikhongelo xo pfala.