MINHLANGANO YA NTIRHO YA AUGUST
Vhiki Leri Sungulaka Hi August 7
Risimu 118
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Vulavula hi swihloko swa minkandziyiso ya timagazini ta sweswinyana leswi nga ha tirhisiwaka eku nyikeleni ka rungula.
15 min: “Mi Fanele Mi Va Vanhu Va Njhani?” Swivutiso ni tinhlamulo.
20 min: “Vanani Vadyondzisi Va Rito Ra Xikwembu—Hi Ku Tirhisa Tibroxara.” Makwerhu loyi a averiweke nkulumo leyi u ta burisana ni vahuweleri van’wana vambirhi kumbe vanharhu hi swiyenge swo hambana-hambana swa tibroxara. Kutani va ta titoloveta swingheniso swa vona hi xivona.
Risimu 137 ni xikhongelo xo pfala.
Vhiki Leri Sungulaka Hi August 14
Risimu 124
5 min: Switiviso swa vandlha. Xiviko xa timali.
10 min: Tirhisa Xikolo Hi Ndlela Leyinene. Nkulu u kombisa ndlela leyi mutswari a nga vulavulaka ni n’wana wa kondlo-a-ndzi-dyi wa xinuna kumbe wa xisati malunghana ni ku hlawula tidyondzo exikolweni. Bula hi xilaveko xo hlawula tidyondzo leti nga ta va pfuna ku hlawula ntirho-vutomi evutirhelini.—Vona Xihondzo xo Rindza xa November 1, 1992, matluka 16-18, tindzimana 3-11.
15 min: “Vatswari Lava Tsakaka!” Nkulumo hi nkulu. Katsa ni tinhlamuselo leti humaka eka Xihondzo xo Rindza xa August 15, 1987, matluka 13-15, tindzimana 14-23.
15 min: “Mahanyelo Ya Vakreste eXikolweni.” Swivutiso ni tinhlamulo. Khutaza vatswari leswaku va pfuxeta Xihondzo xo Rindza xa July 15, 1991, matluka 23-6, ni vana va vona, ngopfu-ngopfu swiyenge leswi vulavulaka hi timhaka leti vana va nga ha langutanaka na tona.
Risimu 157 ni xikhongelo xo pfala.
Vhiki Leri Sungulaka Hi August 21
Risimu 148
10 min: Switiviso swa vandlha. “Nongonoko Lowuntshwa Wa Siku Ra Nhlengeletano Yo Hlawuleka.” Loko ri tiveka, boxa siku ra nhlengeletano leyi taka. Khutaza hinkwavo leswaku va va kona.
15 min: “Ku Tinyiketela Ka Hina Hi Rirhandzu eNtirhweni Wun’wana Ni Wun’wana Lowunene.” Nkulumo leyi hisaka hi nkulu eka tindzimana 1-9.
20 min: “Ku Tinyiketela Ka Hina Hi Rirhandzu eNtirhweni Wun’wana Ni Wun’wana Lowunene.” Ku hlanganisiwa hi swivutiso ni tinhlamulo ka tindzimana 10-15. Kombisa swilaveko swa vandlha ni tindlela leti hinkwavo va nga pfunaka ha tona.
Risimu 156 ni xikhongelo xo pfala.
Vhiki Leri Sungulaka Hi August 28
Risimu 173
10 min: Switiviso swa vandlha. Endla xiviko hi nhluvuko lowu endliwaka ensin’wini leyi nga aviwangiki. Tivisa vandlha hi malunghiselelo ya September. Vulavurisana ni muhuweleri un’we kumbe vambirhi malunghana ni ku humelela loku va veke na kona hi nkarhi wa tsima. Matsalana ni vafambisi va dyondzo ya buku va fanele ku vona leswaku swiviko leswi xiyekaka swa ntirho wa nsimu wa lembe ra ntirho ra 1995 swa tisiwa. Tsundzuxa vahuweleri leswaku va vika ntirho wa vona wa nsimu wa August hi ku hatlisa.
15 min: “Maendzo Yo Vuyela Lama Humelelaka Ma Lava Madyondziselo Lama Humelelaka.” Hlamusela tinhla-nkulu kutani u va ni nkombiso wun’we kumbe mimbirhi leyo koma. Khutaza lava rhangelaka eminhlanganweni ya ntirho wa nsimu leswaku va pfuxeta tinhla leti ni mintlawa leyi yaka entirhweni, va yi pfuna ku tirhisa swiringanyeto leswi nyikeriwaka leswaku va antswisa eka maendzo yo vuyela.
20 min: Fambisa Buku Leyi Nge Hanya Hi Masiku Hi September. Hlamusela ndlela leyi buku leyi yi nga ya nkoka ha yona eku nyikeleni ka rungula ra Yehovha ro avanyisa. (Vona Xihondzo xo Rindza xa April 1, 1988, matluka 25-6, tindzimana 17-18.) Hlamusela mintokoto leyi nga eka tindzimana 3-4 eka tluka 15 ra Xihondzo xo Rindza xa April 1, 1992. Yisa nyingiso eka swifaniso leswi kokaka mahlo leswi nga eka matluka 3, 11-13 na 156-8 ya buku leyi. Hlamusela tindlela leti swifaniso leswi swi nga tirhisiwaka ha yona ku sungula mabulo. Vana ni muhuweleri la nga ni vuswikoti a kombisa xingheniso xo koma hi ku tirhisa rin’wana ra Matsalwa lama kombisiweke eka matluka 156-8. Kandziyisa pakani yo ringeta ku sungula tidyondzo ta Bibele. Tsundzuxa hinkwavo leswaku va tikumela tikopi to ti tirhisa mahelo-vhiki lawa.
Risimu 178 ni xikhongelo xo pfala.