Minhlangano Ya Ntirho Ya October
Vhiki Leri Sungulaka Hi October 3
Risimu 203
10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo.
17 min: “Lowu Hi Wona Nkarhi.” Swivutiso ni tinhlamulo. Katsa ni tinhlamuselo ta xihlokwana lexi nge “Landzelela Tipakani Ta Moya” eka matluka 4 na 5 ya Vutirheli Bya Hina Bya Mfumo bya November 1993.
18 min: “Xalamukela Timagazini Hi October.” Bula ni vayingiseri. Vana ni minkombiso mimbirhi leyi lunghiseleriweke kahle leyi kombisaka ndlela yo sungula mabulo hi ku tirhisa timagazini. Kandziyisa nkoka wa ku fambisa swikhokhelo emutini wun’wana ni wun’wana. Laha xikhokhelo xi ariwaka, fambisa timagazini timbirhi hi xikongomelo xo sungula ni ku hlayisa ntila wa timagazini.
Risimu 212 ni xikhongelo xo pfala.
Vhiki Leri Sungulaka Hi October 10
Risimu 104
10 min: Switiviso swa vandlha. Xiviko xa timali ni marito yo tlangela minyikelo.
20 min: “Vatswari—Pfunani!” Nkulumo hi nkulu leyi sekeriweke eka swihloko swinharhu swo sungula swa Xalamuka! ya August 8, 1994. Endla leswaku mhaka yi tirha endhawini ya ka n’wina. Vulavurisana ni mutswari hi ku komisa loyi a nga ha vaka a ri ni ntokoto wo vulavula ni vadyondzisi kumbe tinhloko ta swikolo. Kandziyisa ndlela leyi vatswari va nga pfunaka vana va vona ha yona.
15 min: Swilaveko swa vandlha. Kumbe nkulu a nyikela nkulumo leyi nga ni xihloko lexi nge “Xana U Nga Swi Kota Ku Lehisa Mbilu?” eka Xihondzo xo Rindza xa May 15, 1994, matluka 21-3.
Risimu 108 ni xikhongelo xo pfala.
Vhiki Leri Sungulaka Hi October 17
Risimu 194
10 min: Switiviso swa vandlha. Marungula Ya Swa Mfumo.
20 min: “Ntsombano Wa Muganga Wa ‘Ku Xixima Xikwembu’ Wa 1994.” Xiengetelo. Nkulumo ya swivutiso ni tinhlamulo eka tindzimana 1-11, yi tameriwa hi nkulu. Yisa nyingiso lowukulu eka “Switsundzuxo Swa Ntsombano Wa Muganga.” Gimeta bulo hi ku pfuxeta tinhla-nkulu ni vayingiseri. Khutaza hinkwavo leswaku va va eswitulwini swa vona ka ha ri ni nkarhi naswona va tshama ehansi nongonoko hinkwawo. Kandziyisa xilaveko xo tirhisa leswi hi swi dyondzeke.
15 min: “Pfuna Lava Kombisaka Ku Tsakela Hi Rirhandzu.” Bula ni vayingiseri. Lunghiselela minkombiso mimbirhi hi ku tirhisa tinhlamuselo leti ringanyetiweke. Hlamusela leswi katsekaka eku sunguleni ka ntila wa timagazini, lowu hi ku famba ka nkarhi wu nga ha hundzukaka dyondzo ya Bibele leyi vekaka mihandzu.
Risimu 156 ni xikhongelo xo pfala.
Vhiki Leri Sungulaka Hi October 24
Risimu 141
12 min: Switiviso swa vandlha. Bula hi xihloko lexi nge “Hi Ta Tlhela Hi Dyondza Buku Leyi Nge Ku Chaputa Ka Nhlavutelo.” Tsundzuxa hinkwavo nkoka wa ku yi dyondza ka ha ri emahlweni ni ku hlanganyela nkarhi na nkarhi.
15 min: Xana U Ni Odara Leyi Hlelekeke? Timagazini ta Xihondzo xo Rindza ni Xalamuka! i swipfuneto leswikulu eku hangalaseni ka rungula ra Mfumo. Hi fanele ku ti fambisa nkarhi na nkarhi. Vutirheli Bya Hina Bya Mfumo bya Xinghezi bya May 1984 byi bumabumele leswaku muhuweleri un’wana ni un’wana a va ni “odara ya timagazini leyi tiyeke . . . ya nhlayo yo karhi ya tikopi ta nkandziyiso wun’wana ni wun’wana.” Handle ka swona hi ta kuma leswaku a hi na minkandziyiso leyi nga enkarhini yo yi fambisa kutani hi boheka ku tshembela eka swiphephana ni tibroxara. Swi ta va swinene ku va xirho xin’wana ni xin’wana xa ndyangu xi va ni odara leyi hlelekeke. Nghenisa odara ekhawuntarini ya timagazini. Tiyiseka leswaku u teka timagazini ta wena vhiki na vhiki. Boxa mimbuyelo leyi tisiwaka hi ku va ni odara leyi hlelekeke.
18 min: “Ntsombano Wa Muganga Wa ‘Ku Xixima Xikwembu’ Wa 1994.” Xiengetelo. Nkulumo leyi sekeriweke eka tindzimana 12-24, leyi tameriwaka hi matsalana wa vandlha. Gimeta hi ku pfuxeta tinhla-nkulu. Kandziyisa xilaveko xa ku va hinkwavo va tikhoma hi ndlela leyi faneleke. Tsundzuxa lava lavaka byetlelo leswaku va endla xikombelo.
Risimu 171 ni xikhongelo xo pfala.
Vhiki Leri Sungulaka Hi October 31
Risimu 169
12 min: Switiviso swa vandlha. Tanihi leswi tiholideyi ta misava ta November na December ti tshinelaka, khutaza hinkwavo leswaku va ehleketa hi ku nghenela vuphayona bya nkarhinyana. Nyika swiringanyeto swa ndlela leyi hi nga ha kumaka nkarhi lowu eneleke wo byi endla ha yona. Rungula mintokoto yin’wana leyinene leyi kumiweke etsimeni ra nsimu leyi nga aviwangiki.
18 min: “Lavani Mfumo Wa Xikwembu Ku Sungula—Hi Ku Nyikela Magandzelo Yo Dzunisa Nkarhi Hinkwawo.” Swivutiso ni tinhlamulo. Boxa tipakani leti vuyerisaka leti hi nga ha ti lwelaka hi hexe. Bula hi tindlela leti hi nga ha kotaka ku pfuna van’wana leswaku va endla leswi engetelekeke ha tona.
15 min: Fambisani buku leyi nge Bibele—I Rito Ra Xikwembu Kumbe I Ra Munhu? hi November. Tanihi leswi vanhu vo tala va nga ni Bibele, hi lava ku va komba nkoka wa ku yi hlaya. Kombetela ebukwini leyi nge Reasoning (tluka 59, xihlokwana lexi nge “Vuprofeta bya Bibele byi hlamusela leswi swiendlakalo swa misava swi vulaka swona”) kutani u hlamusela ndlela leyi u nga ha sungulaka ha yona bulo ra Matsalwa leri sekeriweke eka Yohane 17:3 na Pisalema 37:10, 11, 29. Hlela ku va ni muhuweleri la nga ni vuswikoti leswaku a kombisa ndlela leyi buku leyi nge Bibele—I Rito Ra Xikwembu Kumbe I Ra Munhu? yi nga fambisiwaka ha yona ensin’wini ya ka n’wina.
Risimu 136 ni xikhongelo xo pfala.
Yi ya emahlweni eka tluka 11
Mihlangano (yi sukela eka tluka 2)