MINHLANGANO YA NTIRHO YA JULY

Vhiki Leri Sungulaka Hi July 3

Risimu 194

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Tsundzuxa vahuweleri leswaku va vika ntirho wa vona wa nsimu wa June hi ku hatlisa. Matsalana ni vafambisi va buku va fanele ku tiyiseka leswaku swiviko hinkwaswo leswi xiyekaka swa ntirho wa nsimu wa tin’hweti leti hundzeke swa tisiwa.

17 min: “Mi Hiteka.” Swivutiso ni tinhlamulo.

18 min: “Tirhisa Tibroxara To Hambana-hambana eVutirhelini Bya Wena.” Bula ni vayingiseri hi swingheniso leswi ringanyetiweke. Hlamusela swiyenge leswi tsakisaka swa tibroxara hi ku komisa. Vana ni minkombiso mimbirhi kumbe minharhu leyi kombisaka ndlela leyi ti nga ta fambisiwa ha yona.

Risimu 213 ni xikhongelo xo pfala.

Vhiki Leri Sungulaka Hi July 10

Risimu 110

15 min: Switiviso swa vandlha. Xiviko xa timali. Hlamusela malunghiselelo yo hetelela ya nsimu leyi nga aviwangiki. Tirhisa tinhla leti tirhaka leti humaka eka xiengetelo xa papila ra May 12, 1995. Khutaza ndyangu hinkwawo hi rirhandzu kun’we ni maphayona leswaku va hlanganyela ni ku tsakela tsima leri. Laha mavandlha ma nga swi kotiki ku tirha ensin’wini leyi nga aviwangiki, burisana ni vahuweleri van’wana lava nga ni mintokoto leyi humaka eka tsima ra xiphephana ra sweswinyana.

15 min: “Xana Switsundzuxo Swa Yehovha Swa Hi Pfuxa eMoyeni?” Swivutiso ni tinhlamulo.

15 min: Tilunghiselele Ku Chavelela Lava Rilaka (nkulumo leyi sekeriweke ebukwini leyi nge Reasoning matluka 102-⁠4). (3 min.) Makwerhu loyi a nyikelaka nkulumo leyi u kombisa leswaku Timbhoni ta Yehovha a ti yi ali hinkwayo mikhuva leyi fambisanaka ni rifu. (5 min.) Kombisa ndlela leyi Mbhoni yi nga hlamuselaka mutirhi-kulobye xivangelo lexi endlaka Timbhoni ta Yehovha ti papalata mikhuva ya ndhavuko yo rila mufi, yi sekela bulo leri ebukwini leyi nge Reasoning, matluka 102-⁠3. (7 min.) Bula ni vayingiseri hi xiphemu lexi nga ehansi ka “Loko Munhu A Ku​—⁠” eka matluka 103-⁠4.

Risimu 154 ni xikhongelo xo pfala.

Vhiki Leri Sungulaka Hi July 17

Risimu 192

10 min: Switiviso swa vandlha.

20 min: “Endla Maendzo Yo Vuyela Hinkwako Laha U Fambiseke Tibroxara.” Makwerhu loyi a averiweke nkulumo leyi u ta burisana ni vahuweleri van’wana vanharhu, leswaku hikwalaho ka yini swi ri swa nkoka ku landzela ku tsakela hinkwako loku kombisiweke swin’we ni lomu u fambiseke kona xo karhi. Va hlamusela swingheniso hinkwaswo leswi ringanyetiweke ni ku kombana ndlela leyi swi nga tirhisiwaka ha yona.

15 min: Ku Fambisa Dyondzo Ya Le Kaya Ya Bibele. Nkulumo hi nkulu la fambisaka tidyondzo ta Bibele leti humelelaka. Khutaza ku endla matshalatshala lamakulu yo sungula tidyondzo ta Bibele. Hlamusela swiringanyeto leswi nyikeriweke ebukwini leyi nge Ku Hleleriwa Ku Hetisisa Vutirheli Bya Hina, matluka 89-91. U nga ha katsa ni mintokoto ya ndhawu ya ka n’wina hi ku komisa. (Leswaku u kuma tinhla leti engetelekeke, tirhisa Vutirheli Bya Hina Bya Mfumo bya August-December 1993, tluka 1.)

Risimu 164 ni xikhongelo xo pfala.

Vhiki Leri Sungulaka Hi July 24

Risimu 126

10 min: Switiviso swa vandlha. Hlamusela xihloko lexi nge “Nongonoko Lowuntshwa Wa Nhlengeletano Ya Xifundzha.”

15 min: Swilaveko swa vandlha. Kumbe u nyikela nkulumo leyi nga ni xihloko lexi nge “Ku Kombisa Rirhandzu Ra Vukreste Eka Vadyuhari,” lexi sekeriweke eka Xihondzo xo Rindza xa August 1, 1994, matluka 27-⁠30.

20 min: Xana Vaakelani Va Ta Anakanya Yini? Nkulumo ni nkombiso leyi sekeriweke eka The Watchtower ya April 1, 1974, matluka 201-⁠3. Nyika nkulumo malunghana ni mhaka leyi ha yona hi talaka ku tshikileriwa hi vaakelani va misava. (Hlanganisa tluka 201 ni ndzimana yo sungula leyi nga eka tluka 202.) Kutani vana ni nkombiso lowu kombisaka mpatswa lowu nga ni ntokoto wu ri edyondzweni ya wona ya Bibele ni ndyangu lowa ha ku tsakelaka lowu chavisiwaka hi vaakelani va wona va misava lava solaka ku dyondza ka wona Bibele ni Timbhoni ta Yehovha. (Hlamusela tinhla-nkulu leti saleke ta xihloko.) Kandziyisa swivangelo leswi endlaka leswaku ndyangu lowa ha ku tsakelaka wu nga fanelanga ku hetiwa matimba kumbe ku lan’wa.

Risimu 169 ni xikhongelo xo pfala.

Vhiki Leri Sungulaka Hi July 31

Risimu 136

15 min: Switiviso swa vandlha. Yi fanele ku tameriwa hi matsalana ni mulanguteri wa ntirho. Tsundzuxa hinkwavo leswaku va tisa swiviko swa vona swa ntirho wa nsimu wa July. Hi rirhandzu khutaza hinkwavo leswaku va hlanganyela hi xitalo entirhweni wa nsimu hi n’hweti yo hetelela ya lembe ra ntirho. Xana ku ni vanhu lavantshwa lava hlanganyelaka na hina, kun’we ni vana lava nghenaka xikolo lava vatswari va vona va khuvuriweke, vana lava nga ha fanelekaka ku va vahuweleri lava nga khuvuriwangiki hi August? Hlamusela leswaku leswi swi nga koteka ni le vandlheni. Hlamusela malunghiselelo lama endleriweke ku pfuna vanhu lava lavantshwa hi August.

15 min: “Vana La Akaka.” Bulo ni nkulumo hi nkulu.

15 min: Hlamusela Tibuku Leti Nga Ta Fambisiwa Hi August. Boxa tibroxara ta matluka ya 32 leti nga ha tirhisiwaka. Rhamba vahuweleri leswaku va hlamusela mintokoto leyi tsakisaka leyi va yi kumeke hi ku fambisiwa ka tibroxara hi July. Kombisa ndlela yo sungula dyondzo ya Bibele hi ku tirhisa broxara leyi nge Xana Xikwembu Xa Hi Khathalela Hakunene? Vutisa xivutiso lexi nga eka ndzimana 1 ya Xiyenge 1. Kuma n’wangulo wa n’wini wa muti lowu kombisiweke eka ndzimana 2-⁠4. Hlamusela leswaku broxara leyi yi kombisa leswaku Xikwembu xa hi khathalela hakunene ni leswaku hi nga tsakela vutomi handle ko xaniseka emisaveni yakwe leyintshwa leyi taka. N’wi byele leswaku u ta vuya mi ta yisa bulo emahlweni.

Risimu 179 ni xikhongelo xo pfala.

Yi ya emahlweni eka tluka 3

Minhlangano (yi sukela eka tluka 2)