Minhlangano Ya Ntirho Ya December
XIYA: Vutirheli Bya Hina Bya Mfumo byi ta kombisa xiyimiso xa Nhlangano wa Ntirho wa vhiki rin’wana ni rin’wana hi December. Mavandlha ma nga ha cinca hi laha swi fanelaka ha kona leswaku ma kota ku ya eNtsombanweni wa Muganga wa “Ku Xixima Xikwembu” ivi ku va ni mpfuxeto wa 30 wa timinete wa tinhla-nkulu ta nongonoko vhiki leri landzelaka. Mpfuxeto wa siku rin’wana ni rin’wana ra nongonoko wa ntsombano wa muganga wu fanele ku averiwa vamakwerhu vambirhi kumbe vanharhu lava fanelekaka, ka ha ri ni nkarhi, lava nga ta kota ku hlawula tinhla-nkulu. Mpfuxeto lowu wu lunghiseleriweke kahle wu ta pfuna vandlha leswaku ri tsundzuka tinhla-nkulu, ri ti tirhisa hi munhu hi xiyexe ni ku ti tirhisa ensin’wini. Tinhlamuselo ta vayingiseri ni mintokoto leyi runguriwaka swi fanele swi koma, ni ku ba nhloko ya mhaka.
Vhiki Leri Sungulaka Hi December 5
Risimu 68
12 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kombisa xihloko xin’we kumbe swimbirhi leswi kokaka nyingiso leswi nga tirhisiwaka loko ku fambisiwa timagazini ta sweswinyana. Vana ni muhuweleri la nga ni vuswikoti a kombisa ndlela yo ti fambisa, a tirhisa xin’wana xa swihloko swa tona. Tsundzuxa hinkwavo evandlheni hi xilaveko xo hlanganyela evutirhelini eku sunguleni ka December ni ku vona leswaku va yisa swiviko swa vona va nga si ya eku wiseni kumbe entsombanweni. Vafambisi va dyondzo ya buku va fanele ku tsundzuxa hinkwavo lava nga entlaweni wa vona hi mhaka leyi.
15 min: “Ntila Lowu Faneleke Ku Landzeleriwa Swinene.” Swivutiso ni tinhlamulo.
18 min: “Rhamba Van’wana Leswaku Va Landzelela Nghwazi.” Bula ni vayingiseri. Lunghiselela minkombiso mimbirhi yo koma. Kandziyisa xilaveko xa ku hlayisa tirhekhodo leti kongomeke ta yindlu ni yindlu; hlamusela leswi faneleke ku tsariwa hi ku komisa.
Risimu 153 ni xikhongelo xo pfala.
Vhiki Leri Sungulaka Hi December 12
Risimu 86
13 min: Switiviso swa vandlha ni Marungula Ya Swa Mfumo. Xiviko xa timali, ni marito yo tlangela minyikelo. Nyikela swiringanyeto malunghana ni ndlela yo hlamula maxewetelo ya tiholideyi ta misava.—Vona Vutirheli Bya Hina Bya Mfumo bya December 1990, tluka 6.
14 min: “Tshama U Ri Karhi U Xiyisisa Ku Dyondzisa Ka Wena.” Nkulumo hi mulanguteri wa xikolo. Hlamusela swiletelo leswi nga eka “Xiyimiso Xa Xikolo Xa Vutirheli Bya Le Tilweni Xa 1995,” u kombisa switsundzuxo swihi na swihi ngopfu-ngopfu leswi tirhaka evandlheni.
18 min: “Tlangela Yindlu Ya Xikwembu.” Swivutiso ni tinhlamulo. Endla nhlamuselo leyi engetelekeke malunghana ni xilaveko xo fika hi nkarhi eminhlanganweni.—Vona Xihondzo xo Rindza xa June 15, 1990, matluka 26-9.
Risimu 99 ni xikhongelo xo pfala.
Vhiki Leri Sungulaka Hi December 19
Risimu 78
10 min: Switiviso swa vandlha. Hlamusela malunghiselelo ya vandlha ya ntirho wa nsimu wa tiholideyi leti taka. Ringanyeta tindlela to fambisa timagazini ta sweswinyana ensin’wini ya ka n’wina.
20 min: “Nyikela Nyingiso eRitweni Ra Vuprofeta.” Xiengetelo. Swivutiso ni tinhlamulo eka tindzimana 1-8, yi fanele ku tameriwa hi nkulu. Hlamusela matirhelo ya matsalwa lama kombisiweke.
15 min: “Va Khutaze Leswaku Va Va Valandzeri Va Yena.” Bula ni vayingiseri. Vana ni minkombiso mimbirhi yo koma. Khutaza hinkwavo leswaku va tirhisa nkarhi wun’wana wa ntirho wa nsimu vhiki rin’wana ni rin’wana leswaku va endla maendzo yo vuyela.
Risimu 22 ni xikhongelo xo pfala.
Vhiki Leri Sungulaka Hi December 26
Risimu 74
5 min: Switiviso swa vandlha. Bula hi xihloko lexi nge “Xana Nkarhi Wa Minhlangano Ya N’wina Wu Ta Cinca?” loko xi tirha evandlheni ra ka n’wina.
20 min: “Nyikela Nyingiso eRitweni Ra Vuprofeta.” Xiengetelo. Swivutiso ni tinhlamulo eka tindzimana 9-13, yi fanele ku tameriwa hi nkulu. Kandziyisa ntikelo wo lunghiselela, ku va kona nkarhi na nkarhi ni ku hlamula eDyondzweni ya Buku ya Vandlha. Kombisa ku tlangela ndzetelo wa moya, lowu lavekaka leswaku wu hi letela emasikwini lawa ya makumu.
10 min: Swilaveko swa vandlha. Kumbe ku nyikeriwa nkulumo hi xihloko lexi nge “Xana Wa N’wi Pfuna N’wana Wa Wena Leswaku A Hlawula Yehovha?” eka Xihondzo xo Rindza xa October 1, 1994, matluka 26-30.
10 min: Lunghiselela nyiko ya January. Buku leyi nga ta fambisiwa yi ta va yihi na yihi ya matluka ya 192 leyi humesiweke emahlweni ka 1980 leyi vandlha ri nga na yona exitokweni. Tivisa vandlha hi buku leyi nga kona leyi nga ta fambisiwa. Lunghiselela rungula leri nga tirhisiwaka loko ku fambisiwa buku ya kona. Tindlela to endla minkombiso ti nga kumeka ebukwini leyi nge Reasoning, matluka 9-15. Vana ni muhuweleri la nga ni vuswikoti leswaku a nyikela rungula.
Risimu 94 ni xikhongelo xo pfala.